السلام عليكم ورحمه الله
اولا هذا اول موضوع لي بكل المنتديات حبيت اني افيدكم عن تجربتي بحميه نقصت من خلالها 25 كيلو بـ 7 اشهر
المده ماكانت قصيره وكان في شوي تعب لكن بدون عمليات تكميم او غيرها من المخاطر اللي كلنا عارفينها
نبدا على بركه الله
قبل 8 اشهر كنت ناويه اعمل عميله شفط الدهون من البطن لان هالمنطقه كانت اكبر شي فيني ورحت على المستشفى لما شافني الدكتور قال لازم تنزلين من وزنك 20 كيلو وعطاني موعد اربعه اشهر طبعا خلال هاللاشهر ما قدرت انزل اكثر من 13 كيلو
رجيمي كان من كيفي بدون متابعه مع دكتور متخصص بهالمجال بالبدايه بحثت بقوقل عن اسرع ريجيم واسهل لقيت كثير بس ماكنت واثقه ماقدرت استوعب اني ممكن اخسر 15 او25 كيلو خلال شهر مثلا
الفكره ماكانت عاجبتني فجلست ابحث وابحث وكنت مستمره على الريجيم اللي يخسرني كم كيلو بزعمهم
الين كملت الشهر رحت اقيس وزني وانا كلي امل اني نازله اقلها 10 بالنسبه للتعب والجوع اللي شفته
لما وقفت على الميزان هنا ابتدت معاناتي
اكتشفت اني ماخسرت الا 2 كيلو وممكن كانو سوائل لااكثر لاني تركت الملح ايام الريجيم
هنا اصبت بصدمه خلتني ماعاد اثق بكل الريجيمات والحميات المذكوره
لكن مع هذا ماتركت بحثي عن الافضل
والحمد لله وبفضل الله ثم بفضل شخص كاتب تجربه له بحدا المنتديات تغيرت حالتي ورجعت لي الثقه وحسيت اني ممكن انحف واعمل عمليتي
طبعا بكمل قصتي ومابي منكم الا الدعااء بتحقيق امنيتي والعافيه
لي عوده اكيد
لما قريت مشاركات الشخص اللي ذكرته حسيت انه فعلا كان صادق ومر في تجارب قاسيه علمته انه مايستسلم
المهم
لما عدا الشهر اللي اتبعت به ريجيم وكان اكثر من فاشل والحمدلله على كل حال قررت اني اتبع الحميه بحذافيرها اقلها شهر واشوف اذا مانفعت ماخسرت شي
الحميه كانت تعتمد على اكل اللحوم والدهون والابتعاد عن النشويات بكل ماتحتويه ومااخفي عليكم كنت خايفه منها لاتسببلي مشاكل طبعا بدون استشاره طبيب ولا حد يدري لجل محد يلومني او يخوفني منها
اول مابديت فيها
عانيت معاناه مايدري فيها الاالله تعبت
وكل يوم اقرر اني اتركها لكن بمجرد اني اقوم الصبح واوقف على الميزان انبهر من الخساره اللي اشوفها
هالشي عطاني دافع كبير بالاستمرار حتى مع التعب اللي فيني
كان النزول كل يوم كيلو تقريبا
وعقب اسبوع او اقل راح التعب والحمدلله مافيني الا العافيه وبدا النحف يبان علي اكثر شي من عند البطن وهالشي خلاني استغرب سبحان الله
قبل لا انسى الحميه معروفه بحميه دشتي بس اللي انا اتبعته تقريبا يختلف لان الشخص اللي كتب تجربته كان مبسطها كثير ربي يجزاه خير ويشفيه اللهم امين
شوفوا حبايبي
اللي حابه تعرف التفاصيل واللي فشلت بحميات وريجيمات سابقه
وحابه تستفسر انا موجوده ولجل هذا الموضوع انا سجلت لاني عارفه في كم وحده تتمنى تسمع عن تجربه واقعيه بدون زياده او تهويل
ومابي غير الدعاء منكن
المهم
خليني اقولكم كم خسرت اول شهر
الحمد لله وبفضل الله قدرت اخسر تقريبا 7 كيلو اول ايام على طول الميزان يتحرك لكن بعدين لا جلست اخسر بشويش وبصراحه المفروض مني مانتبه للميزان اهم شي المقاسات هي اللي تثبت مدا نجاح الريجيم بتغيرها الكبير
على اساس اكمل شهر وابتدي مرحله ثانيه لكن ماشفت اني تخلصت من وزني يعني لسى امامي الطريق طويل فــ استمريت شهر اخر والحمد لله كأني تعودت على هالنظام
ماحسيت فيه جوع بغض النضر عن اللايام الاولئ صعوبه الريجيم كان باول اسبوع والباقي راحه نفسيه وشبعانه طول اليوم حتى لو طوفت وجبه موب مهم ا
طبعا قلت لكم اني امتنعت عن الخبز والعيش والحليب ومنتجاته عدا الاجبان والزبده لكن بصراحه الاخيره ابدا ماستخدمتها
اكلي عباره عن
مثلا نجي للفطور اكل كم حبه كيري + بيض سلق او قلي +خيار والكميه غير محدوده واحيانا ااطوف الفطور وهذا الاغلب
الغدا
صدر دجاج مقلي وسلطه وخس واحط عليها نكهات يعني شطه اخلطها بمايونيز والامور المعروفه
العشا احيانا اطلب مشاوي اكل قد مااقدر
والماء شي اساسي بالريجيم اشرب تقريبا 2 لتر احيانا اقل
طبعا بسطت لكم شوي لعل وعسى اقدر افيد واستفيد
امشي كل يوم نصف ساعه على السير
اكثر زيت الزيتون على السلطه وعلى فكره مثل السحر مفعوله عجيب
والاهم كنت اكل كبسولات اوميغا 3 لجل مايكون عندي نقص وهذا كمان من نصيحه الرجل اللي كاتب عن تجربته
نسيت اقولكم اني برمضان هديت الريجيم لانيبصراحه ماعرفت وش اكل وشكلي تعبت فالكل نصحني اني اترك الريجيم فتره رمضان وبعدها اواصل
لما تركته خلال شهر ونصف زاد وزني بقولكم هالنقطه عشان اكون واضحه بكل كلمه
الوزن اللي زاد 3 كيلو تقريبا والحمد لله طيرتهم خلال هالفتره
وهذا انا ابتديت بمرحله ثانيه وللحين جالسه اخسر من وزني لكن شي بسيييييط والاهم اني اقدر اثبت وزني بالمراحل القادمه
واذا تذكرت شي برجع اقوله
لكن انتم وش السالفه حتى رد مافي يعني خلوني احس في حد مهتم شوي *_*
وقسم صحتك بانتظار مواضيعك
ما شاء الله عليك ربنا يثبتك وتوصلي للوزن المطلوب
قصتك حلوة وملهمه جداً ربنا تكون فيها فائدة لما تخطط للرجيم الآن
|
المشاركة الأصلية كتبت بواسطة نشمية الاردن
 اشكرك حبيبتي ينقل للقسم المناسب
وقسم صحتك بانتظار مواضيعك |
العفو ياغلاي
وبالغصب لقيت هالقسم عيوني انحولت وانا ادور ^_*
على العموم الف شكر لك
|
المشاركة الأصلية كتبت بواسطة queen.777
هههههههههههههه
ما شاء الله عليك ربنا يثبتك وتوصلي للوزن المطلوب قصتك حلوة وملهمه جداً ربنا تكون فيها فائدة لما تخطط للرجيم الآن |
هلابك ياعيوني
وان شاء الله نستفيد من بعضنا
الف شكر لك