ا
ختى واش عمرك جربتي بسيطلة بالخضر راها كتجي رائعة
بغيت نقولها ليك وصبري شوية ههههه
صافي ما تقلقوش أنا غادي نقولها ليكم راه كا نديرها في رمضان بزاف
خدي معايا المقادير
كتحتاجي
الجزر تقريبا 4 محكوكة على الطول
القرعة الخضراء 2 محكوكة على الطول (الكوسة)
بطاطا 2 محكوكة على الطول
الشعرية الصينية
علبة الطون
التوابل (الملح + الابزار+ التحميرة + شوية مطيشة الحك + شوية المعدنوس)
بيضة مسلوقة
كاشير محكو ك
الورقة الخاصة بالبسطيلة
الزبدة
الطريقة:
كتاخدي الخضر بطبيعة الحال محكوكة على الطول وتضعيها في مقلاة + التوابل وتتركيها تشحر ثم تصبي الماء طايب على الشعرية الصينية وتخليها دقائق ثم تصفيها وتقطعيها وتضفيها على الخضر ثم تخلطي وتزوليها من على النار وتضيفي الطون مفرتت ثم تأخذي صينية وتذهنيها بالزبدة ثم توضعي الورقة بطبيعة الحال حتى هي مدهونة بالزبدة وتوضعي الخضر ثم تحكي البيضة فوق الخضر وكاشير حتى هو إلى كنتي كا تبغي الفروماج حتى هو ديريه ثم سدي الورقة وتذهنيها بالزبدة وتدخليها الفرن
للتزيين: فلفل أحمر + فلفل أخضر مشحر في شوية الزيت
بصحكتم وعافيتكم راها شفتي شحال ساهلة وما كتطلبش بزاف ديال الوقت
اللي جربتها تدعي معايا بشي زوج صالح 
