السلام عليكم ورحمة الله وبركاته
شخباركن حبيباتي ،،
بنات أنا ترددت وايد قبل ما اكتب هالموضوع الكن، كل مرة اقول بصبر وبتريا لين موعد الدورة
و احس بآلام ف اخر البطن ومغص وتعب في ظهري لما اقوم من مكاني او من النوم. حتى مرات احس بآلام ف الصدر نفس الابر والنغزات.
والحين من كم يوم لاحظت وجود خطوط زرق على صدري لين جتفي واحس بثقل ف صدري وصار اكبر عن قبل
يقولون لي هذي اعراض الحمل لكن أنا ابدا ما احس باحساس الحمل واحس الدورة بتنزل وهذي نفس الام واعراض ما قبل الدورة من الم ظهر وبطن. ماعرف شو اسوي فيدوني بنات الله يجزاكم خير تعبت نفسيتي كل شيء اسويه ظهري يعورني و خمول فيني ودايم ابي انام.
الوضع الي أنا فيه مضايقني وايد اريد اعرف شو هي حالتي حامل ولا مش حامل بتنزل الانسى دورة والا مابتشرف هالشهر. 🙁
حتى من يومين ينزل مني دم لون بني خفيف وعلى شكل خيوط شوية بعد و امس نزل شوية دم بس لونه احمر خفيف على بني
للعلم أنا سويت تحليل حمل قبل اسبوع وانا اخر دورة لي كانت
10 -4 -2012
يعني باقيلها اسبوعين وطلع التحليل سالب وقالت الدكتورة يمكن يكون في حمل اصبري لين يفوت موعد الدورة وعطتني موعد هالخميس بعد اربع ايام.
ادري طولت عليكن، السموحة منكن
اتمنى الرد باسرع وقت حبيباتي.
وعليكم السلام ياعسسل تمام نحمدالله وانتي اخباارك يارب يرزقني ويرزقك الذريه الصالحه ان شااءالله انك حااامل كيف تحسي لما تصحي من النوم ترجعي تنامي ع طول
بس اتوقع والله اعلم اعرااضك اعرااض حمل الله يرزقنا ويرزق الجميع بالحمل يارب بالتوفيق
بالنسبة للنوم يا أختي أرقد وأيد ? لما أوعى أرد أرقد يعني غصب يسحبوني عن الفراش هههههههههه
ولما أقوم من النوم آلام في ظهري
حتى الحينه الألم يزيد في ظهري
الله يبشرني ويبشرج ؤكل محرومة يارب ويرزقني الذرية الصالحه بإذن الله كلامج ادخل الأمل في قلبي
ادعيلي 🙂
الخطوط الي بالصدر وعلشان ما تتعشمي ع الفاضي
انتظري لمى يفوت موعد الدورة وحللي ع المضمون وارتاحي
وبشرينا
حبيبتي اصبري كم من يوم وسوي مره ثانيه التحليل
وان شاءلله حمل يارب يفرح قلبك ويرزق كل محرومه يارب
شكرا خواتي على تواجدكن معايه وكلامكن الجميل
الله يرزقني ويرزق كل وحده تبي ألذرية
إن شاء الله بسوي تحليل الدم يوم الخميس
وان شاء ??????ھ يكون خير لي أدعولي