مرحبا
اخباركم ؟؟
خواتي في منتدى سيدتي بصراحة المشكله اللي صايره لي صار لها فتره بس البارح زاد الطين بله ورب الكون اني من البارح الين اليوم الظهر وانا مو فوعيي من الكلام اللي سمعته ومن مين ؟ من اهلي اقرب الناس لي
انا صار لي مخطوبه كم شهر (معقود علينا) المشكله من اهلي لان تقريبا في رفض حق زوجي طبعا احنا عايله تعتبر مستواها فوق المتوسط عايله كبيره ولها سمعتها وماكانتها تقدم لي تقريبا فوق 20 شخص كنت ارفضهم بدون سبب يمكن احساس ان في انسان غير راح ارتبط فيه ويكون شريك حياتي
والحمد لله جا اليوم اللي خطبني فيه زوجي اللي هو خطيبي حاليا طبعا اغلبيه العايله كانت رافضه المستوى المادى والتعليمي (( مع انه مخلص ثانوي ويشتغل وفي شركة معروفه ومعتمد على روحة)) كان بنسبه لهم حاجز وكان في شوي مشاكل من ناحيه اهله مع ان ولله الحمد زوجي اخلاق ودين والكل يمدح فيه الشايب قبل الشباب
بعد ضغوطات مني وافقو بس للعلم انه لايقربلي ولا اعرفه لمجرد احساسي ان هذا نصيبي هذا اللي يناسبني
والحمد لله اني مبسوطة معاه بس للاسف هالفتره مرينا بضغوط ماليه لدرجة اجلنا زواجنا وانا شايله همه وخايفه عليه وكثير جالسه احاتيه وهالشي بين علي قدام اهلي طبعا البارح هي الصاعقه الكبرى من كلامهم طبعا كان في كلام بين فترات ضغط علينا من ناحيه الزواج تزوجو ولين متى ومن ذا الكلام
وهم عارفين كل ضروفه
البارح اجتمعوا الاهل (بس امي وابوي ماكانو موجودين ) في البيت الكبير ونادوني تعالي يافلانه انتي معزومة على عشا والكل موجود رحت وياليتني مارحت
تعرفون شنو قالولي وهم شايفين اني مضايقه وضايق صدري على زوجي
(اذا انتي مو قادره تستمرين في الموضوع تقدرين تنسحبين وحنا كلنا معاج) يعني هو فستان اجربه وقت اللي مايعجبني اقطه يعني اذا ماتحملت المسؤوليه الحين متى اتحملها اخاف بعد الزواج وعيالي وراي يقولون لي هالكلام
(مانبي اهل زوجج بالعرس واذا احضروي محنا بحاضرين واذا انتين ماتقدرين تقولين حق رجلج حنا بنقول له) ناس ماضروني ولاقصرو علي ولاحد في يوم غلط علي اقولهم مابيكم ليش ؟؟
(ولا شنو رجلج داخل على طمع والحين لو تاخذين فلوس من عند ابوج وتعطينه راح ياخذهم وهذا هو اللي يبيه
ولا تتعودين تعطينه فلوس اذا قال لج محتاج ولاشي) بالله اذا الوحده ماتوقف مع زوجها مع منو توقف
والله العظيم اقولكم اني كنت اضغط على نفسي كثير وبين فتره وفتره يقطون كلام بس هالمره غير كلامهم يذبح والله هم يتكلمون وانا مو مستوعبه الكلام اللي ينقال احس مو واحد جالس يصفعني جالس يذبحني بشويش
تعرفون يوم قلت حق امي شنو قالت قال خايفين عليج وهم يحبونج
والله كل ماقول حق احد مو مستوعب ابي اعرف انا اللي غلط ولا اهلي لان خلاص تعبت
والمشكله هالكلام يوم بعد يوم قاعد ياثر علي وعلى زوجي وعلاقتي معاه
كل يوم انضغط وامسك اعصابي احس قاعدين نتهاوش بدون اي سبب وكله معصبين
تكفووووون ساعدوني
خواتي شوفو اقولها للمره المليون خواتي انا ماعندي اخت اشكي لها بس الحمد لله عندي صديقات وعندي انتو وفيكم اكيد اهل تجربه وفيكم من تكون في عمر امي تقدر تقولي اذا انا صح ولا غلط
واسفه على الاطاله
وكل اللي ابيه طلب صغير منكم
اللي تدخل وتقرا وماتبي ترد مو مهم اهم شي دعوة حلوة من قلبها ان الله يفرج علي وعلى زوجي ويسهل امورنا
ويحقق امانيكـــــــــ ,,,,ويسر امرك ويستر عليك
الله يفرح قلبك ويتمم فرحتكـــــــــــــــــــــــــــــــــــــــ
حيااااااااااك غناااااااااااتي
تمنين ذريه..زواج,,,نجاح…توبه…حياك ان شاء الله ماتندمين
ليش هما بدهم صهر طيب وابن حلال ويتقي الله ببنتهم ولا بدهم خزنة فلوس ……..نصيحتي حبيبتي اتمسكي بخطيبك ولا تتركيه
وانشاء الله اهلك بغير رايهم والله اكون معك وعليك بالدعاء المستمر والله يفرج همكم يارب
إلجئي الله واطلبي عونه وأكثري من الإستغفار
وراح تشوفين النتيجة بإذن الله
ويكفي ماشاء الله مواصفاته تعجبك انتي وانتي راضيه عن كل شي
انتي اللي بتعيشين معه مو هم
حبيبتي لاتخسرين وزجك عشاان المال (كل شي يروح ويجي الا الرجال الصالح وين تحصلينه)
اكثري من الاستغفار
الله يوفقك ويسعدك ويتمم عليك زواجك
ولاتتوقعين زوجك بيعيشك نفس المستوى الي انتي عايشه فيه
واذا عندك استعداد انك تتحملي لاتنسحبين
وكل شي بعد الزواج راح يتغير
يعني هالحب وهالغرام كله بيطير
ويمكن تندمين لأنك ماخذتي واحد بنفس مستواك
طبعآ انتي وحده متعوده تلبسين اغلى لبس من الروع الماركات واغلى العطور
لاتتوقعين انك بعد الزواج راح تلبسين نفس اللبس الي كنتي تلبسينه ولاتسافرين مثل اول
ولاتتوقعين انك لو احتجتي راح تقدرين تطلبين من ابوك بسهوله لأن خلاص
زوجك الي مسئول عنك وعن متطلباتك
ويمكن هالزواج راح يعتبر لك نقله نفسيه ومعنويه اذا عندك استعداد تتحملينها اصبري
واذا ماعندك استعداد اقولك سمعي كلام اهلك وانسحبي
واقل مشكله تصير بينك وبين زوجك بيقولون هذا اختيارك وتحملي ونفس الشي لو احتجتي لأي شي مادي
بيقولون نفس الكلام هذا اختيارك وتحملي
الله يوفقك
خلاص ماعليك من كلام الناس علشانه غريب يتكلمون عنه ولا تخلين الضغوطات والكلام الجارح ياثر على علاقتك انتي وزوجك وان شاء الله ربي يفرجها على زوجك وتتزوجون باسرع وقت وانتي ادعي كمان بالقيام والاستغفار الاستغفار وتحري اوقات الاجابه ورددي دائما على اللي ياذيكم اللهم اكفني شر فلان بما شئت اللهم اكفنيهم بما شئت صدقيني الله ماراح يخيب ظنك اللهم فرج همها وهم جميع المسلمين والمسلمات والمؤمنين والمؤمنات يارب العالمين0
اولا قولي لهم هذا اختياري لو انا في يوم جيت وقلتكم ساعدوني لا تردون علي
ثانيا هم وظعهم طبيعي خايفين عليكي وموب متاكدين من الرجال لكن ان يمنعوا اهل من حظور زواج ولدهم الزواج اصلا في الاصل للعريس فرحت اهل العريس بولدهم موب العكس
ثالثا انتي من ازمه تمرين فيها تاثرين على نفسيتك وعلى اهلك وعلى زوجك اختي الغاليه حاولي ان تهدي اعصابك وتسترخي وتاكدي ان الرجال ربي عطاهم القدره على تحمل المسؤوليه وتقدير القرارات اكثر من الحريم يعني تعبي نفسيتك ولا ما تعبيها زوجك ان شاء الله قادر على تحمل المسؤوليه ولا غير كفوا ان يفتح بيت لازم انتي تكوني الاسفنجه الي تمتص الظغوط منه موب تكوني سبب في زيادة الظغوط عليه
ورابعا كلام الناس والحركات الي يسونها او تجريح الكلام لازم يقويكي موب يظعفك ويصدمك لان الكل متوقع انك موب قد المسؤوليه ولا رح تتحملي لكن انتي لازم تكوني عكس هم وش يبوا وتكوني قويه في وجه الريح
هذي بداية حياتك والمفروض تبدائيها صح ما تبديها بمشاكل وظغوط وتعب ونفسيه تعبه لا خلك قويه وخلك الحاجز الي يحمي زوجك من اهلك
وفكري زين واستخيري وربي يسخر لك النور في دربك ويصلح امرك ويسعدك في حياتك