بابا روتي بطريقتي بالصوور -للعيد 2024.

السلام وعليكم ورحمة الله وبركاته

اليوم جايبه لكم طريقة عمل البابا روتي سهل وسريع ممكن تعمليه بالبيت لو حبيبتي .. اتمنى ينال اعجابكم ومنتظره تقيماتكم ..

جبت لكم طريقة عمل بابا روتي بطريقتي هو سهل مافيه صعوبه جربووه

مقادير الطبقه البنيه من فوق هي كلاتي :

/حبه بيضه
/ملعقه صغيره كاكاو بودره استبدلته بدل القرفه لانه مانحبه
/مطيبه زبده بدرجة حرارة الغرفه
/ملعقه فانيليا صغيره
/ملقعه اكل نسكافيه مدوبه بملعقه ماء دافئ
/مطيبه دقيق
/مطيبه سكر اسمر اني استبدلته بسكر ابيض حقنا العادي

ومقادير العجينه العاديه كلاتي :

مقادير العجينه :

/ 2 حبات بيض
/كوب ماء دافئ
/4 قلاصات دقيق بحق الكرستال او بنفس الكوب حق الماء يلي موضح بالصوره
/ربع مطيبه زبده بدرجة حرارة الغرفه
/ملعقه كبيره خميره سريع او شتوه
/2 ملاعق كبيره حليب بودره
/3 ملاعق كبيره سكر ابيض عادي
/ملقعه صغيره بكنج باودر

طريقة المقادير الاولى ( الطبقه البنيه ) هي :

نخلط السكر والزبده مع بعض نضيف للسكر البيضه والنسكافيه المدوب والكاكاو والفانيليا ونستمر بالخلط .. عبيناه بكيس وادخلناله الثلاجه لغاية مانخلص من تحضير العجينه ..

طريقة المقادير الثانيه ( للعجينه ) هي :

نخلط جميع المقادير كامله .. ونتركه تتخمر مدة نصف ساعه ..

بعد كدا نقسم العجينه ل 13 كره هي طلعت معي 13 ممكن تزيد لو صغرتوها او تقل لوكبرتوها .. ونتركه تتخمر 10 دقائق ونحضر اصبع زبده اي نوع تحبو او متوفر معاكم وتكون مجمده مره بالفريزر ونقسمه قطع مربعه صغيره ونفرد كل عيجنه باليد ونحشيها قطعه زبده ونقفله تمام عشان مايتسرب الهواء ومن فوق اخر شي نحضر الخلطه الي عملناها بالمقادير الاولى ودخلناها الثلاجه نخرجه ونعمل خطوط دائرئه فوقه مثل ماهو موضح بالصوره فوق وندخله الفرن على درحة حرارة 200 درجه لمدة نص ساعه ومن فوق لمدة 4 ساعه او ثلت ساعه ونطلعه .. وتقدم مع الشاهي او القهوه او النسكافيه ..

الصور توضح الطريقه ..

المشاركة الأصلية كتبت بواسطة أنثى مختلفة ..!! أمممممممممممممممممم شهيتني ما شاء الله شاطرة و الوصفة رائعة تسلمي ع الطرحح

يسلمك ربي .. هدا من ذوقكـ ^_^