كيف حالكم اخواتى واحبتى فى الله
يارب تكونوا كلكم بخير حال
النهارده ان شاء الله معادنا مع حمله جمييله جدا وان شاء الله تعجبكم
وانا شخصيا بنتظرها من السنه للسنه
وهى
حملة الاستعداد لرمضان
كتييييييييييييير اوى من حبيباتى هيقولوا احنا فيييين ورمضان فيييين
دا لسه كان امبارح ……!
وفى مننا هتقول منا كويسه مع ربنا والحمد لله بصلى وبقرأ قران وكله تمام
اه ممكن انسى التلاوه فى يوم او اخر الصلاه بس برده بصليها
او واحده تانيه تقول لما يبئا يقرب هبئا اظبط نفسى هو ربنا عايز منى ايه يعنى
الصلاه وبصلى
القيام ورمضان بنقومه فى المسجد وبكون نشيطه
القران وبقراه ربنا عايز ايه تانى
وفى اخرى تقول لالالا انا اعيش حياتى بالطول والعرض ولما ييجى اول يوم
هعمل زى ما الناس بتعمل علشان بيشجعونى
**وفى ناس تانيه عارفه معنى رمضان بجد وعارفه يعنى ايه تستعد من قبل ما ييجى عليها
بفتره كافيه **
انا عارفه ان لسه بدرى عليه بس انا حبيت نبدأ بدرى شويه امتثالا للايه الكريمه
( وعجلت اليك ربى لترضى )
هو ربنا سبحانه وتعالى بيتقبل عملنا فى رمضان بس
هو ربنا عايزنا نعصيه فى كل الشهور الا رمضان بس
هو ربنا خلقنا لرمضان ولا خلقنا لعبادته فى كل العام وطول العمر
دا بدايـــــة
والنقطه الثانيه
عارفه اهل الفن بيستعدوا لاعمالهم الرمضانيه قبلها بكام شهر
عارفه كل فنان فيهم بيعمل كام عمل علشان يعرض فى الشهر ده
عارفه بينام كام ساعه فى اليوم علشان بيحب شغله وبيحب يقدم حاجه كويسه لمحبيه
كلنا عارفين انهم بيتعبوا جدا فى شغلهم وبيحبوه اكتر من نفسهم
لدرجة ان فى ناس منهم مستعده تلقى ربنا وهى بتمثل او بتغنى
والعياذ بالله
قال سيدنا عمر بن الخطاب رضى الله عنه
عجبت لجلد الفاجر وعجز المؤمن
انا لم اكفرهم طبعا ولكن دا مجرد قول تذكرته وهو يذكرنى بفعلهم هذا وفعلنا نحن اهل الحق
اما ينبغى لنا حبيباتى فى الله ان نكون اول من يسارع فى رضا ربه
نحن اولى منهم بالجد والتعب والعوده باسرع ما نكون حتى ننال رضا رب العالمين
وبعد ……
قال رب العالمين جل وعلا
(وَلَوْ أَرَادُوا الْخُرُوجَ لَأَعَدُّوا لَهُ عُدَّةً وَلَٰكِنْ كَرِهَ اللَّهُ انْبِعَاثَهُمْ فَثَبَّطَهُمْ وَقِيلَ اقْعُدُوا مَعَ الْقَاعِدِين )
فاذا اردتى ان تنالى فضل العتق والمغفره التى نتغنى بها فى هذا الشهر العظيم فعليكى بالاستعداد
والمبادره واعداد العده حتى يرى الله الصدق من قلبك
ومن ثم يرزقكى التوفيق فى العباده
والقبول ان شاء المولى عز وجل
ولذلك حبيباتى احببت ان نبدأ من الان ……….. نعم ………… من الان
حتى نرى الله من أنفسنا خيرا فيرزقنا افضل مما نوينا
بفضله وكرمه
رابطة ( مع الرحمن حتى بلوغ رمضان )
رابطه ………. يعنى كلنا هنكون ايد واحده باذن الله تربطنا محبة الله والحرص على النجاه من النار والفوز بالجنه
مع الرحمن ………. هنجاهد نفسينا علشان يكون وقتنا وعقلنا وقلبا مع ربنا فقط وليس غيره
حتى بلوغ رمضان ………… حتى يبلغنا الله رمضان على خير حال ونحن رافعى الرأس ونقول
انا لها يارب العالمين
اهلا لرحمتك ومغفرتك
اهلا لكل خير ستزله علينا كل يوم
اهلا لقيام الليل وصوم النهار وانا راضيه
وانا سعيده وقلبى مطمئن بذكرك
معلشى المقدمه طويله ولكن الموضوع يستحق ان شاء الله
يتبـــــــــع
طيب ايه برنامجك يا لوزه اللى هنمشى عليه
هقولك يا قمر[/COLOR]
اولا : فى جدول للمتابعه
وهبدأ من الصفر يعنى ببدأ مع الاخت اللى اصلا مش ملتزمه بأى طاعه
بحب أبدأ معاها لانها احب الناس الى قلبى
هى اللى بتكون صادقه فى التزامها
هى اللى بتوب وربنا بيقبل توبتها
ويبدل سيئاتها حسنات
ونسأل الله لنا جميعا الثبات على الحق
ثانيا : قلبك ………… قلبك ………… قلبك
كتير مننا ربنا منّ عليهم بالتوبه والسير على الطريق وبعد فتره تحس ان قلبها قاسى او تحس انها مش مركزه فى صلاتها .. او انها بئت بتغتاب او بتتفرج على المسلسلات وبتسمع اغانى بعد ما ربنا تاب عليها
المكشله الاساسيه فى ………. قلبك
علشان كده هيكون طريقنا من بدايته مع القلوب هنتعرف عليها ونعرف اهمية القلب وايه امراضه وهل ممكن يبئا قلبى سليم ويرضى ربنا
هنعرف كل ده برده ان شاء الله فى الاخر
ثالثا : التوبه …..
عرفنا قلبنا فى ايه ومن منا يخلو قلبه من شهوه او شبهه كلما سار الى الله رجع الى نفس النقطه
بتوب وبرجع تانى هنعرف مع بعض معنى التوبه وازاى نتوب وازاى نثبت على التوبه دى ومنرجعش تانى للنفس المعصيه
رابعا : النفس
نفسك هى السبب فى كل شئ بيحصلك
سواء كنتى طائعه او عاصيه او نص نص
نفسك هى اللى بتمشيكى للاسف الشديد فعايزين نظبطها علشان تدخل رمضان وهى بتحب الطاعه بتحب ربنا … بتحب القران … بتحب الحياه فى طاعة الله
مش بتكره الصلاه … مش بتكسل عن قراءة وردها اليومى او الحفظ
وهكذا عايزين نفس مطمئنه زى ما ربنا زكاها وطهرها
خامسا : الاخلاق…
طبعا فى الفتره الاخيره اصبحت اخلاقنا فى الحضيض الا من رحم ربى
عايزين نتعلم دينا صح ونعرف لماذا قال الله لنبيه صلى الله عليه وسلم
وانك لعلى خلق عظيم
وقالت عائشه رضى الله عنها امنا الحبيبه
كان خلقه القران
هو ده هدفنا الاساسى اننا نحسن اخلاقنا وهنعرف كل شئ عنها باذن الله
هو ده البرنامج اللى نفسى نلتزم به طول هذه الفتره
يعنى هنشتغل على الخمس قواعد دول
( قلب – نفس – توبه – اخلاق – متابعه )
انا مش عايزه اى اخت تقول يااااااه كل دى حاجات هعملها
هقولك تانى اولا … كل ده هيكون باسلوب ميسر جدا جدا عليكى وهنمشى مع بعض واحده واحده
ثانى حاجه اننا اولى برمضان من غيرنا من اهل المعاصى هما بيجاهدوا نفسيهم علشان لما ييجى رمضان تفضلى قاعده قدام التلفزيون ويلهوكى عن ربنا
كونى انتى انصح منهم وابدأى قبليهم بتحصين نفسك
من معاصيهم والوقوع فيها
طيب الطريقه اللى هنلتزم بيها فى البرنامج
1- كل اسبوع بعون الله هنكون مع موعد للبرنامج العملى اللى هنمشى عليه
وهيكون من الصفر
2- برده كل اسبوع هنزلكم موضوع عن القلوب ولما ننتهى من تطهير قلوبنا هنكمل باقى القواعد مع النفس والتوبه والاخلاق
3- عايزه كل اخت تكون جاده صدقونى الموضوع لما نشوف ثماره فى رمضان او قبل هذا باذن الله هتعرفى انك اغتنمتى حياتك فى طاعة الله
حتى لو قبضتى فانك ستلقى ربك على نيه صالحه
وسيجازيكى مثل ما يجزى الصائمه القائمه
باذنه جل ثناؤه وتبارك وتعالى
4- كل اخت هتلتزم بالرابطه تكتب الجدول الاسبوعى فى اجنده او كشكول اواى شئ لشان ترجعله طول الاسبوع وتتابع فيها
5- من تريد الالتزام تضع التوقيع الخاص بالدوره لعل اخت تراه وتنضم الينا وتكونى انتى سبب فى التزامها وكل اعمالها فى حسناتك والله يضاعف لمن يشاء
هبدأ باذن الله من يوم السبت القادم مش هحدد ساعه معينه للحضور ولكن فى اى وقت تدخلى هتجدى الجدول باذن الله
واللى تحب تعمل تقرير يومى هنا… لها ذلك لتشجيع الاخوات
واللى تحب تحتفظ بعلاقتها بربها… فلها ذلك
انا كل اللى يهمنى انك تتعاملى مع ربك
بما يرضيه عنك
يكفينى منكى ان تقولى…………. تم
واليكم تواقيع الحمله
لو الموضوع عجبكم ياريت ماتنسوش التقيييم والدعوه الحلوه
ولكم بالمثل ان شاء الله
الله يجزززك الجنه ااختي