انا اول من تزوجت قعدت شهرين وحملت وبشهر السادس جاني عوار بلاسنان ورحت سويت سني عطاني دكتور ليزر باسناني وانا اقولة دكتور انا حااامل مارد علي وحطة باسناني وبعدين جااا شهري التاسع ولدت وجاني بنت
وبعدين اكتشفت انة مريضة وانا حدي متضايقة وثلاث ايام توفت وانا بالانفاس قعدت عشرين يوووم ولد خالتي مات جدامي وخفت وعلى كلام الحريم يااااويلج ماراح تحملين ايلاااا بعد سبع سنوات وانا حاطة السالفة براسي وخااايفة والحين رحت عند طبيب خاااص قالي فيج لحمية ماصدقتة لانه دورتي منتضمة ومااحس بعوار رحت عند دكتور ثاني قالي فيج بقايا مشيمة وتكيس وسماكة بالرحم وماصدقتة رحت مستشفى حكومي قالي مافيج شي بعدين قعدت شهرين رحت مرة ثانية دكتور خاااص قالي مافيج شي وانا تعبت وربي وبعدين طراااعلى بالي اسوي تحليل هرمون حليب وسويت وفيني هرمون حليب مرتفع والحين اكلهم الحبوب تكفوووون فيدوووني حيل متضاااايقة ساعدوني وربي مدري شسوي نفسيتي تعبانة وانا دورتي منتظمة وجزاكم الله خير
اول شي الحمد لله على كل حال ودام طلع عندك هرمون الحليب انشاء الله تاخذين الحبوب وتنحل مشكلتك تطمني انتي احسن من غيرك الي ماجربو الحمل ولا حسو فيه والامل في الحمل قليل دامك حملتي الحمد لله ودام دورتك منتظمه الحمد لله مافيك إلا كل خيرانشاء الله
حابه انصحك تتحجمي ويارب تنفع
حابه اطمنك ليش الحريم الي قالولك بعد 7 سنوات يعلمو الغيب فكري فيها هم مايدرون وش راح يصير لهم بكره او اليوم بعد
((وما تدري نفس ماذا تكسب غدا وما تدري نفس بأي ارض تموت))
اتمنى انك تطمني
يااااااااااارب ارزق اختي مغروره الذرية الصالحه عاجل ياااارب ارزق كل محروم
اتمنى اخواتي ان تفيدوها اكثر واتمنى اني افدتك
انصحك بالدعاء والاستغفار والاتكال على الله
عليك بالاستغفار وكثرة الدعاء ، ولا تنتبهي لكلام النسوان الفاضي ، شو سبع سنوات ولا عشرة ، كله هذا تخاريف
لازم تؤمني بانه هذا كله قضاء وقدر من الله عز وجل ، وان شاء الله راح تحملي وتملي البيت أولاد وبنات
بس لازم تسيبيكي من التخاريف وتعتمدي على الله سبحانه وتعالى
عشان تحملي لازم ترتاحي نفسيا ونشاءالله اول ماينزل الهرمون بتحملي بتوئم يارب
الله يجبرني ويجبر كل محرومه عن قريب
وماعليك من كلام الحريم الفاضي..وهرمون الحليب مشكلته سهله..
الله يرزقك ياررررب
حبيبتي سمعيني أنا حملت وجبة ولد والحين صار له 9 سنوات وبعد ولادتي سويت مانع لاني ما بي أحمل يعني سويت مانع ومن تركته الحين صار لي سنتين وللحين ما حملت وهذا كله بيد رب العالمين وإنشاء الله تحملين عن قريب وتركي عنك كلام النسوان الفاضي وما عليكي من أحد وتكلي على رب العالمين وإنشاء الله تحملين وتخبريني عن حملك قريب موبعيد ودعيلي وياكي والله يرزق الي ماعندها الذرية ..