الموضوع على طول كنت اعاني من الام بعد الدورة ورحت للدكتورة فاطمة في المواساة بالدمام وقالت عندك بطانة الرحم سميكة ولازم تسوين عملية تنظيف وكلت أمري لله وسويتها وبعد يومين رحت للموعد وقالت احنا اخذنا عينة من الرحم وطلع عندك خلايا نشطة وهذه خطير ة تتحول لخلايا سرطانية أفضل شيء تشيلين الرحم وتريحين دماغك انتي خلاص عندك اولاد وماتبغين تخلفين خلاص شيليه او تحتاين علاج لمدة أربع شهور وبعدين نكرر العملية وحنا اللي نقرر وش يصر بعدين وقالت قرري الآن وش تبين انا خفت ورتبكت وقلت لا اعالج وانتظر ما ابي اتسرع حسبي الله عليها زرعت فين الخوف والوساويس واعطتني علاج وقالت اشوفك نهاية الشهر انا ما ارتحت لها رحت لطبيبة سعودية وسويت فحص وسونار واخذت مسحة من الرحم وقالت ماعندك الا شوي التهاب وخذي العلاج وطلبت تقرير العملية وجبته من المواساة قالت هذولي نصابين لا تصدقينهم يبون يربحون من وراك كل من عدت الاربعين شالوا رحمها لا يهمونك حرام تشيلين دورتك منتظمة وما عندك نزيف او شيء يستدعي شيله بصراحة طمنتني بس برضة خايفة يمكن يصدق تقريرهم واروح فيها رجعت للدكتورة السابقة وقالت استمري على العلاج كل شهر زوريني علشان تأخذين العلاج اللي هو الحبوب اللي تمنع نزول الدورة تقول هذي اللي تدمر الخلايا اللي عندك وقالت انتي احتما انك اصبتي بسرطان عنق الرحم ولازم تستمرين على الحبوب واذا طلع عندك ثآليل هذه من علامات سرطان عنق الرحم وضروري تيجبين بناتك الآن علشان نطعمهم بصرحة خوفتني وسكت ورجعت تأكد وتزيد على ضرورة تطعيم البنات واعطتني نشرات عن سرطان عنق الرحم وطلعت من عندها ضايق صدري بس لجأت لربي وحست انها تنصب علي وتلعب بي علشان اشيل الرحم وهداني ربي ورحت للرياض لمستشفى الحرس و1خذت التقرير وقلت ابي اتاكد من نتيجة العينة وقالت الدكتورة لازم حنا نأخذ عينة من جدار الرحم ونقرر صحة التقرير او عدمة واخذوا العينة وقالت النتيجة بعد شهر او اقل مدة ثلاثة اسابيع طيب المستشفى السابق خلال يومين طلع النتيجة قالت يستحيل تطلع بهذه السرعة المهم انتظرت شهر واتصلت على الدكتورة هذا اليوم وبشرتني اني سليمة ما عندي شيء من اللي في التقرير السابق وما احتاج الى علاج او اي متابعة الحمد لله كان أملي كبير برب العالمين
انتبهوا يا اهل الشرقية من مستشفى المواساة كثير اكدوا لي انهم سووا عمليات واشعات وتحاليل مالها داعي
حرام عليهم يعرضون الناس لعمليات ما يحسبون من وراها الا الدخل فقط حياة الناس ماتسوى انا اشك كل دكتور له نسبة من عملية كل مريض ارجو عدم حذف الموضوع لانهم من جد يستاهلون ان الناس يعرفونهم ويبتعدون عنهم حسبي الله ونعم الوكيل
الحمد لله انك ماتسرعتي الله ستر حسبي الله عليهم بس
ماعليك شر يا الغلا
حسبي الله ونعم الوكيل .. يزرعون الخوف باالناس ..
بس الحمد الله انك ماتسرعتي ولجاتي لرب العزه والجلال..
تقبلي مروري..
والحمد لله على سلامتك
وحسبنا الله ونعم الوكيل في ذا الدكاتره اللي ما يخافون ربهم
والله فيه دكاتره يعاملونك بذمه وفيه من يعاملك بدون ضمير المهم فلووووووووووس وبس
الله يجزاك خير على التنبيه
شو هالكلام
تطعيم البنات و شيل الرحم
حرام – من اكبر الكبائر هذه الامور
ما عاد في امان وين ما نروح
حسبنا الله ونعم الوكيل
والحمد لله على سلامتك