السلام عليكم ولرحمة الله وبركاته
جـريـمـة اسـمـهـا عـيـد الأم!!!!
ثلاث مشاهد تشترك في الزمان: "وقفة" عيد الأم!
المشهد الأول:
الأب: يالاّ يا ولاد… قدامكو نص ساعة تتعشو و تدخلو تنامو…
عندكم مدرسة بدري.
الابن: احنا مش رايحين بكرة!
الأب: و مين اللي أصدر الفرمان ده إن شاء الله؟!!
الابنة (بمرارة): نروح نعمل إيه؟… بكرة حفلة عيد الأم.
ساعتها الأب يتذكر موت أمهم فينظر لعياله الثلاثة بغم و يسأل نفسه:
ليه كل سنة لازم يفكّروا الأطفال دول بيتمهم؟
………..
المشهد الثاني:
الابن: سرحانة ف إيه يا ماما؟
الأم: خالتك حالتها صعبة قوي!
الابن: إيه خير مالها؟؟!!
الأم: بكرة عيد الأم و طبعاً التليفزيون و الجرايد مش متوصيين
فافتكرت ابنها.
الابن: الله يرحمه.
الأم: عيد إيه و زفت إيه؟…
كل سنة يرجعوا يفكروها بابنها…
ده عيد الهم مش عيد الأم!!
………..
المشهد الثالث:
فلان: النهاردة دبّيت مع أمي حتة خناقة… جامدة قوي!
علان: و إيه الجديد؟
فلان: الجديد إن أنا و أنا نازل افتكرت إن بكرة عيد الأم!
و ده اللي مضايقني.
علان:أيوة صحيح…
لأ لازم لما تروح تصالحها… ا
لمرة دي غير كل مرة…
بقى بكرة يبقى عيد الأم و تزعلها منك؟!
فلان: عندك حق…
أنا مش حاستنا لما أروّح…
أنا حاكلمها دلوقتي…
هات لما اتكلم دقيقة من عندك…
انت بيزنس و مش طالبة الكريديت بتاعي يخلص!
!!!!!
تخارييييف في تخاااريف
ويقولون ايه
…………..
– هل أصبحنا بهذه القسوة؟؟…
أو لنقل أنانية!
لندهس قلوب أولئك الأطفال و الثكالى و نكون في منتهى السعادة!
كما لو كنا نقول:
"يا عم اللي يزعل يزعل… هما بتوعنا؟؟"!!!
– هل علاقة الابن بأمه أصبحت بهذه السطحية ليعبر عنها بيوم للاحتفال؟؟
لم لا يكون كل يوم هو عيد أم؟؟
فيحرص الابن يومياً على إرضاء أمّه أن كانت موجودة أو الدعاء لها
إن كانت متوفاة.
– يجب على كل ابن بارّ أن يقدم هدية لأمه في 21 مارس…
أليس هذا ما تربينا عليه؟؟ هل لو قدمت لأمي هدية في 27شعبان
أو 15 ديسمبر أو حتى 30 طوبة, لو قدمت لها هدية في أي يوم في
السنة هل ستقذفها في وجهي أو ستلقيها في القمامة قائلة:
"لأ يا حبيبي الهدية ما تنفعش إلا في عيد الأم" ؟؟!!! ..
|
المشاركة الأصلية كتبت بواسطة tota123
 ان عيد الام ليس للابن البار الذى يعتبر ان الوالدين امانة عندة وهبة اللة ليدخلة بهم الجنة وانما للابن الذى انستة الدنيا واجباتة ربما يتذكر فى هذا اليوم
|
احنا عندنا فالاسلام عيدين هي التي يحق لنا الاحتفال بها وغير ذالك سوا عيد الام اوالحب فهي من نتاج الغرب والابناء ليس بحاجه لمن يذكرهم بواجبهم نحو امهاتهم سوا بار اوعاق
|
المشاركة الأصلية كتبت بواسطة (ندى الايام)
جزاك الله خير
|
شكرااااااااااااااحبي نورتي صفحتي