جريمه تجعلك تقفين عاجزه عن التصرف -لصحتك 2024.

يااداره نزلوا موضوعي مشكلتي صعبه جدا واول مره افصح عنها لاني فكرت اني لو جلست ساكته اكثر من كذا رح انفجر
الوالد تزوج الوالده من 30 سنه وانجب منها 4 بنات وانا اخرهم طلقها وعمري شهور وتربيت مع الوالده اللي ضحت بكل شي لاجلنا والوالد بعد طلاقه للوالده صار كثير التنقل والسفر مما جعل علاقتنا به شبه منقطعه ولا نشوفه الا كل سنه تقريبا
وبعد ماتزوجوا خواتي رحنا بيت جدتي ام ابوي وكنا دايم نروح عندها نسلم عليها ونلاقي ابوي مسافر هو وعمي
وهذاك اليوم كان موجود وفرحت وقلت اخيرا بشوف ابوي اللي لي فتره طويله ماشفته ورحت اسلم عليه وانا سعيده اني شفته وسلمت على عمي وعرفت من جدتي ان عمي عنده مرض نفسي
ولزمت علي جدتي ان انام ذيك الليله عندهم وكانت الوالده رافضه لكن جدتي كلمتها واقنعتها ووافقت ونمت في غرفه لوحدي وكنت سعيده واقول متى اصحى واقابل ابوي واجلس معاه وفجأه الساعه تسعه في الصباح دخل عمي الغرفه وجلس على السرير وانا مصدومه وبدا يتكلم معاي ويلمس جسمي ويتحرش فيني خفت منه وهربت
ومن هذاك اليوم للحين كل مااتذكر هذا الموقف لازم ابكي وانهار
ومن هذاك اليوم وانا اكره عمي هذا كره شديييد وماابي اشوفه ولا يشوفني
ومن هذاك اليوم وابوي كل اسبوع يقول لجدتي خلي بناتي يجون يزوروني وانا ماابي اشوف عمي ويجلسون يقنعوني خواتي وجدتي وهم مايدرون عن اللي فيني اني كل يوم اموت بسبب هذا الموضوع
ومن هذاك اليوم وانا في عذاب نفسي كل ماكلمتني جدتي وقالتلي تعالي زوريني
والمشكله اني قلت للوالده عن جريمه عمي وماالقت بال للموضوع تفاجأت من ردة فعلها توقعت انا بتمنعني من الروحه عندهم لكنها كل اسبوع تقولي روحي واجلسي مع جدتك وابوك ومارح يقدر يسوي لك شي
ارجوكم لاتقولون قولي لاحد ثاني لاني عارفه لا قلت لاحد مارح يجد حل ورح يفضحني
ملاحظه: عمي فيه انفصام في الشخصيه وانا لما تعرضت لهذا الموقف ماكنت عارفه يعني ايش انفصام في الشخصيه كنت اعرف ان عمي مريض نفسيا وبس وانه طبيعي بس نفسيته تعبانه هذا اللي كان في بالي
انا استعنت بالله ثم فيكم اريد حل لمشكلتي يخلصني من خوفي الشديييد من عمي او يخلصني من ذهاب الى ذالك المنزل اللي اصبحت امقته وامقت كل من فيه