مساء الخيير بنات
مش عارفه كيف نبدا فى قصتى ولكن اكيد من العنوان عرفتو جزء منها المهم
انا فتاة ليبية نحب شخص ويحبنى ومن يوم معرفته وهو معاى كل يوم يكلم فيا نطمن عليه ويطمن عليا لكن اليلة اول مرة نرقد ومنسمعش صوته لان زى متعرفو ان ليبيا فى حالة ثورة ومازال فيه جبهات مفتوحة وحبيبي من الثوار الى شرفوو البلاد وهو اليوم مشى لى الجبهة يعنى انه فى خطر وانى بجد زعلانه هلبة وخايفة عليه والله مستاحشته موووت اه اه والله انى مش عارفة شنى نقول الا ان دموعى فى عيونى وقلبى فيه نااار بللهى عليكم يا بنات ادعولى وادعوله ربي يحفظه يارب
اسفة طولت عليكم
اللهم يامسهل الشديد ويا ملين الحديد ويا منجز الوعيد ويامن هو كل يوم في امر جديد اخرجني من حلق الضيق الى اوسع الطريق بك ادفع مالا اطيق ولا حول ولا قوة الا بالله العلي العظيم يارب ضاقت بي السبل فمن لي سواك يفرجها
قال رسول الله صلى الله عليه وسلم من قالها وعلمها للناس اذهب الله كربه واطال فرحه
بلغن انتن ايضا هذا الدعاء
ويتمملك نصيبك عليه ويجمعكن الحلال ياااااارب
تقبلي مروري
تعرفو بنات امس مرقدتش مجانيش النووم قعدت للفجر وانا افكر فيه ونسئل زعما راقد والا نايض زعما بردان والا دفيان زعما شبعان والا جوعان اه واليووم كل ثانية فى بالى والله انى خايفة عليه هلبة لانكم تعرفوو ظرووف الجبهة والحرب
يااارب يرجعلى بالسلامة ياارب
والله البلاد تعبت وتعبانا ونبوا نرتاحوا خلاص …