السلام عليكم ورحمه الله وبركاته
رجاءا قرائة الموضوع جيدا قبل الرد وليكن الرد بناءا وغير هجومي
راح ادخل في مشكلتي على طول
أنا انسانة جدا حساسة بشكل ما اطيق فيه نفسي من كثر ما اتحسس
قبل لا اتزوج كانت حساسيتي اخف بس عقب زواجي زادت حساسيتي وتهدمت حصوني وصرت دايما ابكي بسهوله لدرجه اخاف ان زوجي ينفر مني بسبب كثرة دموعي
من قبل كنت دايما لمن امشي في البيت يصادف اني اسمع امي تتكلم مع خواتي فيني والكلام طبعا يسيء لي او انه ذم فيني وهالشي كان يدخلني بدوامه بكي مع اني ما اوقف واسمع الكلام كله ابد لاني ما احب عادة التنصت
بس سبحان الله اكثر من مرة ربي يريد لين ان اسمع الكلام اللي ينقال واتضايق منه
بالذات ان بعض الكلام انتقاد لاشياء عادية وطبيعيه في حياة اي بنت او اي طالبة تدرس تخصص محدد
بعد الزواج صرت حساسه اكثر من قبل اقل كلمة يقولها زوجي اتضايق منها واجمع الكلمة على الكلمة الين انفجر في البكي وطبعا كثر البكي يضايق الزوج
حتى لو كنت غلطانه او زوجي غلطان علي يظل انوالبكي شي يضيق الصدر كثرته
واللي يزيد النار حطب ، انو صار لي تقريبا سنة ونص من تزوجت ولسى ربي ما كتب لي بالحمل وهذا الشي يؤثر علي بعض الشيء واحاول اني ما ابين لزوجي تأثري عشان ما يتضايق من الموضوع بالذات ان اسباب تأخر الحمل معروفه ودايما اصبر نفسي بأن كل تأخيره وفيها خيره
واللي زاد حساسيتي في الفترة الاخيره وخلاني بجد اتضايق من نفسي بشكل مو طبيعي ، ان عندي مشكله صحية شديده تستلزم الراحة وبسببها تخليت عن عملي لان صحتي اهم من العمل والصعوبات اللي واجهتها وسببت لي هذي المشكله الصحية الي خلتني حساسه جدا وعدائية في بعض الاحيانا
فياليت ادا احد فيكم يقدر يدلني ع طريقه اتخلص منها من حساسيتي الزايده عن الحد 
أنتِ بيــدگ تقدرينَ تخففيــن من حسـآسيتگ .. و تحببيــنَ زوجـگ لگ أگثــَر
الله يوفقـگ و يسخــرَ لگ زوجــگ يـآ رب
مـودتـ
ـي