أَدري والله يـا حبيبي من ورى عيـني تخون
لا تظـن إنِّك مكـذِّبْ .. لا تصدِّقهـا ظنونك
ومن يقول آنا أحبـك وقلبي عايش لِك يصون
نـا مثلك يا حبيبـي من ورى عينك أَخونك
هـان قلبـي في عيونِك و هم بعد قلبِك يهون
عشت أيَّامـك بِدونـي و عشت أيَّامِي بدونك
دامك تسمِّــي الخِيانــه في ملفاتك جنون
فِينــي لك مليون جِنّــي كلّهم والله يبونك
لاتسوِّي لـي حكايـة نون وما لا يعلمون
يعنِي فاهِم يعنِي عارف وإنت ضايع وسط كونك
كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك
لا تمثِّـل دور عاشِـق .. ولا تِقول إنِّك حنون
إنت قاسي إنت ناسـي إسأل اللِّـي يعرفونك
أو ترى يمكِـن يكـونوا مثلك إنت يكذبون
يذكرونِك.. يفقدونِـك.. بالكـذب هم يعشقونك
لا تصدِّقهم وتبكِي وفـي غيابِـك يضحكون
لا تأمِّنهـم وأحـذَر قبـل لا تبـدي طعونك
والله باكر ما يفيدك لا بـدى وقت الطعون
يطعنونِك وإنت شايف وإنت عـايش يذبحونك
والمصيبه بعد موتك بالكذب هـم يحزنون
يدفنونـك .. يكرمونـك .. و إلاَّ يمكن يتركونك
هي حياتك وإنت كيفك خون لو وِدِّك تخون
بس إفهم شي واحـد .. والله من خنته يخونك
مــنــقــوول
تحياتي
ماويه
أبيَات رائعَه
لقد خرس لسَاني أمام ذائقتكِ الشاهقه
وافر تحيّتي، عصفوُرة
تسلمين ياعصفوره…
وتعليقااتكم الجميله
لااعدمت طلتكم الحلووه
لا تأمِّنهـم وأحـذَر قبـل لا تبـدي طعونك
يسلمو عى النقله الرائعه
ذوق رآئع وتسسسلمين يآلغ ـلآ ..
