روايه ,, جديده اسمعك كمل كلامك روايات 2024.

,,,,,,,,,,,,,,,,,

,,,
بلال رجع البيت الساعه 5 الفجر , امه كانت تنتظره بالصاله وباين عليها الخوف واول ماشافته داخل من باب البيت
قامت من مكانها _ بلال وين كنت يمه
تذكر بلال انه ماكلم اهله وقال انه يبي يتأخر
بلال _ انا اسف يمه شفت واحد من العيال وسهرت معه ونسيت اقولكم حقك علي
تنهدت ام بلال براحه _ ابوك خايف عليك وكل شوي يسأل عنك ,, تعال شوفه هو توه مصلي الفجر ومانام
بلال _ طيب بس اغسل وجهي واجي
, راح بلال للحمام الله يعزكم غسل وجهه طالع بنفسه بالمرايه تذكر اليوم الي مرض فيه ابوه والدكتور قال انه مراح يعيش وان ايامه معدوده بالدنيا ,, كانت ايام جدا سوداء ماقدر يستوعب الحياة بدون ابوه ,
ولكن الحين مرت سنه علي مرضه وابوه يتحسن شوي شوي الحمد الله ,,
خرج من الحمام وراح لغرفه امه وابوه كان جالس عالسرير , , ابتسم له ابوه ومد يده تعاااال
قرب بلال منه وسلم علي يده وراسه وضمه لصدره بقوه ,,
,,,,,,,,,,

اليوم التالي
بلال جلس عالنت ينتظر يزيد يدخل الأميل لكنه مادخل خاف لا يكون زعلان منه لأنه وعده انه يكلمه بالليل ونسيه
مر الوقت ويزيد مادخل اميله سكر جهازه ولبس ملابسه طالع العمل وهو كان متأخر علي عمله كالعاده
,, وبسرعه دخل المكتب وفتح الكمبيوتر حتي يبين انه جاي من زماااان الدوام
فكر يفتح اميله يمكن يشوف يزيد بلال بنفسه فكر انه يطلب من يزيد رقمه الخاص حتي يتواصل معه عاالجوال احسن من المسن
,, ياتري ايش راح يكون رد سوسن ؟
……..
بعد صلاة العشاء بالمكتب يخف الشغل علي بلال
وهو جالس ويحس بالملل اصلا بلال طول وقته طفشان والطفش منه وفيه ,,
شوي ويجيه تنبيه بالجوال حس انه يزيد
اخذ جهازه وطالع فيه وكان فعلا يزيد ابتسم
بلال وكان مغير النك تبعه من بلال الي
يارب يخليك لي يا الغالي ,, وكان يقصد ابوه بالنك
سوسن استغربت النك
وسألت بلال
يزيد _ ايش يعني نكك ؟
يارب يخليك لي يالغالي تقصد مين ؟
يارب يخليك … الخ _ اقصد الغالي ابوي ,, انا قلت لك انه كان مريض قبل فتره والدكتور قال انه راح يموت ولكن الحمد الله الحين مرت سنه وهو يتحسن شوي شوي واليوم الفجر نمت عنده علي سريره يارب يخليه لي انا راح اضيع من غيره
بلال كان يكتب الكلام وهو يحس نفسه بيبكي لكنه تمالك نفسه …
سوسن حست بغصه وهي تقراء كلام بلال
وتتذكر ابوها الي مايدري عنها ولا يسأل عليها ولا بيوم حست بحنانه الي تفتقده حيل
,,
سوسن ماردت علي كلام بلال
بلال حس انه يمكن جرح يزيد بكلامه عن ابوه وهو كان يشكي له تجاهل والده وعدم اهتمامه
يارب يخليك ,.. _ انا اسف يايزيد؟
سوسن استغربت يتأسف علي ايش ؟؟
يزيد _ علي ايش تتأسف ؟
يارب .. _ اني كنت اتكلم عن ابوي وانت …< ماكمل بلال كلامه ..
يزيد _ هههههه لا تهتم عادي انا مازعلت ولا شي وانا افرح اذا انت تكلمني عن حياتك ,,
بلال تردد قبل لا يطلب من يزيد الرقم
يارب . .. طيب ممكن طلب
يزيد _ ايش ؟
يارب يخليك لي ,.. _ ممممممم ممكن رقمك
سوسن تسمرت ياربي الحين ايش اقوله هذا .
انتظر بلال انه يجيه رد من يزيد لكنه مارد
استغرب وش فيه
يارب ,, _ طيب احسك انت ماتبي عادي انا مراح اجبرك
يزيد _ ماعندي جوال
بلال استغرب ايش الأنسان هذا
يارب _ من جدك انت ولا هذه كذبه مو معقول احد بالزمن هذا ماعنده جوال
يزيد _ انا ماعندي جوال
يارب يخليك _ طيب كيفك
بلال ماصدق عذر يزيد بس ماحب يدقق وغير الموضوع
يارب _ ايش سويت اليوم يايزيد
يزيد _ ماسويت شي
يارب _ خرجت ؟
يزيد _ لا ماخرجت , وين اروح يعني
يارب _ طيب انت ماعندك سياره
يزيد_ لا ماعندي سياره حالتنا الماديه ماتسمح انه يكون عندي سياره
يارب _ انت تدرس
يزيد _ خلصت الثانويه بس ماكملت جامعه
يارب _ كم نسبتك ,,
يزيد _ مممممممم 78
يارب _ مره نازله بس لو تبي ممكن اشغلك معي بالشركه من بكره
سوسن ماقدرت تصدق هذا مو بشر هذا ملاك يبغي يساعد انسان مايعرفه ,, مو معقول انه يتونس مو مبين انه يمزح هو جدي
..
يارب _ هاه ايش قلت انت ايش فيك ساكت
يزيد _ ايش اشتغل ؟
يارب _ انت بس تعال مقر الشركه الرئيسي وماعليك
يزيد _ انت ليش تسوي كذا .؟
يارب _ اسوي ايش ؟
يزيد _ تبي تساعدني .. انت ليش طيب .
بلال تأثر من هذه الجمله انت ليش طيب .. وفعلا سأل نفسه . انا ليش طيب .!
يارب _ انت محتاج مساعده وانا اقدر اساعدك بس هذه هي السالفه ,, يعني لو انا بيوم احتجت مساعده انت مراح توقف معي ؟
…..
سوسن حست بغصه بقلبها ,, كانت تبي تقوله الحقيقه انا بنت مو ولد بس شعور بداخلها منعها يمكن خوفها من انها تفقده لو قالت له الحقيقه ,,
……………………
مرت ألايام بسرعه
سوسن لم تشعر بمرور شهر علي علاقتها ببلال
وبلال لم يشعر بذالك كلهم استغربو مرور الوقت بهذه السرعه …
اليوم قرر بلال انه يطلب من يزيد انه يوافق علي انه يشوفه او علي لأقل يكلمه وقرر انه مايترك المحادثه الا وهو ماخذ رقمه او ماخذ موعد منه ,,,
……….. الساعه 1 بالليل ,,
انتظر بلال دخول يزيد المسن واول ماشافه سجل الدخول
بلال _ هلا يزيد كيفك
سوسن كانت تعبانه اليوم تهاوشت مع خالتها ومدت يدها عليها ويوم رجعت البيت لقيت ابوها عازم اصحابه وسوت لهم عشاء وتعبت كثير من الشغل
يزيد _ الحمد الله بخير كيفك انت
بلال _ الحمد الله انا بخير بس ابي منك طلب وارجوك لا تردني
يزيد _ ايش اطلب .
بلال _ ابغي رقمك وياليت لا تكذب علي وتقول ماعندي لأني مو مصدق
يزيد _ وليش تبغي رقمي
بلال _ ابغي اكلمك يا اخي ونفسي اشوفك لي شهر معاك وماشفتك ولا سمعت صوتك ليش ,
سوسن حست بغصه وفرت دمعه من عيونها المتعبه وهي تقراء كلام بلال الي مبين انه طالع من قلبه ,,
بلال _ انا حبيتك مثل اخوي والله واذا انت تلعب علي ياليت تنسحب من الحين ولا تجرحني ,,
سوسن ماقدرت تكتب شي غمضت عيونها وبنفسها _ يارب سامحني يارب سامحني
بلال كان ينتظر رد من يزيد لكن لا شئ حس بنفسه مخدوع من قبل شخص لا يرحم كره نفسه وكره يزيد
سكر الأميل وخرج من البيت بسكاااااااااااااااااات
امه حست عليه ان فيه شئ بس ماحبت تتكلم قدام ابوه خافت لا تقلقه بدون داعي
…
سوسن يوم خرج بلال بكت بحرقه كان نفسها تقوله الحقيقه بس اكيد مراح يسامحها ولا راح يفهم موقفها سوسن اكتشفت انها حبت بلال والسبب دموعها الي انهمرت يوم خرج بلال بدون كلام وحست انها خسرته من قبل ان تكسبه ,,
…
عند بلال
كان بسيارته واقف عند الأشاره افكاره مشتته ومو عارف يركز ومستغرب اهتمامه بيزيد الغير منطقي
بلال _ انا ليش مهتم بالشخص هذا ليش له مكانه بقلبي وانا ماقد شفته , , ولا سمعت صوته ,
الأشاره فتحت وبلال مشي ومو عارف وين يروح بذا الوقت المتأخر من الليل ,, قادته سيارته الي مجمع تجاري وسط المدينه كان فيه كافي بجانب المجمع نزل من سيارته واشتري له قهوه بدون حليب كما يحبها
بلال يحب شرب القهوه بدون حليب ,, يحب وقت الغروب كثيرا ,, واكثر شي يعشقه بالحياة النوم علي رمال البحر بدون التفكير بشئ فقط يغمض عيناة ويذهب بعيدا ويفكر بلا شئ ,,
تري هل سيظل يحب هذه الاشياء ام سيكرهها ’’’’’’’’’’’’
جلس بلال علي احد الكرسي المتراميه هنا وهناك المكان كان هادئ جدا هناك اشخاص يدخلون ويخرجون من المجمع ومن البيوت القريبه من المجمع
ولكن بالرغم من ذلك المكان هادئ ,,
تنهد بقوه الجو ونفسيته وهدوء المكان ذكره بما اراد ان ينساه ,, يوما

عاد بلال الي سته شهور الي الوراء

,,
الوقت مساء كان ينتظر محبوته في المجمع اتصلت عليه وقالت ان عندها شئ مهم تبي تقوله له ضروري
تأخرت ربع ساعه عن الموعد وهو استأذن من عمله نص ساعه ومايقدر يتأخر علي المكتب
شوي ويشوفها جايه تمشي بخطوات متردده يأ الله كم يحبها لم يبعد ناظره من عليها جلست امامه والتزمت الصمت استغرب سكوتها حتي انها لم تمد يدها للسلام عليه
بلال _ ايش فيك يالغاليه .. عسي ماشر
تنهدت بقوه _ احنا لازم ننفصل , وننسي الي فات
ضحك بأستهزاء _ ادري ان اليوم عيد ميلادي وانتي محظره لي مفأجأء حلوه صح
لم ترد عليه حس بغصه بقلبه تغيرت ملامح وجهه
بلال _ تكلمي قولي ايش عندك
_ انا مو عارفه ايش اقولك ,, انت كان لازم تعرف من زمان ,, انا مخطوبه لولد عمي من وانا صغيره وقبل اسبوع جو خطبوني رسمي و ,,,
قاطعها بحده _ وليش ماقلتي لي ,, من بدري ليش انتظرتي المده هذه كلها ,,
_ انت الي بديت وانا ماقدرت اردك
طالع فيها لم يعد يراها محبوبته تغيرت نظرته اتجاهها حس بذالك الشعور الذي يكرهه
قام من مكانه _ الله يوفقك
ومشي بعيدا عنها
…………….
’’’’
عاد للواقع وقام من مكانه ركب سيارته حس بشئ يربطه بهذا المكان مع ان هذه اول مره يأتي الي هذه المنطقه السكنيه
,,,,, حاول طرد هذا الشعور من رأسه المتعب وعاد لبيته
,,,,,,,,,,,
وهناك فكر انه يحذف يزيد من قائمه اصدقائه لأنه شعر بأن هذا الشخص لعاااااااااب وراح يتعب معاه كثير
,,,
رجع البيت واستقبلته أمه بحظن دافئ قلب الأم شعر بأن ابنها الوحيد لديه مشكله ولآنها تعرف بأنه لن يخبرها فأكتفت بضمه الي صدرها الحنون عله ينسي ,,
,,
بلال بعد شوي عن أمه
بلال _ انا بنام تعبان
ومشي من عندها وسكر الباب
ام بلال استغربت تصرف ابنها _ ياتري ايش فيك ياوليدي ,,
.
عند سوسن
كانت تبكي وتطالع بالكمبيوتر فاتحه المسن وتتمني بداخلها ان بلال يدخل وتكلمه لكنه مادخل
فتحت صفحتها بالفيسبوك ,, , ودخلت علي صفحته جلست تطالع بصوره وتبكي
سوسن انسانه ضعيفه ولا تملك سوي الدموع ’’
,,
بلال فتح المسن ولقي يزيد قدامه ماخرج ضغط علي اسمه وكان بيختار خيار حذف لكنه تردد
سؤال دار بذهنه وحب يسئله
بلال _ يزيد ,, ممكن اعرف انتا مين ؟
سوسن انتبهت لبلال يكلمه فرحت وراحت فتحت المحادثه
وتفأجأت بالسؤال ,, توقف الزمن هنا عند سوسن
انا مين ؟؟ صحيح انا مين ؟
,,
ماردت عليه بلال عصب ,
بلال _ يا اخي حرام عليك تعبتني معاك قول انت مين والله مراح ازعل بس ريحني
سوسن _ طايب برسلك رساله عالأميل بكره وفيها كل شئ
بلال _ لا ,لا الحين مراح اصبر لبكره
سوسن _ ما اقدر اقولك الحين ما اقدر
بلال حس ان الي راح يوصله بالرساله شئ مو طيب شئ راح يدمره
بلال _ طيب ,,
وخرج بدون ما ينهي المحادثه مع يزيد ,,
سكر اللابتوب ورمي نفسه علي سريره وحاول انه ينام ,,
…..
سوسن نفس الشئ سكرت الجهاز ورمت نفسها علي سريرها وماقدرت تنام ابد ,
قامت وفتحت الشباك الي يطل علي المجمع التجاري ,, وسرحت وفكرت ايش تكتب لبلال بالرساله وكيف راح تكون رده فعله اكيد مراح يكلمها ثاني لكن هي حبته
وهي الحين صارت تحسن من نفسها بدت رجيم واهتمت ببشرتها اكثر وغيرت من لون شعرها
الكل صار يعلق عليها ويتسأل ايش فيها سوسن تغيرت وخالتها صارت تغار منها , ,
.. وتغيرها كله عشان بلال لأنه الوحيد الي حبته ,, ودخل قلبها من دون مقدمات , ,
حبته لطيبته لروحه الحلوه …
وفجأ عرفت سوسن ايش راح تكتب لبلال بالرساله ,,
راحت يم جهازها ,, وفتحته ..
فتحت المفكره ,,
وخلت المهمه لقلبها ,,

,,
بلال كانت نفسيته اصلا تعبانه يعني الي فيه مو من يزيد( سوسن ) من الحياة الي تعبته طيبته وثقته الزائده بالناس سببت له مشاكل كثير بحياته
مع اصدقائه او من كان يظنهم اصدقائه ,, مرض ابوه وخوفه الدائم عليه ,, تحمله مسئوليه اهله
حبه الي ضاع منه بين يوم وليله ,,
لم يستطع نسيان ندي ابدا حتي لو حاول , ذالك
..
سوسن انتهت من كتابه الرساله ,, تنهدت بقوه ,
سوسن _ يارب يفهمني ,,
,,,,,, ,,,, ,,, ,,,

في اليوم التالي
صحي متأخر علي دوامه كالعاده ,, وصل المكتب ولقي المدير ينتظره هناك حس ان اليوم من بدايته راح يكون زفت
تنهد وحط شنطه اللابتوب علي الكرسي
المدير _ سلامات ليش متأخر اليوم
بلال وهو يخرج اللابتوب من الشنطه _ حصل لي ظرف طارئ
المدير _ ايه ظرف ,, الظرف حق كل يوم ولا اليوم غير
بلال عرف انه انكشف وان المدير عارف انه كل يوم يتأخر ابتسم لترطيب الأجواء بينه وبين المدير
ضحك المدير وقام من مكانه وقرب من بلال حط يده علي كتفه بحنان المدير كبير بالسن ويعتبر بلال مثل ابنه _ انا عارف عن ضروفك مرض ابوك الله يشفيه وعارف ان مافي احد غيرك يصرف علي اهلك فلذا انا عاذرك يعني انا شايف انك تقوم بشغلك علي اكمل وجه ومشاء الله عليك محد يشتكي منك الكل يمدح فيك وهذا الي مخليني اغظ النظر شوي عن تأخيرك
ابتسم بلال ونزل راسه وماتكلم
المدير طالع بساعته _ تأخرت علي البيت يا الله فمان الله
ومشي طالع من عند بلال تنهد بلال براحه وجلس يشوف شغله
…
سوسن رسلت الرساله لبلال وقلبها يدق بقوه وبسرعه وتحس روحها تبي تطلع ,, كانت تدعي الله انه يتفهم الوضع ومايزعل منها ولا يتركها لأنها مراح تتحمل ابد
,,
اليوم كان ثقيل جدا والوقت مر ببطء علي بلال حس بالتعب وماصدق انه يخرج من الشركه وعلي طووول راح عالبيت سلم علي اهله وراح لغرفته ,, ورمي نفسه علي السرير يبي ينام وفجأء وهو بيغط بالنوم
تذكر يزيد وانه قال يبي يرسل له رساله وقام بسرعه من فراشه وفتح اللابتوب فتح صندوق الوارد وشاف رساله من يزيد
بلال _ياتري ايش رسلي ..
تنهد وفتح الرساله وماقدر يصدق الي يقراه
,,( السلام عليكم
بلال اتمني ان تقراء هذه الرساله بقلبك لا بعيناك ,, لأنهما سريعتا النسيان
, , (( قبل كل شي قبل ان اقدم لك اعتذاري ,, عن مافعلته بك
اريد ان اقول لك اني أحبك
,,,
واكتشفت اني احبك عندما شعرت بأني سأخسرك ان عرفت الحقيقه التي كان لابد ان تعرفها
كما يقولون حبل الكذب قصير , ,
وهنا نهايه الحبل
بلال ,, كل ما اخبرتك به حقيقي مشاكلي معناتي ,, كل شي لم اكذب عليك سوي بأ لأسم والجنس واكتشفت ان هذا كان اهم شي
,,,,,,,,,,,,,,,,,
بلال ,, اخبرني لو اخبرتك من البدايه انني فتاة ,, هل كنت ستسمعني هل كنت ستهتم بي ؟
اريد منك ان تجاوب علي هذا السؤال ,,
,,
بلال لم يصدق ,, يزيد ,,,, بنت ,,
حس بقلبه بيطلع من مكانه حس بالغضب وغصه بحلقه مو قادر يستوعب يزيد ,, بنت
بعد شهر يكتشف انه انخدع ,, وللمره الثالثه
,,
ماقدر يكمل الرساله سكر جهازه وكان بيطلع من البيت ,, لكنه ماحب يخوف اهله عليه
رجع وجلس علي سريره ,,
بلال بنفسه _ ليش ,, ليش حظي كذا ليش ,, انا كيف سمحت لنفسي انها تضحك علي كيف
خليت نفسي مسخره عندها ,, وليش ليش ,,,,,,
انا لازم انتقم لكرامتي الي انهانت قدامها لازم اخليها تندم علي اليوم الي قررت انها تكذب علي فيه مراح اسكت زي كل مره مراح اسامح مراح امشي واتركها
,,,
في لحظه اجتمع كره العالم كله بداخل قلب لم يعرف الكراهيه يوما قلب لم يدق الا لأجل الحب وللحب اصبح في تلك اللحظه قلب يدق للكره ولآجل الكره ,,
بلال قرر ان ينتقم من سوسن شر انتقام
قرر ان يستغل حبها له
بلال _ هي تحبني وهذا الشئ راح استغله لصالحي راح انتقم منك ياسوسن مراح اسكت زي كل مره مراح اسامح ياويلك مني ,, الأنسان الضعيف خلاص مات وانتي السبب ,,

تري هل تستحق سوسن ماسيفعله بلال
……………….
عند سوسن كانت نتتظر رد بلال عليها بقيت حتي الصباح تنتظر رساله من بلال ولكن لاشئ
شعرت بالحزن , اكيد غضب منها ولن يكلمها ثانيه
سوسن جلست تدعي الله بقلب صادق _ يا الله والله احبه وانت العالم يارب يحن علي ويقرر يسامحني يارب , ..

بلال لم يكلم سوسن لمده اسبوع كامل تنفيذا لخطته الانتقاميه من سوسن
كان يريد منها ان تشتاق له وان تتلهف له حتي اذا طلب منها اي شئ ستنفذه دون اي اعتراض
بعد اسبوع
ويوم السبت
بلال جلس عالمسن ينتظر دخول سوسن
شوي وشاف سوسن ..
ابتسم
بلال _ هلا بـــيزيد
سوسن لم ترد تسألت هل قراء الرساله
ضحك بلال _ ايش فيك رد
سوسن _ جاتك رسالتي
بلال _ ايه جاتني ,
سوسن _ طيب
بلال _ طيب ايش ؟
سوسن حست بجفاء بكلام بلال لكنها حاولت التجاهل
سوسن _ بلال كيف حالك
بلال _ بخير كيفك انتي
يوم قرت كيفك انتي حست بشئ غريب
سوسن _ الحمد الله بخير دامك بخير
بلال _ انا بشوفك ممكن ولا لا اعتقد الحين ماعندك عذر
سوسن خافت منه خافت يسوي لها شئ
بلال _ لا تخافين مراح اخطفك انا بشوفك بشوف الأنسانه الي ضحكت علي وهذا من حقي
فرت دمعه من عيون سوسن وماقدرت تكتب شئ
بلال _ تكلمي قولي شئ لا تسكتين ,, انا بشوفك مراح اكتفي بسماع صوتك لا بشوفك ,, ولا ترفضين ,, انتي جرحتيني قتلتي فيني كل شئ حلو خليتيني اشوف الناس كلاب , انا تفأءلت فيك الخير يوم كلمتك قلت هذا انسان نضيف وطلعت احقر انسان او انسانه
ربي مراح يسامحك ولا انا راح اسامحك ولا انتي راح تسامحين نفسك ابد ,
,,
سوسن حست بضيق بنفسها وهي تشوف كلام بلال مبين من الشاب انه مجروح
حست نفسها بتموت قامت من علي الجهاز راحت يم الباب فتحته اخذت تنادي علي ابوها الي بالصدفه كان بالبيت
سوسن وهي بالكاد تتنفس _ ابوي الحقني بموت
وطااااااااااااحت علي الأرض
,,, ,,,,,,,,,,,,,,,,,,