السلام عليكم..
فخاطري كلام كثير ودي اقوله..
انا كنت ادخل كثير المنتدى وارد على بعض المشكلات وكنت اثق فاسلوبي وتعاملي وقدرتي على حل المشاكل الين تزوجت وانهارت هالثقه تمامآ
انا صار لي 6 شهور متزوجه وعمري 21 وعمر زوجي 23 ..
مدة الملكة كانت سنه ونص وكنت مرتاحه جدآ لان نسبة تفاهمنا انا وزوجي 99% ولله الحمد وهو طيب وخلوق وكريم وكنت متخيله حياه سعيده لاتخلو من المشاكل طبعن
ولكن لاتقف على مشكله معينه
بعد الزواج كل شي تغير حبه لي واهتمامه كل يوم يقل
ومن اول شهر ظهر لي الجانب السلبي فشخصيته..
وجدت له علاقات سابقه قبل الزواج ((مع الجنسين )).. وهالشي اثر على ثقتي فيه كثير
ولكن جلس يحلف لي آيمان انها مجرد دردشات ماتتعدى صفحات النت وكلام كله كذب ومضيعة وقت وقفلت الموضوع وصرت اخاف من الخيانه كثير واشك فيه بس هذا كله بيني وبين نفسي
اذا رحنا مول او ملاهي او اي مكان عام ارجع نفسيتي تعبانه من كثر مايطالع
حتى فالحرم رحنا اخذنا عمره وجات عيني عليه وهي يطالع فبنت كاشفه اجنبيه
بالصدفه كفشته وهو يستخدم النشوق او التنبماك..
وعدني انه يتركه ووعدته اني اساعده والحمدلله بطل وفرحت وجلسنا 4 اشهر وانا بين فتره وفتره ارسله لاتنسى الوعد .. او انا سعيده انك بطلت واتمنى انك ماتضعف وووووو
الين اكتشفت انه مابطل ولا شي كله كان كذب وكان ياخذني على قد عقلي
.. هالشي هز علاقتي معاه كثير وتعبني ليه الكذب طيب ليه ماصارحني ؟!
من البداية وعدته اني اساعده وماراح اضغط عليه شويا شويا الين يتركه
بس حبسي الله ..
ومن جهة ثانية انطوااااااائي لايروح معاي مناسبات اهلي او اقاربي حتى اقاربه
تعامله مع اهلي لايتصل عليهم ولا يسأل وامي وابوي يعاتبوني يقولون
يجيبك عندنا الين البيت ولاينزل يسلم علينا ما كأن عندك اهل ووووو و
تعبت والله تعبت اشوف اخواني مهتمين فحريمهم ومبسوطين وصديقاتي كل وحده تحكيلي عن زوجها اش سوالها واش جبلها وانا اتحسر على نفسي اللهم لك الحمد
ممممممممممليت وصار الطلاق يجي فبالي كثيررر
لاني اخاف نبقى كذا واحمل واتورط بجد
جاوبوني
هل هذي المشاكل اللي امر فيها معه عاديه ؟!
يعني كل المتزوجات يمرون فخلافات مثل هذي
وإلا تعتبر دليل ان علاقتنا فاشله وماراح تستمر؟!
دعواتكم لي تكفووون
من رايي انه زواجكم ابدا مب فاشل وكل زواج معرض لمشاكل
بس الذكي اللي يقدر يقود هالزواج لبر الامان
وشي طبيعي انه قبل الزواج شي وبعده شي
اجلسي وياه وذكريه بأيام زمان كيف كنتو يمكن يحن
وكلميه وصارحيه انه هو تغير ونظرتج تغيرت صوبه وخاطرج ترجعون مثل قبل
و ترا الطلاق كلمة سهلة لكن نتايجها فضيعة
والله انقهر يوم اشوف كل يوم وحدة تيي تقول بتطلق
الله يسخر لج ريلج
موفقة
استغفر الله العظيم الذي لا إله إلا هو الحي القيوم و أتوب إليه 
اهم شي انو لسى فيه ذرة خيرر وضميرو حي
وهذي الشغلات اللى متعبتك تقدري تتجاوزيهاا بالدعاء ادعي الله بأستمرار عن كل شي تتمنيه في زوجك
وان شاء الله حالو راح يتغير للأفضل
الدعاء بيحقق المستحيل اناا كل مابواجه مشكله الحل بلاقيه في الدعاء وقربي من الله
صدقيني اعملي اللى حكيتلك عنوو وشوفي كيف بتكون حيااتك
..
بس الاهم من كل هذا انك ماتحملي منه قبل لا تتأكدي انه تغير او على الاقل
تعرفي انك تقدري تستمري معاه