السلام عليكم
كيفكم بناات
عندي مشكلة مسببة لي ازمة كبيرة وهي الخوووووووف الشديد
اشياء كثيرة اخاف منها بالذات المرتفعات و مستشفى الاسنان
طبعا عمري 19
المهم انا الحين باقي ع زواجي شهرين و شوي و انا للحين ما سويت اسناني
عندي 6 اسنان فيها سوسة بس مااقدر اروح المستشفى عندي خوف شديد جدا منه
لدرجة مره رحته و انا عمري اقل من 12 و كنت ارجف مره و رفضت الطبيبة تسوي اسناني تقول هذي ترجف من الخوف مااقدر اسوي لها و كانت اخر زيارة للمستشفى
و الله اعاااني من اسناني الضروس مره سوسة و اخاف من المستشفى جدا جدا
وش الحل ساعدوني
يالطيف ..لكني تشجعت مرة و رحت وصارت عندي حمى من الخوف
حتى سألتني الطبيبة اذا كنت مريضة لان وجهي صار احمر مثل الطماطم خخخخخ
وبعدها رحت مرة ثانية و لكن كان خوفي اقل…
انا انصحك تتشجعي الامر مابخوف لهالدرجة ..التأخير مو في
صالحك زواجك قرب ياعروسة.
جيتك يا عبد المعين تعين لقيتك يا عبد المعين تنعان (:
نفس مخاوفي المرتفعات ودكتور الأسنان
والله أولادي أحسن مني مرات حتى دمعتي تنزل :"(
طول مانا بالعيادة أكون متوترة وعلى أعصابي
بس إيش اللي جابرنا غير اللي أمر منه .
تعرفي يالغالية حدك الزيارتين الأولى وبعدها يخف الخوف
تدريجياً
ساعدي نفسك بنفسك تحدي الخوف وواجهيه بقلب قوي
تعرفين بالطب النفسي كيف يعالجون الخوف ..؟؟!
عن طريق المواجهة والتعرض للشىء اللي نخافه ؟؟
يعني بالشجاعة والتحدي نتغلب بإذن الله
بقولك على طريقة كثير حلوة سويتها مرة في أحد زياراتي
لبست سماعات وشغلت القرأن وتوكلت على الله وسلمتها نفسي
وتقريبا طول الوقت وأنا مغمضة عيوني ونوعا ما خف توتري
والحمد لله ماهي إلى دقائق وانتهينا (:
وكمان أحكي للطبيبة عن مخاوفك علشان تاخذ بالها وتخف إيدها عليكِ
ومهم ماتروحين لحالك خذي أي شخص يحبه قلبك حتى يونسك
ويمتص خوفك
وتوكلي على الله غاليتي ولاتفكري كثير حتى مايجيك القلق
أنت على وجة زواج ولازم ترخي أعصابك وترتاحي حتى مايأثر عليكِ
وألف مبرووووك الزواج مقدماً
ودمتي بساعدة وبأسنان صحية وبيضاء وجميلة
اتشجعي حبيتي
ضروري تقوي نفسك
وكم مررة وتتعودي
وفي ذيك الساعه تروحي مجبوره و دموعك تسبقك من الالم
و غير كثره جلسات الاسنان
انا اهملت السن عندي فتره طووويله و السبب خوفي من الدكتور و من الم فحص الاسنان
و رحت له و انا بين الحياه والموت التهب عصب السن مره وحده
انصحك تروحين للدكتور قبل م توصلي لمعاناتي
موفقه ياارب