السلآم عليكم .
انآ بنت عمري 17 سنه . . الحمدلله فيني كل الصفآت الحلووه ماقصد المدح . . بنات انآ شخصيتي بكلمكم عنها بصراحه . .(حساسه لأبعد درجه يمكن أي احد يرفع صوته علي أدنى شي تدمع عيوني+ماحب الإستعبآط والاستهبآل الي يسووه البنآت. .يعني إيه في بنآت صح يستهبلون بالمدرسه ويسوون يضحكون البنات يضحكون انآ أضحك مجاملهّ! . .ومن داخلي اقول سمااجه! . .واكره السماجات من يوم انا بالمتوسِط
اذا لعَبو بنات كلآسي قدامي بالكلآس اطلع واخليهم ويضحكون لانهم عارفين اني أنزعج واكرره الازعاج واقولهم ليش انتو بزران. .!ويردون ايه احنا اطفال والحياه عندهم إيييزي! . .(على فكره يمكن أثر علي هدوء البيت لان مالي أخوآن ) . .اما انا كل شي عندي سخآفه.. .!!.اتضآيق من أي شي. .لدرجه اذآ احد مزح معي بقوه ماتقبل مره بكيت من البنآت لانهم مزحو معي! بس كان فيه جرح لي وشكل بعضهم حرمو يمزحون هههه. . .الحين بقولكم وش يسوون معي البنات:::!
اخر مره وحده من البنات تستهبل كالعاده طبعا بنظري اشوفها سامجه!. . والبنات العكس جات تستهبل علينا وحده وحده واحنا جالسين جات عندي مدت يدها بتمزح ثم تراجعت تقول لاانتي نفسك بخشمك. . .التفتت ع الي جمبي قلت صحيح؟. .قالت اصلا من جيتي وانتي كذآ!! استغرربت معقووول!! هم يلاحظون علي اشياء مالاحظها على نفسي . . . واشياء كثير لمن اكون ساكته علطول يقولون البنات وش فيك معصبه وش فيك زعلانه!مدري ملامحي ليش تصير كذآ اذآ كنت صامته. . .+أحس البنات يتجنبووني لآني (حازمه وشخصيه معهم لدرجه وحده قالت لي شخصيتك بالمسن غيير عن المدرسه قلت اكييد انا احب كون رسميه مع الكل ومهما أستهبل او احاول اغير نظرتهم لي. . تجي لحظه يقولون انتي زعول وش فيك معصبه شوفو نظرات فلانه ليش طفشانه . . وبرضو اكرره نفسي لآستهبلت ولاسويت خفيفه دمم أقول بنفسي كم انآ سخيفه<احلفي خخ
الشي الثآني 
انا سمرونه والحمدلله علاقتي بالفصل حللوه جَدآ
. . محد يكرهني بس يخافون من رده فعلي! وبالفصل سمران كثير زيي و برآ. . ميزتي الوحيده . . اني مامشي مع سمراء زيي ناادر صح لي صديقات بس مامشي ولااجلس معهم أببدآ فهمتوو وش أقصد !!
فهنآ مستغربين اللي زيي اني امشي مع غيرهم . . انا الحمدلله امي متعلمه وانا دافوره والباقي كسلانات وقليلات أدب ويعني ربي ميزني غيير عن الي أعرفهم . . و مارتاح لهم وامي نصاحتني ماماشيهم (لآني جربتهم). . وطبعاا هم بنظرتهم اني متكبره عليهم ورايحه امشي مع غيرهم . . ويقولون هذي دافوره ماتحب الشلل والي أقل منهآ. .فلمن اجلس معهم لما وحده تقول كلمه وصخه علطول يتلفتون علي ووحده تقول عيب ترا فلانه تنقد!<يقصدوني . .والي تقولي فلانه عادي ترا هذي سوالفنا شفيك إنتي<<هذا وانا وربي ماتكلمت . .!بس يحسون من ملامحي اني متضايقه. .ويتكلمون فيني يقولون مغروره والله وانا في حآآلي . .
والله اني كارهه نفسي والناس لدرجه الحين اسمع مشاكل البنات فلانه كانت تحب وحده السنه الي فاتت والحين مامدانا ندرس الا حبت ثآنيه. .! صرت انقرف من هالسوالف تجيني قشعريره . .!مع ان عندي معجبات وساحبه عليهم. . .ونسيت اقولكم نااادر ضحكي وقليل واذا ضحكت قسم بالله ضحكي مو من قلب حتى معلمآتي لآحظَوه
! . . فيني حززن غررريب اخبيه بقلبي . . وكثير اتمنى لو القى بنت مكبره عقلهآ زيي . . أي وحده تسولف لي عن الحب ودي أفقع وجهها أقول يالله مراهقات مراهقات. . 
!! وانا زيهم مراهقه بس احس عقليتي غييير عنهم . . احب أكون أكبر من سني ! ومممدري كييييف شخصيتي . . يمكن غامضه بالنسبه لهم ولاادري ليش كذآ هم يعقدون الأمور؟. . أي كلمه تنقال يتلفتون علي يبون يشوفون رده فعلي. .ولما تجي وحده تبي تمزح تتراجع!؟ . . واذا مزحت اقول اسمعي تراني ماحب المزح واشوي واضربها وكل شي سخافه عندي . .ولما اجلس مع بنات سمر احس يستحون يتكلمون ويقولون كلام مو حلو قدامي خايفين أنقد على قولتهم! . . انا والله مانقد بكييفهم . . يسوو الي يبوؤن بس مدري ليش لهدرجه مكبرين الموضوع. . ويقولون انتي ماتعطين وجه ومدري إييش. . .تكفوون شوفو لي ححل . .تشوفون شخصيتي عاديه؟ ولاغير أسلوبي معهم! . .وانا مدري ليه كارهه كل شي حتى نفسي. .تكفوون مدري شسوي. .مابي البنات ينظرون لي كذآ ويمكن يقولون معقده وانآ العكس! . . واسفه طولت عليكمَ بس ابي ردود واللي يعافيكم !:(
اسمعي انا اقولك عن شخصيتك مرررررررررررررررررررررررررررررررررررره شكلك حبوبه وطيبه وقلبك نظيف صح ؟؟؟؟؟ طيب شوفي حساستك ماتنفع ابدا راح تتعبي مع زوجك وترا الزوج اكرهه شي عندو كل يوم يشوف دموع المرأه يطفش غيري من نفسك اقنعي نفسك انك تتقبلي كل شي واذا احد سوالك مثل المواقف الي فوق انتي كمان استهبلي معهم انتي شكلك هاديه مررررررررررره حسيت من كلامك مثلا وحده قالت لالا لاتسمعكم فلانه يعني يقصدوكي انتي قولي بفرفشه هههه سمعت ايش في ياحلوين عادي خليكي فرفوشه وخفيفه دم ؟؟؟؟؟ ادعيلي لاتنسين اذا رسالتي وصلت اديني خبر اللهم صلي وسلم علا سيدنا محمد
وبعدين حتى المراهقه تكون حلوه يعني اذا تعديتي هالمرحله تجلسين تضحكين على هالايام وتحنين لهاا كثييير
وبالنسبه لصاحباتك هم ماخذين ردت فعل منك ومالومهم لأنك ماتتقبلين شي
حاولي تغيرين هالشي عيشي سنك احسن لك
إيوآ وصصلت يآقللبي ..عسى الله يسعدك ويحقق لك منآك بيوم هالجممعه مششكورهـ ع ردككك وإن شآء الله أتغيير وشكرآ لأنك فآهمتني
لآيكك موون ///
تسلمين يآحيآتي الله يوفقك ويريح قلببكك نصيحتك على عيني ورآسسي وربي ثآنكس
خزآمى <اذآ ماغلطت بالأسم
ألف شكر لك وإن شآء الله مششكورهـ ع الرد ويآرب أضغط ع نفسي و أتغيير مشكورهـ
بنـــات وينــكم لأتتركووونـي
بقولك شى انت مثلى تماما؟
وكانوا فى المدرسه بيخافوا منى وكانوا بيقول عنى متكبره وشايفه نفسى ؟
وحساسه ودمعتى قريبه منى؟
وفعلاكنت اشوف حركات البنات من يوم انا فى المتوسط استهبال وسخافه وبزران على قولتك؟
بس والله نصيحه منى غيرى حياتك واسلوبك والله تتعبن؟
انا الان اعانى موكره الكل لا؟
لاكن خلاص شخصيتى اثرت على زوجى واطفالى؟
حتى المجتمع الاانا عايشه معاه نظرتهم لى مثل بنات المدرسه؟
عيشى حياتك او عيشى سنك بكل مافيها من مرح وضحك ولعب وكل شى؟
وسلامتك غلاتى؟
حبيبتي..انا قرأت موضوعك اكثر من مره ، اغلب عباراتك في الموضوع تحتوي
على كلمه واحده وهي يقولون ويقولون ويقولون…!!
طيب وانتِ حبيبتي اش تقولين !!
وين رغبتك انتِ؟
لايهم مايقولونه هم ، المهم ان تعرفي انتِ ماذا تريدين وماهو الاحساس القوي الذي تشعرين به
يعني مثلا لو نصحناك ان تُصبحي فرفوشه كما ذكرت احدى الأخوات هل ستكونين كذلك لأننا فقط
نصحناك بهذا؟ او لو نصحناك بأن تكوني حازمه وتبقي كما انتِ هل ستبقين هكذا فقط لأننا نصحناك
بذلك؟
لاياقلبي..لازم تكوني ذات شخصيه لا تُمثل سوى ذاتك ، كوني انتِ بشخصيتك بإسلوبك بشكلك
بمنمط حياتك بحركاتك بكل مافيك ، اياك ان تتمثلي بشخصيه لاتُمثلك فقط لكي يرضى عنك الآخرون
فهذا هو الدمار بعينه لثقتك بنفسك
تُحبين التعايش مع صديقاتك واللعب واللهو معهن ليكن ذلك ولكن بإسلوبك انتِ بشخصيتك انتِ
وليس بشخصياتهم هم ، إن كنتِ لا تحبين كثرة المزاح فهذا ليس عيبا فيك بل العكس هناك
الكثير من الشخصيات يتصفون بصفات الجديّه ولايتقبلون المزاح بكل انواعه فلا تلومي نفسك
كثيرا على هذا الأمر ، والبيئه التي يعيش فيها الفرد تُكسبه الكثير من صفاتها وانتِ ربما تربيتِ
في بيئه تتسم بالجديّه اكثر في التعامل لذلك اكتسبتي هذه الصفات منها وليس لأنكِ انسانه غير
طبيعيه اطلاقا
انظري الى نفسك بماذا تشعرين وسيري على ذات الشعور ، إن شعرتي برغبه في المرح امرحي
إن كان هناك موقف اساء لك لا تتأخري في التعبير عن ذلك ، نحن بشر ولسنا منزّهين عن الأخطاء
لا احد كــــــــامل جميعنا بنا عيوب ، مالضير لو اخطأتي مره هل ستهب عواصف مثلا!!
بالطبع لا ..اذا عيشي حياتك كماهي ، لا تتشبهي بأحد ولا تُكثري من النقد لذاتك فأنتِ في مرحلة
ماقبل النضوج ومن الطبيعي ان يكون مزاجك متقلب لأن هرموناتك لاتزال غير ثابته وفي صعود
وهبوط مستمر ، غدا ان شاءالله ستتعلمين مع الحياة وتجاربها الشيئ الكثير فلا تستعجلي على
نفسك ولا تُهبطي من عزيمتك ولا تُنقصي من قدر نفسك لكي يرضى عنك الآخرون
المستقبل بكل مافيه امامك ويفتح لك ذارعيه فعيشي الحياة بمايُرضي الله ثم بما يُرضيك انتِ وليس بما يُرضي الناس
موفقه حبيبتي