تحاليت الغرام وذقت كاس المر في فرقاك
تحاليت الغرام وذقت كاس المر في فرقاك
تقاربت المسافه وأثرها عمري وأيامي
حرثت أرض الهوى لكن نبت حظي كثير أشواك
وبير الحب مابه دلو في حبله وأنا ظامي
تعبت أرحل من هموم الفراق أبغي فرح لقياك
وأنا أضمد سكاكين الزمن من جرحي الدامي
طعنت بخنجر الأقلام صفحاتي أنا أهواك
نزف حبر القلم يرسم معاناتي وأحلامي
عزمت أركب محيط البعد بأدور على مرساك
على قارب بنيته من ضلوع الصدر وآلآمي
ولكني تعبت أحتار في أي أتجاه ألقاك
وطيفك وين ماقبلت شفته نجم قدامي
رياح الشوق بشراعي تسوق القارب لميناك
وأنا أجدف بمجداف الوله والموج أعوامي
وليل اليأس ياطوله وفانوس الضيا ذكراك
وقوتي عالأمل لكن أنا قوت(ن)لأوهامي
أنا رغم العواصف والرياح العاتيه ما أنساك
أشوفك في وميض البرق وأعانقك بهيامي
دنا فجر اللقا ياروح روحي لكن أترجاك
اذا جيتك وأنا ميت تضمي باقي عظامي
وأنا أضمد سكاكين الزمن من جرحي الدامي
…..,,
تسلمين ,, قصيده رائعه ,.
تقاربت المسافه وأثرها عمري وأيامي
حرثت أرض الهوى لكن نبت حظي كثير أشواك
وبير الحب مابه دلو في حبله وأنا ظامي
الله عليكي ياارذاذ صح لسااانك ابدااع روووعه ..
تحيااتي .^^
سلمت يداكي على ابداعها
تقبلي مروري
دمتي بود