العلاقه حلّت قيودها كثر الظنون
والظنون تصيب مره وعشرين تخيب
يا عشيري حبكم ليت ماني له زبون
أبتلاني والا أنا ما خفاني وش يجيب
نظرة في وقتها احر من خضر الطعون
وابتدينا القصه ولا على الدنيا غريب
الغريب الي حصل منك يا راوي الغصون
تجحد اللي بيننا و انفرث سدٍ قطيب
هو جزا المعروف عندك عذابي والغبون
يا حسافه خاب ظن الوجيع من الطبيب
لا أسهفت خناجر الصد من بين المتون
والله ان يبطي صويبه عطيب ولا يطيب
تجهلين الليل لا أجفل منامه عن عيون
المتيم في هوى الولف وجروحه عطيب
القلوب المرهفه شاقها عذب اللحون
تنحطم بأسباب غالي بلا سبه يغيب
لمت نفسي يوم تآمن غدر منهو يمون
والله ان غير الميانه لغدرك ما يجيب
المحبه وصفها عجز عنه الواصفون
مالها تعريف غير المقدّر والنصيب
يا عذاب الروح باعيش بك ولا بدون
بآتصبر وأتناسا المحبه والصحيب
{ بـــقـــلـــمــــي }
دمت بخير مع محبتي كومي
ما شاء الله عليك
واصلي
ابدعت بصدق كلماتك تقبلي مروري