السلام عليكم ورحمة الله وبركاته
قبل كل شي اشكر ادارة المنتدى على منحنا منتدى مشكلتي لكي نطرح مشاكلنا بكل اريحيه
واتمنى منهم ان يطرحو موضوعي بأسرع وقت ممكن لأنني محتااااااجه احل هالمشكله وارتاح لأني معتمده ع الله ثم ع العضوات هينا وان شاء الله مايقصروا معاي
مشكاتي هي دكتوره عندي بالجامعه اللي انا ادرس فيها طبعا انا ادرس دبلوم بس يالليل المهم هذي دكتورة تدرسني احدى المواد المهم انا لاحظت انها تعاملني معامله ماترضي لا الله ولا رسوله يعني تحب تكسحني بالبدايه كانت تطلعني ما افهم المهم بعدين بطلت وصارت تضحك من اجاباتي وبالنهايه يطلع جوابي صح صرت اكرهها اصلآ ما ارتحت لها من شفتها لانها مغروره جدا جدا يعني انا درست بالمكان الفلاني وانا سويت كيذا (جنسيتها مصريه ) اخذت بمادتها الترم اللي راح مقبول مع اني استغربت مادتها لسننق (سمع) المهم الترم هذا قالت بقسمكم مجموعات كل مجموعه تسوي لي عرض برجكتر عن اي موضوع وتتكلم بالانجليزي بدون ما تقرا الورقه المهم حنا استغربنا كيف من دون ورقه وحنا تونا بالترم الثاني من اللغه شلت هم جبال لاني حريصه ع الدرجه انها ماتنقص مني المهم بعد اسبوع حضرنا موضوع بس ناقص الصور اللي تدعمه بالبرجكتر وجلست سويته الليل كله من 11ونص ل 4ونص الفجر طبعا اهملت بيتي عشانه وزوجي وولدي اللي يصيح وانا مطنشته عشان هالصور بعد ما ضبطت الصور ليلة العرض وحفظت حفظ صم ع قولتهم وهي قالت انا راح اقيمكم ع حفظكم وانكم ما تناظروا ع الورقه وثقتكم بنفسكم واندماج القروب مع بعض طبعا بعد كلامها لنا اخترنا يكون عرضنا بعد اسيوعين المهم سويت العرض وسالتني حاجه بالانجليزي وجاوبتها وقالت برافو برافو برافو والبنات يقولون ما شاء الله ما شاء الله وهي طول الوقت تقول انا انبهرت بيكي انتي ابهرتيني وانا ماتصدقون كيف فرحتي ذاك وطبعا الكلام اللي قالته لي ماقالته لأحد غيري والبنات اللي معاي يقولو والله اكلتي الجو علينا وانا اقول لزوجي 19ونص ما ارضى فيها 20 وبس طبعا الدرجه من 20 وبعد اسبوع رحت سألتها انا ووحده من البنات قالت درجتك 14 ونص وراح تنجبر وتصير 15 انا انصدمت ما قدرت اتكلم ما قدرت اقول شي تفاجأت وقالت قود لاك انا طلعت البنت اللي معاي نفس درجتي بس هي كان عندها اغلاط شوي بس حتى هي ماتستاهل هالدرجه رحت لوحده معاناى بالقروب كانت تقرا ما حفظت النص قلت الله يعينها دام انا كيذ هي كم سألتها قالت عطتني 16 والثانيه 17 وانا 14ونص حتى 15 ماعطتني كأنها تقول ما تستاهلين النص انا مقهورررررره قعدت ابكي نفسيتي تعبت احس اني مظلومه مظلومه نتيجتي اخذتها الأسبوع الماضي وانا ودي اكلمها ع الله تحس انها ظلمتني بس ما ادري وش اقول ما ادري انا احتاج النص درجه وهي تلعب بدرجاتي وانا اتفرح عليها واسلوبها مررره وسخ ساعدوني وش اسوي ودي اعلمها اني مو راضبه ع الدرجه احسها مستخفه فيني تكفووووووووووووووووووووووون واسفه ع الأطاله
موفقة
اتوكلي على الله وكلميهاا وماتخافي لان الله وياااج
وربي يوفقج ويسعدج بحياتج
و اذا كانت اخر مادة مع الدكتورة انصحك تطنشي اما اذا كنت مضطرة تاخدي معها مواد بعد حاولي انك تاخدي منها موعد و تحكيها بس ممكن كلامك يعتبر تحدي و تشكيك بقراراتها
الله يكون بعونك