عندي حساسيه في بين أصبعين وجايه على كامل الأصبع
مافاد بها ولاكريم ولافازلين ولاشيء المشكلة اذا غسلت
بصابون او اكلت بيدي رز تزيد والآن الأصبع صاير احمر
امي تقول الحبوب من داخل الجلد ومدببه تكفون اذا تعرفون
خلطة او شيء أنا خائفه ساعدوني
حبووبه . . انا ابووي واخوي وعمتي نفس حالتج لا مسكو صابون الغسيل او الربيان واهو مب نظيف يعني يقشورنه حزات او اشياء ماتذكرها
ماراح ينفع لا فازلين ولا كريم
انا اقولج روحي حق الدكتور يكتب لج مرهم
اخاف اكتب لج المرهم اللي يستخدمونه ( اخوي وابوي وعمتي ) مايناسبج
داومي عليه ورح يروح
تبغى ترطيب دايم انا استخدمت كل المراهم مافاد معاية شي ولما استخدمت الفازلين مع زيت زيتون وزيت حبة البركة مقري علية مخلوطة مع بعض والله الحمدلله خفت بنسبة 80% لانها انتشرت بجسمي كلة
انتبهي يااختي لوماعالجتيها تنتشر بالجسم كلة وماتقبل الحكة تزودها حاولي كلما تحك رطبيها على طول
صدقيني وانا تو اكتبلج واصابعي احس يحرق عطيت كريم
اصابعي كله صار يلوع الكبد
حبيبتي انتي اظاهر عندج حساسية ((الاكزيما))
ممكن تدشين الجوجل وابحثي عنه
حبيبتي انا عندي هاي الحساية
وما في علاج (يعني العلماء ما حصلو له علاج يخليه يختفي للابد))
ولكن !!!!
لا تخيلي يدج جاف يعني وين ما رحتى خذي معاج كريم (انا في شنطتي كل انواع الكريمات موجود)
حبيتي لا تستخدمي الكريم الي فيه عطر (انا استخدم كريم الاطفال)او الفازلين الساده الي ما فيها شي)
اوعج تستخدمين صابون القطع استري الصابون السائل المرطب
خليج بعيد من الاشياء الفلفل ليمون لا تمسكي بيدك
حبيبتي في كريم انا استخدم يطلع من يوم الاول بس اذا تركتي يرجع
انا تركته رجع
روحي مستشفى رايحين يعطوجي لان انا اشتري من هند اسمه((sonderm-GM))لون اخضر
حبيتي تستخدميه 3 ايام او 4 لا اكثر لان في مواد كيمياء ممكن تضرك (طبعا اذا انتي حامل لا تستخدمي هذا الكريمات الجلدية )
واذا تبين شي طبيعي
في كريم اسمه لقمان حياه بس بطأ شوي لكن مفيد جدا يبعونه في محلات الهنود او بعض السوبر ماركت اسمه (لقمان حياه))لونه ازرق و اخضر ((حبيبتي لو كان بيدي لو جبت لج الصور بس الكومبوتر ما ادري شنو في ما يصير ))
الله يشفيني و يشفيكي وجميع امه محمد
اللهم لا اعتراض
حبيتي اي شي انا موجوده
في المنتدى بـأسم لاريما
ادعيلي الله يخليج بالزوج الصالح والبذرية واحلامي يتحقق
|
المشاركة الأصلية كتبت بواسطة مشكلتي
 انا نفس حالتك وحللت طلعت اكزيما والاكزيما ماتتحمل الصابون والماء والتراب والحكة تزيد ماتنقص
تبغى ترطيب دايم انا استخدمت كل المراهم مافاد معاية شي ولما استخدمت الفازلين مع زيت زيتون وزيت حبة البركة مقري علية مخلوطة مع بعض والله الحمدلله خفت بنسبة 80% لانها انتشرت بجسمي كلة انتبهي يااختي لوماعالجتيها تنتشر بالجسم كلة وماتقبل الحكة تزودها حاولي كلما تحك رطبيها على طول |
كلامك صح 100@100 وانا بدأ ينتشر عندي
من منطقة الصدر و الايدي