صباح / مساء الخير عالامورات
اليوم كانت الماما عاملة مسخن مع فريكة مفلفلة ، فحبيت اشارككم بالوصفة والصور
بس شووو طلعت أكلة من الآآآآخر
المسخن اكلة بنقدر نقول عنها فلسطينية او اردنية ، احنا عاملينها عالطريقة الفلسطينية يعني بيكون ملفوف على شكل رولات ، اما الاردني بيكون مفرود بالصينية وفوقه الجاج والبصل
ورح احطلكم بس وصفة المسخن لانو الفريكة كتير سهلة وعضواتنا الطباخات الممتازات ما اظن يحتاجوها 
بسم الله نبدا
المســــخن
المقادير :
2 دجاجة حجم وسط
1 كيلو بصل
خبز شراك ( هو نفس الخبز يللي بيتسوى عالصاج )
سماق ( حسب الرغبة )
طحينية ( حسب الرغبة )
ملح
بنبدا بالطريقة :
اول شي بتسلقي الجاج واكيد الكل بيعرف كيف بينسلق ههههههه
بعدين بنفرم البصل ناعم عالمولينيكس، وبنقلبه بزيت زيتون
بعد هيك بنشيل الجاج عن العضم ونقطعه طبعا كل وحدة حرة بطريقة التقطيع وبتضيفي عليهم السماق والطحينية والبصل المفروم والملح، والمهم تكون النتيجة متل هيك
بعدين بتجيبي خبز الشراك وبتقطعيه متلتات حسب حجم حبة المسخن اللي بدك ياها
وبتصيري تاخدي كل قطعة خبز وتحطي عليها شووووية مرقة جاج ( انتبهو شوي يا دوب مو تغرقوها لحتى ما يتمزع الخبز ) وبتحطي عليها خلطة الجاج وبتلفيها وبترصيهم بصينية بقاعها زيت زيتون
بعدين بتحطيهم بالفرن وبتحمريهم من فوق وتحت
بعدين بتحطيه بصحن التقديم وهو سخن
وصحة وعافية على قلوبكم 
آه صحيح بقيت الفريكة المفلفلة
بتقدرو تاكلوها لحالها او مع لبن
وصحتين وعافية 
مشكورة على الطرح..
الله يعطيكـ العآآفيـة…
شكلها روووعــــــة ويفتح النفس 
انا الصراحة اسويها وبنفس الطريقة لكن البصل اعمله جوانح رفيعة
بس عجبتني طريقتك وان شاء الله اجربها
الله يعطيك الف عافية .. وصحتين على قلوبكم
لاتحرمينا المزيد ياعسل
دمتي في حفظ الرحمن
انا بعمل المسخن
بس عمري ما حطيت الطحينيه عليه
حجربها المره الجااايه بااااذن الله تعالى
تسلم ايديكي وايدين الماااما
بلغيهااا تحياااتي
يعطيكي العااافيه
دمتي بحفظ الرحمن ورعااايته
الله لا يحرمني تواجدكم العطر
|
المشاركة الأصلية كتبت بواسطة ღ دونـــ Donna ــاا ღ
 انا الصراحة اسويها وبنفس الطريقة لكن البصل اعمله جوانح رفيعة
بس عجبتني طريقتك وان شاء الله اجربها
|
ماما بتسويه هيك لانو عندي اخواني الصغار ما بيحبو البصل فازا كان جوانح رح يقدرو يقيموه بكل سهولة اما ازا كان ناعم ما ح يقدرو يشيلوه بالمرة وبياكلوه غصب ههههههههه
فازا كانو بناتك صغار فالاحسن انك تعمليلهم البصل ناعم >>> احم خبيرة تغذية 
وانا كتير مبسوطة انو الطريقة عجبتك
وصحة وعافية على قلوبكم مقدما
|
المشاركة الأصلية كتبت بواسطة هلا هلا
ـألـسَـلآمٍ عَـلـيـكُـمٍ و رحـمَــة ـألـلـَّـه و بـَركـآتـُـه
انا بعمل المسخن بس عمري ما حطيت الطحينيه عليه حجربها المره الجااايه بااااذن الله تعالى |
وعليكم السلام ورحمة الله وبركاته
احنا كمان ما كنا نحطله طحينية بس ماما مرة اجا على بالها تغير بالنكهة شوي بس صدقيني طلع الز بكتير مع الطحينية
بس ديري بالك لا تكتري 
يعني بس للنكهة حسب ما انتي بتشوفي لانو ازا كترتي يمكن يعطي طعم غير مرغوب
بتمنى تكون الوصفة عجبتك
وصحتين وعافية على قلبك مقدما
Up
Up
تسلمي عزيــزتي -احلى بنووته
يم يم ان اسمع عنهاا بس ما عملتهاا
شكلها يم يم لذيذ 00
تسلم يدين الماما
الله يعطيك العافيه يا الغلا
جزكي الله خير
ننتظار جديدك
دمتي بود
::
::