السلام عليكم أخواتي انا مشكلتي هي أني تزوجت وجبت ولد وعائشة مع اهل زوجي لضروف زوجي وتطلقت منه بسبب المشاكل مع أهله وهو مايراعي بعدين خلصت عدتي وخطبني واحد متزوج وتزوجته وحملت ع طول والوحم كان شديد وماتقبلني ماخذني نزوة ورماني ولدة وأخذ ابني مني ولي تقريبا سنتين وعليها بعدين انا سعيت بالموضوع وطلبت طليقي السابق الاول يرجعني واتفقنا انا وهو وامه بس يقول مافيه مهر والمؤخر وتكاليف الرجعه ع أبوي وكلمت أهلي ورفضو يقولون يرخص فيك ويهينك ومن الكلام هذا وهم اصلا ما يدرون أني انا الي سعا بالموضوع من اول ماادري محتارة ودي ارجع له وأخاف يخذلني وارجع لأهلي مايستقبلوني واطيح من عين أهلي لأني تعبتهم كثير،، وجهوني لطريق الصحيح تفكيري وقف للعلم انا استخرت قبل لاقدم ع الفكرة
حبيت ارفعلك الموضوع
اهلك ادرى بمصلحتك:)
نصيحه من اخت لك في الله لا ترجعين له وابتدي حياه جديده مع شخص
ثاني لاتهيني نفسك بكرا مع اقل مشكله تصير بينكم يصير يقلل من قدرك ويذلك
ويقول انتي اللي كنتي تركضين وراي وانتي اللي حاولتي ارجع لك
عزيزتي اللي ينكسر مستحيل يتصلح وحتى لو تعدل مستحيل يرجع مثل قبل
مستحيل ترجع العلاقة مثل قبل فيه شي مختلف. وحافظي على كرامتك وكرامة
اهلك حرام تزعليهم لا وبعد يقول بدون مهر وتكاليف ليش انتي رخيصه
لهدرجه عنده المفروض بعد كلامه هذا تكرهينه ويطيح من عينك مؤ تفكرين فيه
الدنيا ماخلصت من الرجال كلمي أي خاطبه وخليها تشوف
لك رجال يخاف الله وبأذن الله ربي بعوضك الف خير
انتي اتخذتي القرار وهاتفتي طليقك .. واتفقتي معه ماذا تريدننا ان نفعل ؟!
ماهدفك من رجعتك لعصمته ؟
هنالك اهلك لست بحاجة لرحمة احد ؟!!
لو كنتي انسانة مقطوعه من شجرة وحيدة لا قريب ولا صديق لك فهنالك
تستطيعين تتخذين القرار وتبداون بالتفاوض وتتنازلين ..
ولكن انتي تعيشين معززة مكرمة في بيت اهلك افضل لك من
ان تعيشي بأجواء من الذل والاهانة …
وان كان هذا الامر فعلتيه لاجل الطفل .. فهو ولد .. ويتحمل مسولية نفسه
وسيعود لك ان لم يكن الان فلاحقا ..
ولو كنت بمكان اهلك .. ساقول لك .. ان اتيتي غاضبة او مهانة او ..الخ
فلا تلجاي لنا .. انتي اخترتيه وفضلتي شخص انتهازي على اهلك و ذويك .
لن نساعدك بشيء ولن نقف بصفك .. تحملي نتيجة خطئك واصرارك على الخطا
استخيري ولك حرية الاختيار ..
موفقة !
