السلام عليكم ورحمة الله وبركاته، اللهم صلي وسلم على سيدنا محمد. في موضوع شاغل بالي وحابة اخذ رايكم. انا ابلغ من العمر 15 عاما يعني اعتبر صغيرة فمو عارفة كيف اتصرف! ربي وفقني وصرت ادرس خصوصي الحمد لله حالتنا المادية كويسة بس سبحان الله ربي رزقني بطالبات وصرت ادرسهم المشكلة الاساسية وين ؟ كان عددهم 10 تقريبا وصارت ظروف فصارو يجون بس 5 حاليا. اختين وثلاث اخوات (اسرتين يعني) المهم الي ثلاث خوات ادرسهم من تقريبا سنة بالبداية كانو يدفعون الرسوم بوقته وكنت مرتاحة ولله الحمد بس من بداية هالسنة صارو يتاخرون يعني تخيلو ثلاث شهور مادفعو! ( من شهر 2 الى 4ل ومستمرين يجو؟! طبعا انا استحي وكل مرة اقول اسبوع الجاي يجيبون ماعليه نمهلهم بس لمتى بنطر؟ كلمت امهم وجي فقالت خلاص نجيب لج الحصة القادمة يوم جت الحصة جات وقالت لي اسفة والله توني كنت بسحب من البنك وانا جاية وزوجي قالي بس والله نسيت وان شاء الله بكرة ادفع قلت لها خلاص مو مشكلة ما يخالف وراحت المصلى تصلي وبعد شوي دق الباب فتحت وقالت لي خذت من امي هالمبلغ وكان (600) وبقى (650) قالت بجيبهم الحصة الجاية. قلت لها مشكورة ماتقصرين وعادي ننطر ومرت اسبوع والثانية والثالثة (ثلاث اسابيع انطر) بعدين كلمتها قالت لي شوية ظروف وان شاء الله اخر الشهر ادفع قلت لها ماشي ولا يهمج ويوم جا اخر الشهر توقعت بتدفع الي بقى مع حساب شهر 5! بس الي انصدمت منه جابت لي (600) وقالت لي بقى (50) قلت لها ما يخالف وما جبت طاري حساب شهر 5 وكانا احين قربنا نخلص نص شهر 5 ولا لقيت شي ولا جابت طاريه! صح اني الاسبوع الماضي ماخذتهم عشان عندي اختبارات بس ع الاقل تكلمني او تجيبهم لي مادري والله بس ماعرف شسوي الحمد لله ماني محتاجة بس شعور ان حد يستغلني ويستغل طيبتي ماحبه ولا مادري ايش بالضبط الي يصير! لا تقولون اني اخذ واجد لا بالعكس اخذ جدا قليل ( الحصة لمدة ساعتين ومرتين بالاسبوع واخذ 25 باليوم! بالمقابل اختي تاخذ 150 ع اليوم! بس الفرق انها هي تروح بيوت وتدرس اما انا هم يجوني بس الفرق كبير وحتى اخواني كلهم مستغربين مني ليش اخذ هالمبلغ البسيط؟ علما انهم ابناء دكاترة والوالدين يشتغلون ماشاء الله يعني ما نقول حالتهم المادية سيئة! والاخوات الثنتين كلمتني امهم انو بدل ما ادفع حق الثنتين 400 ينفع نخليهم 300 قلت لها ما يخالف بس الي يقهر ان بنتها كل فترة تغيب والسبب جدا تافه مرة (يوم ميلادها ومرة يوم ميلاد صحبتها وبس هذي الاسباب ) هي تغيب وانا ينخصم مني! يعني مو كفاية منقصتلج ومخليتج غير عن الباقين؟ وعشان ما اظلمهم هم طيبين معاي واسلوبهم اوكيه وبناتهم ممتازات بس هالجانب يضايقني كثيييير . وبس اعتذر ع الاطالة وانتظر ردودكم
هذه لانه انتي متسااهله معهم وفااتحتلهم المجال ولساا بسعر قليل
ولا تفتحلهم المجاال
لانه النااس ما بتنعطى وجه
مووفقه
استغفر الله العظيم واتوب اليه
اطلبي حقك هذا تعبك وشقاكي
وربي يوفقك
فهذآ حقكِ ولآ يمكن لأحد إنكآره ..
لآ تكوني طيبة زيآدة عن اللآزم ، كي لآ يستغل الآخرون طيبتكِ
موفقة ..~
و الله ما يخيبك باذن الله
طالبي بحقك يوميا خليك وراهم وراهم .. قولي فلوس شهر 5 والـ50 تدفعينها ولا ناسية اني درستهم شهر 5
وابدا ابدا ماتتنازلين عن حقك المرات الجاية لااحد يقول نزلي لنا خلية 300 قولي ياقلبي غيري رافع الاسعار ودوري إذا حصلتي غيري الله يسهلها
واللي مايدفع المرة الجاية بنفس المواعيد قولي هاتوا الفلوس وادرسكم مافية فلوس مافية دراسة
المفروض تكتبين في دفتر الي دفع والي مادفع شهريا علشان ما احد ياكل حقك وتنسين ..