حامل وأفكر في الطلاق او الهروب ارجو المساعدة ؟؟؟؟ مجابة 2024.

السلام عليكم ورحمة الله وبركاته
ارجو من كل أخت أو أخ يقرأ ينصحني ويوجهني لاني تعبت ماعادت أفكر غير بل الهرب من بيتي فعتبروني أخت الكون وساعدوني بكلمة حق ؟؟؟؟
مشكلتي هيا مع زوجي الي تزوجته عن طريق معرفة الاهل وكان توصلنا عبر النت بحكم انه عايش بلد ثاني وفعلن حبيته من صوته من اول ما تلفظ باسمي حسيت براحة عجيبة اتجاهه حسيت اني بعرفه من زمان وهوا نفس الشعور بعد معرفة 3 شهور تزوجنا وكان حلم كل شي صار بسرعة وكنا مبسوطين كتير بعض وبعد فترة احملت كانت فرحة زوجي ملي الدنيا بس ما تمت الفرحة واجهضت وعدنا فترة مع بعض وكان يصير بينا بعض مشاكل بس كانت تنحل وأحيانا اختنق منه بس لاني بحبه كنت اتجاهل كل شي ورجعت سافرت وقرارات استناه لحد ما يجي على البلد الي عايشه فيها ونستقر بس المصيبة إخدت وقت سنتين وثمان شهور ما شفته فيهون وكان تواصل عبر التلفون والنت 24 ساعة وكنت تعبانة كتير من البعد واشتياقي اله وهوا كان يصبرني ويعطيني وعود وآمال على أنه ح نستقر وحياتنا حتكون أحلى وأحسن حياة كنت عصب كتير من الوضع ونتخانق وأحيانا اطلب الطلاق ويرفض وطبعا انا مابدي طلاق بس مجرد كلمة عصبية بوقتها وبنرجع نتصالح ونحب بعض أكثر من الأول لكن المفاجاة لما خلصت أموره وقربنا نجتمع ونلتقي كان عصبي كتير ومع هيك حاولت اني استقباله بكل حب وكأني عروس بليلة عرسي وبل المطار وعند استقباله شفت برود عاطفته اتجاهي ما كان للقاء بعد هل المدة الطويلة الي حلمت فيه حار حتى أنه كنت من جوا ابكي من برود مشاعره والأحلام والحكم الي كان يقوله ويوعدني فيه طلع سراب وبدل ما يضل بحضني لاني مشتاقتله موت صار سهر كل يوم برا البيت للفجر كنت اصارحه وقاله بس لا حياة لمن تنادي صار اذا بقاله ليه لهلاء اتاخرت اشتقلك لا طول علي يصعب ويصرخ ويطردني من البيت وفعلان تركت البيت وطلعت وجه الفجر وما سأل فيني ورجع نا تصالحنا عن طريق الاهل لكن صارت عادة عنده يعصب على أيا كلمة ويعمل مشكلة ويطردني من البيت ونفجرت من تصرفه ورفضت اترك بيتي وطلع هوا من البيت 8 ايام مافي تواصل لحتى صالحته ورجع البيت كله على أمل انه يهدى وتهدى نفسيته كونه بلد جديدة عليه وكل شي جديد حاولت وقف معه واتفهمه وبوسط هل المشاكل أكتشفت اني حامل وانا بحاول الشهر الرابع من حملي اكتشفت انه عم يخوني وأنه على علاقة مع حبيبته السابقة وكانت الصدمة متأكدة كل واحدة مرت بهل الموقف حتعرف شو كان شعوري وقتها المهم واجهته وما نكر وقالي انا بحبك وبحبها وبدي اتزوجها يعني يجيبلي إياها ضرة !!!! صدمة وجرح مارح أنساه بعمري طبعا طلبت الطلاق ورفض واهله رافضه طلاقي أو يتزوج علي وبعد حزن والم وانا حامل ققررنا ناجل موضوع الطلاق أو زواجه لحتى اولد وحاولت اني أهون المصيبة على حالي علشان الي بطني وزوجي تغير لإنسان العصبي صار هادي يقرب مني أكثر وانا بنفسية مدمرة لكن قرب زوجي مني ما طول لأن صار يحكي معها قدامي تلفون ما بينزل من ايده بيقعود بسيارة بساعات وهوا بيحكي معها وتاركني لوحدي وسهر وانا النار عم تاكلني لدرجة صار يناديني باسمها يتجاهل مشاعري واحكي معه وافهمه اني بشر وبحس وحرام تلي عم يعمله فيني ولكن لا حياة لمن تنادي أحيانا يقرب مني وأحيان كثير بينام بغرفة لوحده وبيبعد عني وحتى بتجاهل وجودي ورغم هل الشي كله كنت ولازلت أم واخت اله صدقوني بإعلانه كتير لما شوفه مضايق وهوا لو اني بموت بيتركني وبيمشي مصدومة كتير فيه وين كان وكيف صار زوجي كان لما انا راسي يوجعني كان حنان الكون فيه يضمني ويرقيني ويخاف علي كنت حس حالي بنته مو مرته من الحب والحنان بس للاسف مافي شي بيضل على حاله المحبة والمعاملة الطيبة انقلبت لحياة معدومة باردة وانا بنام وبفيق دمعة بعيني بصلي وبدعي ربنا يهديه ويرجعلي اياه ويحنن قلبه علي على الأقل كتير مخنوقة وكل يوم بيمر أصعب من الي قبله لهيك فكرت اني أبعد عن زوجي واخد بنتي وانتقل لبلده ثانية لقدر أنساه وعيش من جديد لحتى أقدر ربي بنتي على الأقل صعب أتحمل وجود واحدة ثانية تشاركني فيه وصعب أعيش قريب منه الآني ماراح أتحمل بعده عني وعيش بعذاب انا بحبه كتير ومابقدر اتخيله مع غيري أو قدام عيني وما اقدر احضنه حتى لهيك عم فكر بعد مااولد اني اهرب منه لاني بحبه واتركه يعيش حياته مع الإنسانة الي اختارها قلبه وخلته يتخلى عني وعن بنتنا وبيتنا علشانها ومابقدر غير حسبي الله ونعم الوكيل انا حاليا في آخر الشهر الثامن من حملي وحياتي مع زوجي لا تطاق الحمدالله انا كل خوفي وتفكيري بيبنتي كيف ح تعيش بدون اب خايفة اظلمها ببعدها عنه لما أنتقل وبنفس الوقت انا ماراح اقدر أتحمل الحياة الي عايشتها حاليا معه كلها نكد وعصبية وتجاهل وبرود وخيانة وكذب اكتر من هيك ادعولي الله يفرج همي ويسهل ولادتي ونصحوني من كتابتي اكيد اعرفتو اديه انا ضايعة ومتشتتة بافكاري مشاعري حتى حكي زوجي بطل يحكي معي وكأني عدوة اله مع اني بعامله احسن معاملة وساكتة ولي بدك اياه بس لحتى اتجنب صارخه وعصبيته علي والله تعبت من حياتي ولولا حملي كان من زمان تركته ومشيت بدل من هل الذل والعذاب الي عايشة فيه 😭😭😭😭