السلام عليكم
بنات عرفت شي خطير وهذا الشي احاول انساه بس للحين جارحني من شهر خطبني قريب زوج خالتي المهم مرت اسبوع وقلنا حق زوج خالتي نبيك تسئل عنه عند قرايبك قال اوك المهم مر كم يوم الا متصل يقول امه كلمتني وماتبي ومنحرجه منكم والولد يدرس برى ومايفكر بالزواج ويقول للبنت الي هي انا اذا هي تبي تنطرني لين اخلص براحتها واذا هي تبي تتزوج مااقطع نصيبها وانا ماابيها وانا ولااعرفه ولا يصير لي ولا حاجه مايستحي يقول هالكلام حق وحده غريبه صج قله ادب.. تخيلو الموقف كاني شي مااسوى والله هو الي مايسوي ظفر رجولي المهم مرت شهر الا سمعنا انه خطب من ناس نعرفهم نفس منطقتا بس البنت ارفضته والله فرحت بردت قلبي هاذي حوبتي يستاهل .. بس امي تقول فيه ناس خربو واقطعوا نصيبج ولو صحيح عسى ربي ياخذ حوبتي منهم ويخرب لهم حياتهم نفس مايبون سعادتي ..
يومين وتتزوج بنت خالتي الله يوفقها وهي اصغر مني بااربع سنوات وجمالي وجمالها نفس الشي كاننا خوات والله حلمي البس فستان ابيض وامشي للكوشه وجنبي زوجي الله يرزقني
انا عمري 24 وهي 21 والله شي يحزن خاطري افرح امي وابوي بس الامر مو بيد البنت بيد الرجال .. العمر راح واتمني اشوف طفلي بيدي العبه ابوسه البسه فيني عشق للامومه … قدمت بوظيفه مالقيت بواسطه ودراسه ظروف ماتسمح لاني بعيده عن العاصمه وعندي طموح بس الله يعلم بها … 
بنات دعواتكم باانه الله يعجل زواجي ونصيبي واخذ انسان يقدرني ويسعدني ويحطني بعيونه والله يرزقني بااهل زوج يحبوني ويحطوني بعيونهم .. 
والله يجعل بدايه السنه الجديده سنه خير وافراح وتغير حال من حال لحال لكل المسلمين والبنات ياررب 
حسيت من كلامج انه في قلبج حقد وقهر من قريب ريل خالتج اللي خطبج وبعدها راح خطب وحدة ثانية
صفي نيتج والزواج قسمة ونصيب
كان ممكن هالخطيب يتزوجج وبعد فترة يتركج فاحمدي الله انه من البداية صار هالشي
وكل شي فالدنيا يصير لنا فيه خير وتذكري الاية القرآنية (( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ))
حتى تأخير الزواج فيه خير … خذي لفة على المشاكل الموجودة بالقسم بتلقي معظمها معاناة المتزوجات مع ريايلهم
الاستغفار وقيام الليل والصدقة هو الحل بإذن الله لأغلب لمشاكل
الله يرزقج بالزوج الصالح اللي يسعدج
موفقة
استغفر الله العظيم الذي لا إله إلا هو الحي القيوم و أتوب إليه 
اقرئي صورة البقره كل يوم على نية الزواج
الله يفرح قلبك و قلب كل العايزين
ادعي اكثري استغفار قومي الليل تصدقي بنية الزواج او اي نيه لهااثر كبير الصدقه
ﻻتنسي اقري ورة البقره استمري عليها وسورة يس وسورة مريم
وربك يفرجها ان شاء الله
ادعيلي معاك ربي يحقق امنياتي والي اتمناه
ربنا يرزقك بلزوج الصالح يارب ونفرح فيكى
الله يرزقك زوج صالح يحب ويصونك ياارب
ويرزقك ذرية صالحه
امين