انتبهي زوجك لايدور راحته عند غيرك 2024.

المشاركة الأصلية كتبت بواسطة نيرااااان

إختي كانت مثلك كذا كل شي عندها حوسه
آخر شي نبهتها وقلت شوفي ياحبيبتي زوجك يعزمونه الرجال
ويدخل بيوتهم ويشم ريحة النظافة وريحة اﻷكل الحلوة واﻷوﻵد المرتبين
واﻷثاث النظيف وشغل الحريم السنعة لا تلومينه بيوم من اﻷيام اذا جاك وقال أنا خطبة
إخت فلانه والا علانه ﻷنها سنعه وقلت ادور وحده مثلها ادخل بيتي وهو نظيف وشغل مرتب
وحمامات نظيفه والمطبخ كنه مركب لزينه مو لطبخ انجنت اختي وتسمرت وتيبست وقالت بصوت مبحوح وخايف وغيرانه كنه تزوج زوجها ومتهني باللي قلته لها ههههههههههههههاآاآاآاآاآاآاآييييييييي
وش أسوي طيب قالت بعد مايروح زوجك لشغله الصبح روحي لمجلس الرجال ومعك بخور عشان تنتعشين وانتي ترتبين وسكري الباب وحطي ابالك ان ماعندك غير هالمجلس ورتبيه زين مازين وأهم شي فتحي الشبابيك والستاير عشان التهويه وعشان تفرحين انتي بالهواء الحلو وأشعة الشمس
وبعدين روحي بالمبخره لصالة الحريم وسكريها وكأن ماعندك غير هالصاله ورتبيها وهكذا لحد ماتخلصين غرفه غرفه
اللحين الحمامات تكرمون نظفيها بالتايد والمرايا والمغاسل ومقابض اﻷبواب وبعدين غسليهم ونظفيهم من الصابون زين وخودي جيك الخاص بالديتول وعبيه مويه وديتول وصبيه على المغاسل واﻷرضيه وامسحي الباب بشوية ديتول بالمنشفه الخاصه باﻷبواب خلي لكل شي منشفه خاصه فيه وبلون خاص عشان ماتتلخبطين ودخلي المبخره الخاصه بالحمام وبخريه بخور خاص غير حق البيت عشان تصير الريحه غير وحلوه وإشري دهن عود مخلط من اللي 10ريالات بس تكون ريحته حلوه وصبيه بالمغاسل عشان زوجك أو الضيوف لمن يغسلون تفوح عليهم ريحه حلوة ويحتارون من وين تفوح واللحين جينا للمهم المهم مفهوم
المطبخ حطيلك بمفواح القهوه نسكافيه وعبيه مويه وخليه يطبخ على نار هاديه تدرين ليش عشان تنعشين راسك من ريحة أقهوه وابدي بالثلاجه وخوذي منشفه وغرقيها بالديتول المخفف واعصريها وافصلي الثلاجه طبعا وطلعي كل شي فيها الخربان ارميه واللي باقي زين خليه على الطاوله وابدي امسحيها ولمن تخلصين خوذي معجون أسنان وفرشايه اسنان قديمه وفركي أطراف باب الثلاجه البلاستيكيه المرنه اللي لونها اسود او بني ياليت تعرفينها مدري وش اسمها ليش ﻷنها تخلي الريحه حلوة وتعقم بعد وبعدين امسكيلك كيس وشيلي فيه كل شي ماتبينه وحطيه بالزباله والمواعين كلهم جمعيهم على طرف المغسله والطرف الثاني اغسلي وحطيهم فيه وخليهم شوي على المغسله وروحي الفرن والبسي قفازاتك وافركي بالتايد والليفه الين تشوفين اللمعه راح تفقع عينك ههههههه امزح سلامة عينك وامسحيه وشغلي كل العيون عشان تنحرق الريحه الي عليها والحين ارجعي لمواعينك ونشفيهم ورجعيهم لﻷماكنهم او رتبيهم بطريقه حلوة دلعي نفسك ومطبخك خليك دلوعه بالترتيب واللحين خوذي مكنسه يدويه وافركي اﻷرض زين بالتايد والمغسله وباب الثلاجه ويد الثلاجه وامسحيها بالمويه ونشفيها وخليها شوي وبعدين رجعيلها الكهرب ودخلي اﻷكل فيها والارضيه غسليها عن الصابون وجيبي الديتول المخفف وصبيه فيها وامسحي اﻷرض وافتحي المروحه والشباك وخليهم ينشفون واللحين خلينا نروح للغساله والملابس طبعا تكوني معبيتها قبل أي خطوه تحطين الملابس وتغسلينهم ولمن تسمعينها وقفت على طول تروحين تنظفينهم حتى لو كنتي تشتغلين خلي شغلك ونظفي الملابس عشان اذا بقوا بالغساله راح تطلع ريحتهم وتظطرين تغسلينهم من جديد وتخسرين وقت وعلبة تايد ثانيه وتخسرين زوجك وخلصتي منهم اول شي الملابس الي تحتاج كوي اكويهم بعد ماتطلعينهم من النشافه علشان يطلعمون كنهم من المغسله ولمن تنتهين من كل هذا شبيلك على كم فحمه وبخري البيت وابدي بالكنس
وبعدها روحي على المطبخ وحظريلك وجبه حلوة من يدينك الحلوة لعيونه الحلوه ههههههبالنسبه لك طبعا حلوة وإذا قاموا اولادك لاتضايقين نفسك زينيلهم اللي المفروض انك تزينينه كذا والا كذا انتي راح تعملين لهم كل شي من غير ماتعصبين كرهوني بالشغل وحاسوني لا لا لا اعملي اللي عليك وانتي مستمتعه لبسيهم ملابسهم وانتي خوذيلك حمام منعش واتكشخي كنه جايكم ضيوف بس زينه بسيطه مو كنك رايحه لعرس هههههههههه
وراح يروح كل هالتعب لمن يدخل زوجك ويقول ليش هذا كله بيجونا ظيوف قولي ايه اللحين هم موجودين راح يتلفت يمين ويسار ويقول وينهم قولي قدامي انت اهم ضيف
وبالنسبه ﻷولادك عادي جيبيلهم شنطه خاصه وحتى لو ماكنتي رايحه ﻷحد خليها جاهزه وحطي فيها ملابس داخليه ولكل واحد بدله غيار وحفايض ومناديل عاديه ومناديل مبلله والعلبه الخاصه بالحلبيب المقسمه عشان اول ماتروحين تعبينها حليب بسرعه وتمشين وحتى عبايتك الخاصه بالطلعات والمناسبات حطيها بشنطتهم عشان تكونين جاهزه مو تنحاسين وتتبهذلين ودورين اغراضك وتتوترين ولمن تروحين عند الناس وانتي تلفانه ماودك فيهم كذا راح تكونين منظمه ومرتاحه
وبس إذا تذكرت شي يفيدك راح ارجع أكتبه
وإذا كنتي حابه تسألين أي سؤال انا بالخدمه