السلام عليكم ورحمة الله وبركاته
مش عارفه ابدء الموضوع ازاي
بس انا محتجاكم وياريت تقولولي اعمل ايه؟
انا ساكنه بشقه ومعي اولادي لساهم صغار
وعندي بنت اكبر وحده فيهم
البنت الكبيرة دي عندها 10 سنين لما كبرت كده وبقت بتفهم كان فالبدايه لما تشوفني لابسه قميص النوم تقولي هو انتي بتلبسي قميص ليه و مش بتتكسفي من بابا ليه؟ اقولها ده جوزي واي وحده مجوزة بتلبس قمصان قدام جوزها عادي فالبيت لكن لو اي حد غريب ماينفعش نلبس قصاده اي شئ يبين جسمنا
كده حلو وخلاص وعودت بنتي وعيالي انهم يشوفني بقميص النوم بالبيت وبعد فترة لقيت بنتي الكبيرة بتطلب مني اني اجيب لها قمصان نووم لانها عايزة تلبس مثلي ضحكت وقولتلها لما تكبري وتتزوجي اجيبلك كتيييير
قولت لابوها عالكلام ده زعق فيا وقالي اوعي تلبسي قميص نووم تاني والعيال صاحين
قولت له ليه طيب ؟؟
قالي من غير ليه
قولت له حاضر
العيال عندي ما شاء الله عليهم سهيرة يعني ممكن يسهروا صاحين للساعه 2 بالليل
وانا من الناس اللي بتحب تنام بدري يعني اخري 12 بالليل وبسيط لما يناموا قبل مانا انام
دلوقتي بقي زوجي يرجع من بره ونفضل مستنين انهم ينامو ولكن للاسف متعودين عالسهر
بقي زوجي بيطلب مني ان احنا ندخل غرفتنا ونقفل علينا الباب بالمفتاح علشان اللي ببالكم
ابص الاقي البنت الكبيرة …او ..اي حد فيهم جه واتلكك بميت تلكيكه علشان نفتح الباب
اول ما افتح الباب ابص الاقي بنتي الكبيرة مترفزة وبتسالني هو احنا ليه بنقفل الباب ؟؟
هو انا ليه لابسه قميص النوم وبقفل الباب ؟
هو انا كنت بعمل ايه انا وباباها وعلشان كده قافلين الباب ؟؟
افضل انا اطلع مبررات للموقف وهي الكلام ولا داخل دماغها
اقولها طيب قولي انتي انتي حاسه اننا كنا بنعمل ايه؟
تقولي امممم تلاقيكم كنتو بتحضنو بعض
اقسم بالله زهلت وما كنتش عارفه ارد عليها
ودلوقتي بقينا بنخاف ندخل الغرفه ونقفل علينا
ونوووم هم مش بينامو بدري
و بنفضل انا وزوجي صاحين ومستنين لحد ما هم ينامو وبالاخر انا ورزوجي اللي بننام قبلهم
والمشكله انهم علطول قاعدين بالبيت مش بيطلعو خالص
والصبح زوجي يصحي يروح الشغل ويرجع عالساعه 5 العصر
وانا دلوقتي متضايقه اوي لاني مش عارفه اخد راحتي بالبيت ومش عارفه البس لزوجي قميص نوووم لان كمان بصراحه بحس العيال مكسوفين مني واحيانا انا اتكسف لانهم بيتكسفو مني
ومش عارفه اعمل ايه؟؟
ابوها مايمل منک او قبل تفتحين لها الباب غيري ملابسک وفهميها اهم شي ماتفتح الباب.بدون استاذاااااااااااان
|
المشاركة الأصلية كتبت بواسطة نوال نور
 حاولي تحكي معها عشان تفهم انو في حاجة ما بتنحكي .قولي لها انو مع لوقت رح تفهي كل شيء
|
لو قلتلها كده يبقي ده دافع يخليها اكتر عايزة تعرف احنا بنعمل ايه؟؟
|
المشاركة الأصلية كتبت بواسطة carizma-am1
حاولي انک تلبسين بجايم وبناطيل وانتي بتدخلي غرفه النوم وقمصان النوم بالصباح وحاولي انک تغيرين بملابسک وفهميها انک تحبي التغيير علشان
ابوها مايمل منک او قبل تفتحين لها الباب غيري ملابسک وفهميها اهم شي ماتفتح الباب.بدون استاذاااااااااااان |
لا بصراحه هي مش بتفتح بدون استاذان ولاننا بنقفل بالمفتاح
اه فعلا انا بلبس بيجامات كتييير وده عادي
لكن المشكله اللي انا طرحتها غير كده
قولولي الحل
|
المشاركة الأصلية كتبت بواسطة سحاب الكوس
حاولي تحكي معها عشان تفهم
|
ازاي يعني؟
وبعدين ايه اسمك ده 