السلام عليكم ورحمة الله وبركاته
اخواتي عندي لكم كم خطوه من اجل وزن مناسب وصحه ورشاقه بدون تعب ولا رجيم قاسي –
1- التسميه قبل كل شي
2- الاكل بالملعقه وعدم استخدام اليد لان اليد تفرز ماده تساعد على فتح الشهيه اكثر
3- لاتستخدمين الفلفل بانواعه لان حرارته ولونه يفتح الشهيه وتخليك تاكلي اكثر
4- استخدمي صحن وسط واذا خلصتي من اكل الي في الصحن لا تروحين تاخذين مره ثانيه من نفس الاكل وردد في نفسك انا شبعت انا شبعت الحمد الله
5- اجلسي امضغي الاكل في فمه دقيقه الين ماتصير مره ناعمه وبعدين ابلعيها منها تساعدين المعده ماتتعب ومنها تستمتعين في مضغ الطعام ومنها تحسين انة بديتي تشبعين
6- وانتي تاكلين تخيلي نفسك وانتي رشيقه راح تقل شهيتة للاكل لان مابعد السمنه الا الامراض الله يكفينا شرها الا من رحم الله
7- اخلصي في نيتك انك ماراح تقللين في الاكل الا علشان تتسهل عليك العباده وخاصه في قيام الليل
8- اشربي قبل الاكل بنص ساعه مويه كاسين علشان ماتاكلين كثير
9- اذا رحتي للمطعم او سوبر ماركت لا تروحين وانتي جوعانه لانك راح تاخذين اشياء كثيره وماراح يكون في مصلحتك ابد
10- فكري دايم بالثياب الجميله الرشيقه التي تريدين ان تلبسيها ولكن لاتستطيعين ان تلبسيها بسبب وزنك وان هذا كله بسبب الاكل الزائد
11- لاتاكلين ابد عند التلفزيون لانه سوف يجعلك تاكلين اكثر مما يجب
12- لا تاكلين الا اذا جعتي مره واذا اكلتي كم ملعقه وحسيتي ان وجع الجوع خف وقفي وراح تشبعين ان شاء الله
13- اذا اشتهيتي حلا خذي فاكهه انتي تحبينها وكليها وخلي فكرك الباطني يقول ان هذا هو الحلا
14- لاتقيسين وزنك كل يوم لان بيصير فيك ضيقه اذا مانزل قيسيه كل اسبوع مره
15- لاتقيسين وزنك اذا كنتي تعبانه اوتوك ماكله او غيره لانه بيزيد او يخبط عليك قيسيه افضل شي اول ماتقومين الصباح على طول من نومك للميزان
وفي الاخير اتمنى لكل اخواتي انهم يوصلون للوزن الي يبونه وان شاء الله راح يتحقق الحلم الي تبينه ارجو كل من يقرا كلامي يدعي لي ان الله يرزقني حمل طبيعي بتؤم اولاد كاملين الخلق والخلقه بدون زياده ولا نقصان وبارين ويفرج علي فرج قريب غير بعيد يااااارب وجيمع المسلمين ويرد كيد اعدائي في نحرهم ان شاء الله 
تسلمووون على المرووووور يالغالين وعلى تشجيعكم