السلام عليكم
ودي افضفض لكم
عمري 23 طيبه واخلاقي الحمد الله تمام … انا نفس كل بنت احلم باحلام كثيره اولها الزواج
احلم اني اتزوج بشاب طيب واخلاقه عاليه اعيش معه ملكه يحبني ومايجرحني واكون سعيده معاه طول عمري انسان افتخر فيه انه زوجي احمد ربي واشكره عليه
اشوف رفيجتي ولا بنت فلانه وعلانه تزوجو الا انا مع انه في قريابنا بعضهم بعمري واكبر ماتزوجو بس الخوف مسيطر خصوصا اختي اكبر مني 8 سنوات وماتزوجت وهي بعد حلمها الزواج بس اقل مني ماتفتكر اشوف بنات اهلنا اصغر مني واكبر بشوي عندهم اعيال وانا ودي يكون بحضني طفل مني احسه بشعور الامومه 
اخاف مصيري نفس اختي بمووت من الحزن ابى تتغير حياتي 
والله ابى افرح امي وابوي ويشوفوني عروس بالكوشه وبالفستان الابيض وجنبي زوجي بس متي تعبت ادعي كل يوم بصلاتي بس للحين الامل موجود 
دعواتكم يابناااااات احس بفارغ والله ودي بااحد يحضني يحس فيني اشتكي له يكون قريب مني يخفف عني كل حزني مايحب يشوف حزني 
دعواتكم يالغوالي
اختكم هند
الزواج رزق وقسمه ونصيب شي مايختلف عليه اثنين
انتي معطيه الموضوع قلق اكبر من حجمه هذا وانتي عمرك 23
عندك ملك الملوك اش المانع تلحين بالدعاء وتبذلين الأسباب
من استغفار وصدقه واعمال صالحه ابتغاء رضى الله قبل كل شي
| اخاف مصيري نفس اختي بمووت من الحزن ابى تتغير حياتي |
وش فيه مصير اختك عشانها ماتزوجت؟!
اش المشكله في اكبر منها للحين ماتزوجوا وهي باقي بعدها في عز شبابها وجمالها ..
وفي اللي اكبر وتزوجوا وازواجهم وحياتهم افضل من ازواج اللي تزوجوا وهم صغار ..
الموضوع مو كبر سن ولا صغر سن الموضوع ارزاق ياحياتي الله يوزعها بحكمه
العمر مو سبب رئيسي ولاحتى الجمال..
احيانا التأخير فيه خيره وراحه من شي يمكن تجهلينه الله اعلم به ماتدرين عنه ..
انتي ادعي لك ولا تنسين اختك اللي اكبر منك ادعي لها مثل ماتدعين لنفسك ولبنات المسلمين
لأن الدعاء بظهر الغيب مستجاب ولك بمثل ابذلي كل الأسباب ف انتي تتوجهين وتطلبين اكرم الاكرمين ملك الملوك من بيده خزائن كل شي وهو ارحم الراحمين ..
اسأل الله العلي العظيم بمنه وكرمه ان يرزق اختك ويرزقك معها وبنات المسلمين
ازواج صالحين مصلحين يخافون الله ويتقونه يحبهم الله ويرضاهم وخير مما ترجون وتتمنون
انه ولي ذلك والقادر عليه..
…
ويسعدكم عاجلاً غير آجل
واكثري بعد الصدقه من قراءة (رب اني لماانزلت الي من خير فقير)
واطلبن الله ……… الدعاء باب من ابواب تحقيق الامنيات
والزواج مطلب شرعي اعزمي المسألة والله لك ولاختك
والله يفرح قلوبكن ويرزقكن الذريه الصالحه الطيبه
ولايعذبكن بمشاعركن وهو ارحم الراحمين
خــآلص أحترآمي:)