السلام عليكم
كيفكم اخواتي .. اتمنى انكم اتكونون بصحه وعافيه
..
اخواتي بدخل بالموضوع على طول ..
والله اللذي لا اله الا هو اني بهم مايعلم فيه الا الله ..
لكن اسأل الله ان يفرج همي وهمكم وهم جميع المسلمين .. آآللهم آمين..
آآسفه اذا الموضوع طويل بس اقسم بربي ان اول مره افتح قلبي لأحد
عمري ماشكيت وعمري مابينت ان الموضوع ذا مأثر فيني دايم اخلي كل شي بقلبي واسكت وابين لهم اني اسعد انسانه بالعالم والعكس تمامآ
انا يااخواتي انحرقت بالنار وانا صغيره تقريبآ عمري 4 سنوات
وكان الحرق من الدرجة الثالثه يعني الدرجة الخطيرة
والحرق كان بمنطقة اليد اليسرى من الكتف حتى الكوع
عملت عملية ترقيع لأن من شدة الحرق بانت عظمة اليد
اضطروا يأخذون من فخذ رجلي اليسرى وتغطية عظمة اليد
ويدي احركها ولله الحمد وماعندي اي مشكلة بحركتها
بس التشوه الي حصل لها جدآ جدآ فظيع رحت للمستشفيات داخل السعوديه وبرضوا رحت مصر لعل وعسى
اعمل لها عملية تجميل قالوا مافيه لها حل ابدأ الا الصنفره ونسبة نجاحها
20 % واحتمال ماتنجح
انا يابنات صابره على قضاء الله وقدرة وساكته ورضيت باللي الله كتبه لي
وغير كذا قلت خلاص راح اشيل فكرة الزواج من بالي نهائي
لان مافيه رجال بيرضى يأخذ وحده مشوهه
وقسم بالله انو موضوع الزواج جدآ عادي ماهو مأثر فيني لأني خلاص مقتنعه وشايلته من بالي مع ان عمري الان 26
..
نجي للشي المهم .. الان فيه شخص متقدم لي انا قلت بررفض من دون اي تفكير
لكن امي يابنات؟؟ اتحااول تقنعني بأي وسيلة عشان اوافق
انا قلت لهم اذا بوافق بشرط انو يعرف بموضوع يدي والتشوه
بس يابنات اخاف انه يوافق .. طيب بالله لو وافق انا ايش موقفي؟؟
انا مو قادره اتخيل انو ممكن اتزوج وانا مشوهه طيب بعد الزواج كيف ممكن اكون .. كيف بألبس له (اكيد المتزوجات راح يفهموني) ويدي اتكون مكشوفه او مليون بالميه بينقرف
من منظرهاا .. او اخاف فترة بسيطه ممكن يطلقني بسبب يدي
وبدل مااكون مكسوره مره انكسر مرتين ..
والله يابنااات راسي بينفجر
من كثر التفكيررر ماني عاارفه وش اسوي وانا مو من النوع الي يفضفض
كتوووووووووووووومه بدرجه ماتتخيلونها
..
تفكوووون يااخواتي قوولولي وش اسوي؟؟ ريحوني لو بكلمه
قولولي اني انا صح وشيلي فكرة الزواج من بالك؟
قولولي كيف اقنع امي برفضي واني شايله هالفكرة من راسي؟؟
قولولي فيه وحده مثلي وتزوجت عادي وزوجها راضي فيها وعايشه حياتها مبسوطه؟؟
تكفوووون يالنشميااات لاتخلوني انا بحاجتكم بعد الله سبحانه وتعالى
والله يسعدكم ويوفقكم بالدنيا والاخره
ولك ان تتخيلي حالها 00بيد واحده اللي هي اليسار 00وحطي تحت اليسار الففففففففففففف خط00يعني زوجها ما قرف منها وقال تستخدم هاليد في كل شي وتجي تطبخلي بيها 000ولا قال كيف بتظمني بيد واحده 00ولا قال تغسل وسخ عيالها بهاليد وتجي تأكلني بيها000
حبيبتي انتي صحيح تعانين من التشوه 00لكنها موجوده ولله الحمد 00تقدرين تستخدمينها في خدمة نفسك00حبيبتي الله سبحانه ما ابتلاك الا ليختبرك ويختبر صبرك 00انجحي في الاختبار 00وتزوجي وانجبي عيال وربيهم 00وخلاص هذا امر الله 00يعني ايش بتسوين 00بتدمرين شبابك على شيئ مالك يد فيه
اما عن زوجك او خطيبك 00من حقه يشوفك 00واذا رضي 00جزاه الله كل خير 00ويمكن تكوني خير زوجه ربي كتبها له 00وياستي مو لازم تلبسي الملابس اللي بتحرجك 000اصلا ماراح يتزوج يدك وانتي فاهمه قصدي 00ريحي بالك من هالناحيه 000والله ثم والله كم من جميله ما عمرت بيت ولا صانت عرض 000توكلي على الله وعززي ثقتك بنفسك 00وقد ما كانت نظرتك لنفسك ايجابيه قد ما عشتي حياه سعيده فيها كل الرضى ان شاءالله
وافقي 00وافقي 00يا الله يا شيخه 00لمتى بتظلين في بيت اهلك 00ما طفشتي منهم 00روحي بيت رجلك وعيشي السعاده اللي ربي ان شاءالله بيكتبها لك 000اسأل الله العلي القدير ان يمن عليك بزوج صالح 00تقي نقي 00يخاف الله فيك 00يملأ عليك حياتك بالود والولد 000آآآآآآآآآآآآآمين يارب العالمين
اولا ان شاء الله لك اجر كبير لكن اهم شئ الصبر والاحتساب عند الله
ولازم تقنعي وتتاكدي انه فيه غيرك حالهم اسوء منك بكثير وعايشين ومقتنعين وصابرين
عزيزتي
انا ارى بالعكس شئ عادي جدا والمفروض انك تفرحي وتحمدي الله
لان التشوه بس بيدك
لزم تحمديه كل مرة لان ماجا التشوه باي مكان اخر وانه بس بايدك
وبعدين ليش تعتبريه تشوه وتغلقي على نفسك حياتك
ليه ماتعتبرية وسام وعزة وكرامة من الله لك وتثقي بنفسك وتعيشي حياتك
عزيزتي فيه ناس كثير ماعندها اطراف وحققوا وانجزوا انجازات عظيمة
عزيزتي
التشوه هو تشوه الاخلاق والدين والنفس
فيه ناس كثير يملكون جمال ليس له مثيل
لكنهم مشوهين من داخلهم وحياتهم جحيم
احمدي الله واشكريه وخليكي كلك ثقة بنفسك اهم شئ لازم تكوني واثقة بنفسك وقبل كذا بربك
وماعليكي من احد
وطبعا شئ اكيد انك لازم اي عريس يتقدم لك لازم تقولي له هالمشكلة وهو يقرر واذا مابغى هو حر مصيره يجيكي اللي يكون مقتنع فيكي ويقتنع فيكي لنفسك
اذا انت اقتنعت بما اعطاكهو الله سيبعث لك الله من يعزك ويحبك لنفسك
بالتوفيق
أنا أضم صوتي للأخت أم حاااااتم…
الله يوفقك فكري بالموضوع من جميع الجهات…
الحياااااة ماتوقف عشان انتي توقفي نصيبك
المرأة تكون مكسورة- يتيمة – مشوهة- معاقة
غير جميلة – أمية- مطلقة- عقيمة ) ولكن
من حقها أن تعيش في الحياة مثل غيرها من النسااااء
السويات وقد تتفوق عليهن…
وفقكي الله لكل خير،،،
بعدين بقولك وحده من اعز صديقاتي تقريبا نفسك بس هي مو من الكتف من تحت الكوع الى الكف
وماتتخيلي شكل يدها مشوه والللون غير والجلد ع بعض والحمدلله عايشه حياتها ومبسوطه وكمان عندها ثقه كبيره يعني تلبس
نص كم وكذا تقول هذا ابتلاء من ربي والحمدلله ع كذا ولها 7 شهور متزوجه ومرره مبسوطه مع زوجها
وكمان حامل مشاء الله
يعني ياقلبي لو انتي اقنعتي نفسك انو شي عااادي الحياه بتصير حلوه بعيونك
وافقي وتزوجي وانبسطي ولا تشيلي هم
بالعكس لو شافك واثقه من حالك وماخذه الوضع عادي وصابره بتكبري بعينه اكثر
الله يسهل لك امورك يارب ويفرجها علي اللهم امين