بدون شعور وجدت نفسي ارسل هذه الرساله 2024.

ماتصدقون وشلون صعقت يوم قريت الرسالة ..
وبدون شعور لقيت نفسي ارسل هلابيات ..

.: النص :.

(بين رسالتك العتابية .. وهذه اللحظة … ولدت هذه الأبيات)

والله إني مانسيتك .. واذكرك ليل ونهار ..
إسألي دقات قلبي لانسيتك وش يصير ..

لابغيت أنساك صوت إنذار "قَد عَمَّ الديار" ..
ينذر الشعب السعودي عن بقاياي الأسير ..

حجزك بقلبي تأكد .. والبقية .. فـ انتظار ..
ما سكن قلبي وربي غيركم يومي صغير ..

تذكر العشق الأول .. يومنا كنا صغار ..
مثله وضعفه بقلبي + أضعاف الأخير ..

كيف جاك وكيف راح وكيف كان وكيف صار ..
والله مدري لكن اللي أعْرفه .. عقبك ضرير ..

والله ودي أتصل بك .. بس خوفي لاتغار ..
عيني من إذني .. وأنا أدري بعدها ماني بصير ..

إنتي من علَّم جروحي ماتعدى هالمسار ..
وإنتي من خلا عدوي ماينادين بـ"ضمير"* ..

وإنتي من علَّم وعلَّم .. أنتي "كلي" باختصار ..
إنتي من خلا "حبيبك" في محاجرهم أمير ..

والله إن حبك رماني من يمين ومن يسار ..
والله إن دموع عيني ولعت فيني سعير ..

هو فراق الروح يذبح .. لاخلت منك الديار ؟
هو وداع الشوق يفرح .. دامك أصبحت بخير ..؟

اعتذر وجروح قلبي تنحني لك باعتذار ..
يابعد كل الخلايق سيل حبي لك غزير ..

* أي لاينادي علي بضمير كـ"أنت" .. وإنما ينادي باسمي احتراماً ..