السلام عليكم اخواتي الكريمات
يمكن بعضكم يذكر قصتي … انا صاحبة مشكلة انا وزوجي لامال ولا بنون وبعدها نزلت موضوع عن انني قررت الانفصال بسسب الفقر …
طبعا البعض نصحني والبعض الاخر جرحني وما اهتميت لان بالنهاية حنا حريم والنساء معظمهم تعطيك كلام بس لما يصير فيها نفس اللي صار فيك تسوي مثلك واكثر …عموما
طبعا من بعد ما قرأت نصايحكم واكثركم نصحني اني اظل ببيت اهلي الى ما يتحسن الحال ويفرجها ربي وربي كريم .
لكن
من تزوجت زوجي وهو يقولي انا نادم اني كنت اضايق امي وازعلها
ومثل ما قلت لكم هو يتيم الام والاب يعني متوفين وهو شاب بس عنده خوان وخوات
قبل كم يوم كنت جالسه مع سلفتي ( زوجة اخو زوجي ) واللي تعاني مثلي واكثر بزوج مدمن وعاطل يا لطيف و هي اللي تصرف على عيالها وصابره عليه عشانهم ولما صارت مشكلة بينها وبين زوجها ورحت لها بيت اهلها كانت تبكي وتشكي وفضفضت لي كلام كثييييير لانها متزوجة لها 20 سنة
صدمتي انه من بين كلامها .. ذكرت لي ان ام زوجي يوم كانت على فراش الموت قالت لها انا غضبانه على اولادي كلهم وبناتي كلهم ( ومن ضمنهم زوجي طبعا ) ولما سألتها هو ايش كان يسوي مع امه ؟؟
قالت لي هو واخوانه الاولاد كانوا عاااااقين في امهم وابوهم بكل معنى الكلمة يا لطيف حتى سلفتي قالت لي كنت اقول للأم معليش سامحيهم هذول عيالك تحلف لي سلفتي ( سلفتي والله انها امرأة متدينة وحافظة لكتاب الله وتخاف الله جدا وانا ازكيها ) تحلف لي ان الأم المريضة الكبيرة بالسن اللي على فراش موتها كانت ترد عليها وتقول ( والله ما احللهم ولا اسامحهم ليوم الدين ولاوقف امام الله واقوله اولادي ما رحموني )
انا جسمي قشعر بصراحه واتذكرت زوجي لما يبكي اوقات ويتندم انه كان يرفع صوته على امه …الخ .
هذا أمر …
الأمر الثاني : سلفتي اثناء بكاءها وشكواها قالت لي قصة زوجي قالها لي من قبل وقالت لي ( يكفي انهم اتهموني بعرضي وانا سكت وصبرت لكن دعيت من قلبي على كل واحد اتهمني في عرضي ) طبعا من بينهم زوجي المصون وهو واخوانه واخواته اتهموا سلفتي اول ما اتزوجت ان ولدها البكر ولد زنا والعياذ بالله ولما سألت زوجي عن القصة قالي بالحرف الواحد ( وش تبغينا نقول عن وحده ولدت بعد ماتزوجها اخوي ب7 شهور ؟؟؟)
انا خفت من كلامها لكني قلت لها صارحيني وحلفت لي بالمصحف انها طاهرة وشريفة ومظلومة وقالت لي شوفي دعوتي كيف سوت فيهم محد فيهم لاقي خير ومن بينهم زوجك وانتي دفعتي ثمن مصايبه …
الحين اخواتي بعد هذا الكلام كله انا انوجعت اكثر ماني موجوعة
( زوج بغضب ام وبدعوة مظلومة ) هذا هو الرجل اللي اعيش معاه
وهذا تفسير الضنك والمرض وقلة المال والعيال اللي انا فيه مع زوجي
الآن اريد منكم نصيحة وجواب :
هل استمر مع رجل هذا ماضيه ؟؟؟
وهل ربي قد يغفر له غضب امه ؟؟؟
لأاني بصراحه صرت شايفة الدنيا معاه ظلااااااااااااااااااااااااااااام
كرهته بكل معنى الكلمة …
اعذروني على طول الكلام بس ودي ارمي شوي من الحمل اللي بقلبي
بس هو ندمان وانتي قلتي انو يبكي وربي غفور رحيم
اذا بتصبرين فلك الاجر ادعي واستغفري عسى ربي يبدل حياتكم للأحسن
واذا تبين الطلاق فحقك تعيشين حياة كريمه
وقبل تتخذين قرار استخيري
والله يكتبلك الي فيه الخير
|
المشاركة الأصلية كتبت بواسطة أحـآسيس
 الي مافيه خير في امه مافيه خير في الناس
بس هو ندمان وانتي قلتي انو يبكي وربي غفور رحيم اذا بتصبرين فلك الاجر ادعي واستغفري عسى ربي يبدل حياتكم للأحسن واذا تبين الطلاق فحقك تعيشين حياة كريمه وقبل تتخذين قرار استخيري والله يكتبلك الي فيه الخير |
رايي من رأي احاسيس
ومافي أشد من هالذنب
سلفتك مادام انها حيه الله يحفظها يمكن لو يتسامح منها تسامحه
لكن أمه شلووووون بتسامحه؟
وهذي الدعوه ماشيه عليه لما يموت
اتركيه والله يرزقك على قد نيتك
ويمكن ماجبتي منه عيال لأن هذا خير لك انتي