بنات رحت عنددكتوره نساء علشان الحمل قالت لازم تنحفي اذاعندكم خلطه للتنحيف ساعدوني ابغى انحف بسرعه
اعذريني يمكن احد يفيدك غيري
تقبلي مروري بصدر رحب
بس اذا تبين تنحفين علشان الحمل
لا تسوين اي رجيم وخرابيط من رأسك علشان هرمونات جسمك لا تنعفس وتتخربط
يعني يصير تصلحين جسمك وتخربين الهرمونات وبعدها ما تستفيدي
اسمعي نصيحتي اذا ما عندك مشكلة في الغدة الدرقية احسن شئ لك رجيم السعرات كلي اكل متنوع واحسبي السعرات
قللي الدهون والكربوهيدرات مثل الرز والسكر والخبز والحلويات
وكثري سلطة وفواكه لكن لازم تاكلي من كل انواع الهرم الغذائي ما تسقطي شئ
مثال يعني
تفطرين شريحة توست مع جبنة
هنا اكلتي في الفطور
توست =كربوهيدرات —–جبنة= راح تعطيك كالسيوم ونسبة بروتين وكاربوهيدرات
في شريحة التوست 64 كالوري وفي قطعة الجبن الابيض تقريبا 60 كالوري
فطورك مجرد 124 كالوري 
في الغذاء
طبق سلطة خضار+قطعة بروتين مثل ( دجاج بدون جلد او لحم او سمك او تونة او روبيان)
اهم شئ ما يكون فيها زيت او كمية ملعقة اكل زيت نباتي
اتوقع طبق السلطة يجي تقريبا 50 او 60 كالوري
صدر دجاج بدون جلد 120 غرام =196 كالوري
ملعقة زيت اكل نباتي مثل الذرة او زيت الزيتون 120 كالوري
الغذاء في حدود 380 الى 400 كالوري
العشا خذي نوع واحد من الفاكهة لا تشكلي اكثر من نوع
يمدحون في الرجيم الكيوي او الجريب فروت او البرتقال اوالاناناس اوالتفاح اختاري منهم نوع واحد
وفي بعد فواكه مافيها سعرات حرارية كثير
حبة تفاح متوسطة فيها 80 كالوري يعني حبتين 160 كالوري
بين الوجبات لو حسيتي بجوع اشربي كأس حليب او حبتين تمر او ملعقة عسل او كلي خس يعني شئ خفيف
وهنا احسبي بعد السعرات في الوجبات الخفيفة اللي تاخذينها بين الاكل
طبعا هذا مثال على نظام كيف اتنوعين في الاكل
ممكن يوم تشيلين الجبنة من الفطور وتحطين فول ويوم تخلينها بيض على كيفك اهم شئ حددي السعرات الحرارية في اكلك
+ الرياضة يوميا ابتدي بالتدريج كل يوم 5 دقايق وبعدها بيومين 10 دقايق وبعدها زوديها ربع ساعة لحد يتعود جسمك على الرياضة لان لو كنتي ما تسوي رياضة وفجأة قمتي تسوين تمارين لمدة ربع ساعة او اكثر راح تحسين بتعب فظيع وراح تتركينها لكن انتي ابدأ بالتدريج
لحد توصلين ساعة رياضة باليوم او ساعتين على حسب طاقتك
وحاولي اذا ينفع تسجلين في نادي علشان تضبطي نفسك اكثر
او في البيت اشتري لك جهاز رياضة واتوقع افضل شئ الاوربتراك او جهاز السير الكهربائي احس انها اكثر شئ تنحف
واخر شئ انا سمعت اكثر من اخصائي تغذية يمدحون خلطة الزنجيبل مع القرفة في مويا مغلية وتشربينها قبل الاكل بس لا تأخذينها على الريق
علشان قوية على المعدة وسوي بحث في اليوتيوب على الخلطة راح تسمعين شنو يقولون عنها
وكثري طول اليوم شرب الماء وبقولك السبب
1-شرب الماء يعطيك شعور بامتلاء المعدة فيخليك تاكلين اقل
2-الجسم لو نقص فيه كمية الماء ما يقدر يحرق سعرات وايد لان العمليات الحيوية في جسم الانسان تحتاج ماء علشان يتم التفاعل عدل
يعني لو قل كمية الماء بيعيق العمليات الحيوية ويعيق عملية حرق السعرات وكدا الجسم ما راح ينحف بسرعا
3-الماء على الريق ممتاز حق الجهاز الهضمي شربي ماي تكون مب باردة ولا بحارة تكون نفس درجة حرارة الغرفة هذه بس على الريق تكوون الماء دافية
اما باقي اليوم شربي ماء بارد تدرين ليش ؟
لان الجسم لازم يحول الماء البارد الى درجة حرارة الجسم نفسه
راح يبذل مجهود علشان يحول درجة برودة الماء الى نفس درجة حرارة الجسم
وبكذا راح يحرق نسبة سعرات حتى لو كانت قليلة لكن نحتاجها
سامحيني طولت عليك بس والله حبيت افيدك بالي اعرفه
والله يعينك ويسهل عليك ويفرحك بالحمل قريب يارب العالمين
تقبلي مروري باقي كم نقطة ضروري تعرفينها بس الحين لازم اطلع برجع اكتبها لك
موفقة وان شاء الله تبشرينا بالخبر السعيد
|
المشاركة الأصلية كتبت بواسطة (حبيبة امها)
 الله يعطيكم العافيه وماقصرتواوراح اخذ بنصيحتك يااخت كبرياء الألم
|
حبيبتي في كم نقطة مهم تعرفينها اول كنت مستعجلة وعندي طلعة علشان كدا مالحقت اكمل كلامي
ترى الرجيم يعتمد على وزنك والوزن اللي تبين توصلين له
يعني مثلا ما يصير نعطي احد وزنه فوق ال100 رجيم يتكون من 1200 كالوري صعب عليه .
نعطيه 1400 كالوري في بداية الرجيم واذا نحف عليه يكمل تقريبا اسبوعين او حسب يحس ان الجسم بدأ يثبت الوزن وبعدين يبدأ ياخذ في اليوم 1200 كالوري
ويبدأ النزول في الوزن ولحد فترة ويثبت الوزن ثاني
نرجع نخليها 1000 كالوري
لان صعب تبدأي ب 1200 كالوري وبعدين الجسم راح يتعود بعد فترة عليها ويثبت وما عاد ينزل
راح تكوني مضطرة تنزليها 800 كالوري في اليوم وكدا مرة تعب عليك
اتمنى تكوني فهمتي قصدي
وترى لازم تعملي تحليل الغدة الدرقية علشان تعرفي كيفية نزول الوزن
لانه لو كان في قصور في الغدة الدرقية تحتاجي رجيم معين
انا عندي قصور في الغدة الدرقية واعرف مب اي رجيم يناسب الجسم والله مرة سويت ريجيم غلط قام وزني زاد 
علشان كدة ضروري هالتحليل
وحتى لو رحتي الى اخصائية تغذية راح تطلب منك اول شئ تحليل للغدة الدرقية
وافضل شئ تقيسين الوزن كل يومين علشان تعرفي اذا كان عندك خربطة في الاكل او لا يعني لاتنتظري اسبوع وبعدين تنصدمي بزيادة ولا تبالغي وتقيسي كل يوم كل يومين احسن شئ
ولو تستخدمي ميزان رقمي افضل شئ
لانه ممكن يكون نزول الوزنة بطئ بالجرامات وبالميزان العادي ما يبين
اما الرقمي تعرفين انه في نزول حتى لو كان بطئ
وتعرفين لو في زيادة وتراجعي اكلك
والله ييسر امرك واذا اي شئ تبين انا تحت امرك
ادري كلامي كثير 
