تركني وتعبت من التفكير والحيرة الطبيب يجيب 2024.

اهلاااا بالجميع
مشكلتي اني حبيت
لاول مرة احب بجد
حبيت انسان اصبح كل حياتي وانا متاكده انه بالمثل اصبحت كل حياته
ولكن مرة اختلفنا وانقطعنا يومين ثم بعدها اسبوع كامل اتصل عليه ويكنسل
وفي نهاية الاسبوع بعد رسائل مني قال معلش اتركيني لوحدي اليومين دول
وبعدها بيومين بعتلي رسالة انت هتفضلي في نظري مثل ما انت بس انا خطبت وياريت تنسيني
انا انهرت ودخت وذهبت لمكان دراستي بالعافية
عشت ايام ربي وحده اعلم بيها
لم اصدق انه خطب وهو فعلا لم يخطب
حاولت اعرف منه السبب حيث قلت له لو ما رديت عليا هعمل في نفسي حاجه فرد وحاولت افهم منه كان غامض وبيقولي تستاهلي احسن مني وانتبهي لدراستك اهم حاجه
وكنت حاسة بنبرة بكاء مخفية في صوته لا استطيع ان انساها
عشت شهووور صعبة افكر ليل ونهار عديت السنة الدراسية على خير
وكل يوم انا بموت
كلمته بعدها وقال انه كان مش بيرد عليا علشان افوق قبل امتحاناتي
ولما حاولت افهم منه قال علشان لقيت اني هظلمك وهبهدلك معايا
وانا من بعيد عرفت انه في الفترة دي خسر وظيفته اللي كان مستنيها وقبل فيها
واشتغل في مكتب خاص
فبقول يمكن علشان كدا خلاني لما لقاه هيظلمني كدا معاه
بس انا لما قلت له وكان سهل عليك قال مش هقول غير ربنا ووحده اللي عالم

انا كل يوم بفكر على الرغم من انه فات قرب 5 شهور
وببكي لما اشوف صوره وصور اهله ولما بفتكره
واللي غريب اني مستنياه
حاسه انه هيرجع
عارفه ان الخير ربنا وحده يعلمه وعسى ان تكرهوا شيئا وهو خير لكم
لكن انا حاسة انه هيرجع لاني متاكده 100% انه كان بيحبني

هي دي مشكلتي مش عارفه انا عايشة في الوهم ولا الامل حلو