السلام عليكم ورحمة الله وبركاته
أنا راح احكي لكم قصتي من البداية 
أنا عشت حياتي مع زوجة والدي وطبعا مايحتاج اعيد وازيد بهالموضوع لانكم اكيد سمعتوا بمعاملة زوجه الاب 
ومع مرور الايام اكتشفت إن فيه عرسان تقدموا لي حسب ونسب ومال وركزوا على مال لان هذي راح تكون مشكلتي المهم كانت ترفضهم بدون ماتاخذ رايي 
وخفت من العنوسه الى ان جاء شخص على مواصفاتها اللي تبغاها لي حسبي الله ونعم الوكيل ولاني خايفه من العنوسه وافقت طلع زوجي شخص طيب جدا والحمد لله بس المشكله في الحاله الماديه تعبت وربي تعبت أنا في بيت اهلي ماكنت اعاني من نقص الفلوس والحين اهم الايجار ووووو أشياء ماتخيلت اني راح افكر فيها وربي أنا قنوعه ولا حاولت اضغط عليه واي فلوس تجيني اساعده فيها كنت اقول راح اجي الرياض واشتغل بمدرسه اهليه حتى لو راتب قليل يساعد بس للاسف 
مالقيت رغم ان تخصصي كيمياء باكالوريوس تربوي راتب زوجي نصه يروح للايجار ويبقى شي قليل ونفسياته تتغير ويزعل مني وكان الفلوس جات لجيبي انقهر لما اشوف بنات متوظفات بس علشان تقضي وقت او للرفاهيه واحنا محتاجين ومانلقى وظيفه ايش اسوي دايم اقعد مبتسمه وامدح له حياتي اني سعيده لكن من داخلي يفكر في بكره خايفه مرررره الله يرزقنا من واسع فضله وربي اني مداومه ع الصلاه والقران ومتدينه من كنت صغيرة هل هو ذنب مااعرفه او اختبار من الله
تكفون اللي تعرف بمدرسه اهليه بحاجة وظيفه تفك كربتي الله يرزقكم حتى لو راتب قليل ادري طولت عليكم بس مالي بعد الله الا انتوا
اتمنى من الاعضاء يساعدووك , لاني ما بعرف منطقتك
موفقه
اعرضيه في الانستقرام وبيعي
ترا تكسبين فيهاا
الله يوفقكك ويسعدك ويرزقك رزق كثير
بالتوفيق ياخيه
ف يااختي انتي بنعمه عظيمة اغلب الزوجات يعانوا من ازواجهم ومن شراستهم وسوء اخلاقهم الحمدلله ربي سخرلك هذا الرجال الطيب ولا تسيئي الظن بزوجة ابوكي
اما المادة اعرفي انو كثييييير زيك خاصه بداية الزواج والله الحاله تكون صعبه ديون وطول الوقت ماعندك فلوس ووتعرضو لازمات طبيعي جدا ..لين ربي يفرجها ..
وبنفس الوقت برضه صدقيني لو خيروكي ترجعي بيت اهلك وماتنقصك الفلوس وبين تقعدي مع زوجك وماديتكم ضعيفه اكيد بتختاري زوجك!!! ف اصبري وثقي انه الفرج قريب ..
ويااختي لا تحسدي الموظفات تقولي اشوفهن ومدري ايش..
صفي قلبك وادعي الله بيقين يرزقك ويسخرلك الوظيفة المناسبه ..
ويااختي لا تياسي وحده من قريباتي تزوجت واحد منتف تعرفي ايش يعني منتف مرة ماعنده فلوس وراتبه ضعيف وفوق هذا مسببلها مشاكل ومي متفقه معاه المهم بعد سنوااات من الفقر من الله عليها وتوظفت والحمدلله تعوضت عن كل اللي راح..
ف صدقيني وظيفه بإذن الله تلقي اهم شي ما تتسخطي وترضي بقضاء ربنا وتبذلي الاسباب ..
ولا تنسي الاستغفار..
كمان زوجك تقولي يزعل ويعصب مرررة طبيعي اي رجال بالدنيا عند نقص الفلوس تبدا العصبيه عادي فترة وتعدي ..
الله يوفقك ويرزقك من حيث لا تحتسبي ويرزقك الوظيفه المناسبة