الســلام عليــكم
هلا والله بالغاليات 
جبتلكم اليوم طريقة حلى زبدة الفول السوداني مسويتها بنفسي روووعه وفي نفس الوقت سهلة الصنع .
المقادير :
علبة فول سوداني 500 غرام .
علبة بسكويت.
5 ملاعق عسل ( طبعا اذا تبينها حلوه مره زودي العسل اذا تبيها اقل نقصي الكميه على حسب الرغبه )
لوح شوكلاته حلوه ساده (او أي نوع شوكلاته ساده تحبون )
الطريقه :
اولا: نطحن البسكويت طحن خشن اذا تبونه ناعم على راحتكم بس ما يكون ناعم مره وسط ونحطه بالصحن .
ثانيا: نضيف عليه زبدة الفول السوداني مع العسل ونخلطهم مع بعض لين تسير عندنا العجينه كتله واحده
الان نجيب صينيه مستطيلة الحجم او أي شكل تبونه ونحط عجينة زبدة الفول ونفردها طبعا فردها راح يكون سهل
وبالنسبه لسماكتها على حسب الرغبه انا افضل تكون سماكتها مثل ورق الكرتون .
الان نجيب الشوكلاته الساده الحلوه ونذوبها على بخار الماء ولما تذوب نصبها فوق عجينة السوداني .
ونحطها بالثلاجه لما تبرد شوي عشان الشوكلاته تمسك نفسها نخرجها من الثلاجه ونقطعها مربعات ونرش على الوجه جوز هند (حسب الرغبه)وبكذا نكون انهينا طريقة حلى زبدة الفول السوداني .
جربوها صدقوني حلوه مرررررره ..
لا تحرمينا جديدك
يمي يمي رووووووووووووووووووووووعه
تسلم الايادي
يسلموا
على
هالحلو