اخواتي انجدوني الحقوني اعمل ايه انا في ورطه مانمتش ومش قادرة انام
حتجنن والله
عشان تشوفو قصتي وتحكمو عليها
انا صاحبة الموضوع دا
هل استــمــر مع رجــل لايحبني؟؟
اخيرا عرفت ويارتني ماعرفتش
جوزي جاه النهارده بعد المغرب وقالي تعالي انا عايز اقولك موضوع
ودخل اوضة النوم ودخلت وراه وقام قفل الباب انا قلت بس في مصيبة حتحصل
اكيييد اكيدد حيقولي الحاجه الي كنت انتظرها وخايفة منها
قالي شوفي يابنت الناس انا عمري ماخنتك ولا انا بتاع خيانة وبنات
انا بس اتجوزت وعلى سنة النبي
انا ذوووهلت مش عارفه ارد
سكتتت كتير مش عارفة اقول ايه
راح قالي انا متجوز في البلد الي بشتغل فيها من سنة
قلتله ليه خبيت عليه
قالي كنت استنى اجي اقولها لك وانا هنا وماكنتش حابب اجرحك
بس سامحيني حاولت اني انساها واعيش حياتي معاكي ماقدرتش
بحبها وعلاقتي معها من 9 سنوات!!!!!!!!!
تسع سنوات يعني ايه
يعني كنا متجوزين لنا سنة بس
يعني حبيت واحده عليه وانا عروسة
قلتله كدا وانهرت من البكا
قالي انا ماحبيتش عليكي
لاني من الاساس ماحبتكيش وحاولت انساها عشان خاطر الولاد ماقدرتش
وانا دلوقتي جاي اقولك نا متجوز
لو حابة تقعدي على ذمتي مصروفك ولبسك وشربك وسكنك كله عليه
ولو حابة تطلقي برضو مصروفك ولبسك وشربك وسكنك كله عليه
ومش حيتغير اي حاجه
انتي ام ولادي ومش ممكن اذيكي
بــــــس
ماتتوقعيش مني اكتر من كدا؟؟؟؟؟؟؟؟؟؟؟؟
اكيد فهمتوني طبعا
خلينا زي الاخوات كدا
انا ذوهلت فضلت ساكته يجي 5 دقايق
راح قالي سامحيني
قلتله اسامحك على ايه
على خيانتك ليه بعد سنة من جوزنا
ولا اسامحك على جوازك
ولا اسامحك على تحريم نفسك عليه طول التلات سنين الي فاته
ولا جفاك ليه
ولا على ايه
وبقيت ابكي واشتمه بشتم عمري ماقلته ولافكرت اقوله
وقلتله اطلع برة
مع انه بيته هو ملك لوالده وله وقلتله انت حقير
وطبعا تنتظر مني اقولك طلقني وتتمنى
وهو فضل ساكت ولا كلمة مع اني توقعت انه يقوم يضربني
وخد بعضه وخرج ومن ساعتها وانا قاعده ابكي
مش عارفه
اطلب الطلاق واحفظ كرامتي
ولا ايه استمر
ولا اخد رقمها واكلمها
قولوي اعمل بالله عليكم
حمووت والله
قهررر حموووت
لاتزعلي نفسك عليه ولا يستاهل دمعه وحده منك طالما انك انتى الاولى صدقيني الاولى تحلى
لو كانت وحلى اهتمي بنفسك ولاتهملي نفسك وطززززززززززززززز فيه اهتمي باولادك ولاتطلعي
من بيتك خليك فيه وخليه يصرف عليكي وعلى اولاده ولايهمك منه انك تسيبي البيت وتطلبي
الطلاق مو حل ابدااااااااااااااااااااااا لاتعطيه فرصه خليكي زي ما انتى بس حسسيه انك خلاص رميتي
طوبته وخذي عيالك واتمشي وعيشي حياتك واستغفري كثير أسئلي الله في سجودك ان يرده لك ردا جميلا
بلاش طلاق عشان العيال ونفسيتهم الام تضحي عشان عيالها وتداري وتخبي عشان ضناها الغالي
خليك عاقله وبلاش تصرفات وبلاش تشتميه صدقيني حيرجع لك وتقولي اختى ونه قالت
خليكي دايما لابسه وحاطه مكياج وخليه يحس انك بيه عايشه ومن غيره عايشه هو اللي راح يجري وراكي اسمعي كلامي وفي ايات قرانيه اسمها ايات السكينه اقرئيها في ميه بارده واشربيها وربنا يبرد على قلبك ياحبيبتي قلبي معاكي وياريت تراسليني وتقولي لي عملتي ايه.ربنا يوفقك ربنا ينصرك على الظالم
اسمعى ياحبيبتى اوعى تخرجى من بيتك مهما حصل وخليك زى الست الي صبرت على جوزها ودخلت الجنه واوصيك بالصلاة فى اخر الليل وتدعى ان ربنا يرجعه لك وانت ياحبيبتى اكيد عارفه نظرة الناس للمطلقه يمكن يكون جوزك الله اعلم الست التانيه دى عملاله حاجه فمع الدعاااء والاستغفار باذن الله هايرجعلك اصبرى لو مش عشانه يبقى عشان اولادك وربنا يعوضك فيهم خير ويخليهملك لكن اوعى تسيبي البيت
والله يصبرك ويجعل الاخرة همك احسن من الدنيا وما فيها