السلام عليكم .. 
كيفكم ياااارب بصحه وعااافيه
انا عندي شهادة ثانية ثانوية أدبي ومنقطعه فتره عن الدراسة بسبب الزواج وحابة اكمل ( ثالثة ثانووي ) بس عمري دحين 23 عجــزت 
يعني لازم تعليم كبيرات ياليت تفيدوني في هذا الموضوع ..
فين الاقي مدارس تعليم الكبيرات في جدة وطريقة التسجيل وكيف نظامهم في الدوام والدراسه والمرايل اللي درست أو تعرف وحده بليييز تساعدني ..
وجزاكم الله خير
في إنتظااااركم
يسلمووو حبيبتي بس أنا ماأبغى منااازل نفسي أدااااوم
<<<غاااويه تعب ههههههههههه
سوف أدلكم على مدرسة ممتازة لتعليم الكبيرات بجده وهي مدرسة نجد بشارع فلسطين عند مشتل رابية للزهور لفى يمين ثم ثاني شارع يمين
رقم تليفون 2841227 وهى تقبل جميع الجنسيات و نتائجها ممتازه
وفيها قسمى علمي و أدبي والتسجيل يبدأ الأسبوع القادم وشكرا
يسلمووووو يااااقلبي ويعطيك الف الف عاااااااااااافيه
بس نجد على مااظن اهليه …..
اتوقع انا متأخره عن الرد
بس سجلت عشان اقلك وين موقع المدرسه اللي تبغيها
في الصفا في مدرسة كبيرات ثانويه قريبه من دوار الزهره
بصراحه انا انقطعت زيك فتره وحسيت ان الدراسه راحت علي
بس لين عرفت المدرسه ودلوني عليها سجلت والحين جالسه اكمل دراستي
اما بخصوص كيف تسجلي فالطريقه مره سهله
تروحي مركز القبول والاشراف بحي الرحاب خلف جرير
وهناك يعطوكي الموافقه للدراسه ان شاء الله
وع فكره المعلمات كلهم عسسل
والدراسه زيها زي المدارس العامه
يعني شده ولين بنفس الوقت هههههه
اتمنى ما اكون طولت عليكي
او تأخرت وصرت ملقوفه
دمتي بود