زوجي سليط اللسان دايما يتكلم علي كلام يجرحني ويهينني تعبت معاه لابعد حد حاولت اتكلم معاه ما فاد دخلت اهلي في السالفه كمان ما فاد دخلت اهله ما فاد لسى على ماهو عليه يبغاني ذليله له وانا مو قادره ازعل على نفسي كثير يبغاني اذا زعل وتكلم علي ما ازعل وارجع ارضيه انا ما اقدر اسوي اللي يبغاه حاولت اكثر من مره بس صعب علي بقوه المهم مره قال لي تجين تعتذرين مني وانتي صاغره جرحتني الكلمه بقوه وفي قلبي الى الان..
انا مشكلتي بناتي كل حياتي وصابره عشانهم بس نفذ صبري وماني قادره اتحمل انا جدا محترمه معاه بس مو مقدر اللي اسويه عشانه
تعبت من حياتي معاه المشوره تكفون.. 
اكثري الاستغفار بنية ان اللة يصلحة لك
ودعي ربي يهدية وعليكي بصلات الثلث الاخير من الليل
وادعي اللة وانتي ساجده يااب تصلحه وتهدية
وان شاء اللة ربي يستجيب دعائك
اللة يوفقك ويصخر زوجك لك يارب
اختي والله اللي مثل حالة زوجك كثير
في الدنيا و اغلبية الرجال كذا والرجال يختلفون
فيهم العصبي والهادي والطيب والعنيف والكريم والبخيل
لاتبحثي عن عيوب زوجك ابحثي عن حسناته
واسالي نفسك هل هو دائم كذا او اذا عصب
وبعدين المرأة الذكية هي اللي تعرف مفاتيح الرجل
اذا عصب لاتردي عليه اتركيه ولاتجادلينه وهو غاضب
وحاولي تبتعدين عن الاشياء اللي تزعله
انا ما اقول ذلي نفسك له لاني ما ارضاها لنفسي
فكيف انصحك فيها …ولكن أقول جارية في الكلام وهناك فرق
اختي الدنيا ماهي ضحك ولعب في كل بيت فيه مشاكل
صدقيني اني اعرف حريم يتصنعوا السعادة
وهم ابعد مايكونوا عنها …اختي اصبري وجاهدي
في حياتك من اجل الاولاد ولاتقسي على نفسك
وأشغليها في أي شيء بعيد عنه حتى لاتثيري غضبه
وصدقيني مع الوقت راح يهدأ ويكره المشاكل
وتوجهي الى الله ان يطفي غضبه ويهدي نفسه عليك وعلى اولاده
ولك ودي
ام العز
والله يفرج عنك يارب مالك مني الا الدعاء بجد مدري شو اقولك