السلام عليكم
حمايت كثيرة الانتقادات ودوم تتكلم عن سلفتي بالسوء لانها ما تعرف تطهى زين ولانها تكره امها ولانها تخرج من دون ما تخبرها وين تروح..
بس الصدمه الكبرى اني كنت افكرها راضيه عني.. بس صارت عدت مواقف خلتني أتأكد انها تتكلم عني بالسوء.. سلفتي نقلت لي حديث.. وقلت ما أصدقها.. لحد ما قبل يومين حماتي طلبت مني طلب بيني وبينها ورفضته.. طلب سخيف.. المهم كان في ضيوف.. انا عملت القهوه وجبتها للضيوف وانا افتح الباب سمعتها تحدثهم بالللي صار وتنهال علي بالاتهامات ومكبره الموضوع بعد وكثر ما هي مندمجه بالموضوع ما سمعتني حين دخلت وبعد شوي انتبهت لي وقالت انت جيتي؟ تبسمت وما نطقت بشي.
وقبلها بفتره كنت شاكيتلها من شي مو عاجبني بشقتي.. دخلت المطبخ ولقيتها تحدث كل بناتها بالموضوع ومكبرته وايد وزايده تفاصيل عديده ما ذكرتها (من خيالها) وتتحدث عني بطريقه سيئه ..
ايش اسوي؟
انا ما ودي تدور حرب بيني وبين حماتي.. ودي احل الموضوع بدون ما اعمل مشكله بس شلون؟