ديكوباج 2024.

السلام عليكم ..
حبيت أوريكم تجربتي في الديكوباج .. وبصراحة جلست أادور في المنتدى عن هذا الموضوع والفن الجميل بس ما لقيت .. قلت يمكن أصير أول وحدة تحط عنه ..خخخخ

الحين بوريكم اللي سويته وتراها أول مرة أشتغل ديكوباج..يعني أبي تشجيع إذا عجبكم ..
بس إذا ما عجبكم الله يعافيكم لا تفشلوني

الصورة الأولى …..هذي لوح الصينية الخشب اللي من إيكيا ..اللي زارت إيكيا بتعرفها ..معليش نسيت اصورها قبل أفككها ..بوريكم شغلي فيها ديكوباج ..وهذا أول شي سويته ..والصينية هذي عندي من زمان ومن الغسيل خربت بويتها وصارت زي ما انتم شايفين …وزيادة عليها بديت فيها صنفرة علشان أساوي الأجزاء المنفخة من الموية ..وهذا أول الشغل ..

الثانية……هنا حطيت عليها جيسو ..وما اختفت آثار التشققات الا بعد أربع طبقات جيسو ..استخدمت الرول علشان أحط الجيسو ..ما استخدمت فرشة

الثالثة…………. هنا حطيت الصورة ..جبتها من النت وطبعتها على المنديل بعد ما ثبته على ورقة الطباعة بصمغ الورق العادي الاصبع uhu..شفت الطريقة من بنت عمتي أختي الحبوبة ..ورتني اياها في النت قلت بجرب ..هي كويسة بس العيب ان ألوان الطباعة تذوب مع الصمغ لاني هنا استخدمت صمغ غراء خشب مخفف ..يعني ماشي حاله بس أتوقع مع المود بودج راح تكون النتيجة أفضل ..

الأخيرة … وهذي هي الصينية ..بعد ماخلصتها ..

أتمنى اكون تجربتي عجبتكم …
وسلامتكم