ان عــــذلت القــــلب زاد ابه الغــــــــــــــــــــلا 2024.

اقبلت تمشي مثل ظبي الفـلا=من خجلها تجفل من اضلالها
اقبلت والقلب رحـب ياهـلا=والعيون استبشرت باقبالهـا
الظلام بنورها ادبـر وانجـلا=فتنة الدنيا صدق من قالهـا
في هدبها السود صرت مكبلا=وصرت اسير لخدها ولخالها
ان عذلت القلب زاد ابه الغلا=وان تركته بالضلوع اوما لها
كان قلبـي بالقفـول مقفـلا=مافتح باب الغـرام الا لهـا
صرت مجنونن بها دون الملا=لجلها لي بس شالت شالهـا
ماحدن قبلـي ولابعـدي ولا=غيري من الناس جا في بالها
يوم قالت لي نعم ماقلـت لا=صارت الفلوه وانـا خيالهـا
كنها الي في سما الكون اعتلا=ماحدن طاله ولحـدن طالهـا
شد من ذيك المرابيع وجـلا=واعجبه يصير من سلسالهـا
صار هو والليل بالزين ازملا=ذاك غرتهـا وذاك اسبالهـا

منقول