السلام عليكم….
اخوااااتي انا ببدا بمشكلتي على طوول…
انا عمري 23 وعندي بنت عمرها سنتين ونص ..زوجي طلقني وانا حامل ببنتي ورجعلي يعد سنتين من الطلاق ..ولنا الان خمس شهوور راجعين..
مشكلتي اني مو قادره انسى اللي سواه …وبنت خالتي بسني تزوجت قريب وبعدت خالات عني ومبررها انها تخاف من نفسي لاني تعذبت وماتهنيت وبحملي وولادتي وطلاق وعاب..
فتره الطلاق السنتين كان ابوي حابسني بالبيت لدرجه الناس ماعرفت اني تطلقت الا بعد سنه من طلاقي..
انا
وعماتي ابوي شووه سمعتي عنده..لان واحد اتقدملي من موقع زواج وكان يضن اني اكلمه..
اااه وربي تعبت….
انا مريضه جدااا جداا ..ونفسيتي تعبانه ..حاولت اروح دكتور نفسي بس زوجي مو راضي…
احس اني منبوذه من الناس …ابووي عذبني واخواتي صغار وامي مااديه ومتزوجه وتفضل زوجا علينا والله اجيها تعبانه تخليني انظف وارتب وتقولي انها تعبانه ولا عمرها رضت تمسك بنت وانا ادرس واذا بيجي زوجها وربي كان التعب يطير..وهذا الشي تسوويه مع كل اخواتي (عشان لا تقولوا تتخيلي ..
انا ماعندي قبول من الناس حتى صحبات بعدوا عني ..واهل زوجي تكلموا فيا اني مو بنت ناس وغير كذا حسودين وحقودين…
تربيت بعائله مفككه اتمنى القى صديقات ..واهل …وعزوه …
والان انا حاسه بفراغ وافكر احمل اقل شي اربي اولاد اللي يعوضوني ان شاء الله..
بس المشكله ان زوجي مايبغا وامي تقول مالي شغل فيه وانا نفسي ..
وابغى رايكم بموضوع الناس اللي مقاطعيني والفراغ..والخمل لاني خافه اندم والكل ضدي…
انا بالمدينه ووالله والله والله من ترد عليا بحل لموضووعي لا ادعيلها بالحرم
هذا مو طبيعي الناس كلهم بعيدين عنك وعليكي بقيام الليل
لمــــــاذا نذهب لطبيب نفسي وننسا الذي هو خالقنا واشافينا وراحمنا… فكري بكلامي
وادعيلي بالزواج لي ولاختي
عندك بنتك كل دنيتك نقول الحمدلله كثيرا
ربنا يذيدك من نعمه
استحلفك بالله ادعي لي بزيارة الحبيب المصطفى صلى الله عليه وسلم
ياعمري انت .. الحمد لله انك الان ببيت زوجك ومع بنتك .. وربنا ماقصر حاشاه من التقصير واعطاك وماحرمك من الخلفه .. طيب اش تقولين لو انك ما انجبت هالبنت؟؟
الان انتبهي لنفسك وبيتك وبنتك وزوجك وابدأي صفحه جديده وانسي اللي فات .. هذا انت شايفه ان كل عائلتك واقربائك كلهم لاهين بحياتهم .. انت ايضا التفتي لنفسك وحياتك ولاتهتمين للي يقول واللي يحكي .. اما بالنسبه للانجاب مره اخرى فهذا حق من حقوقك ولكن الامر كله بيد الله .. بكن فيكون تلاقين نفسك حامل وبدون سابق انذار وبدوم موافقة زوجك او رفضه ..
لاتقولين ماعندي احد ولا صديقات .. كلنا صديقاتك واهلك .. تعالي للمنتدى واقضي اوقات مفيده فيه واستفيدي من كل شي وسخريه لخدمة حياتك وعائلتك .. فقط اوصيك بتحسين علاقتك بزوجك فهو الملجأ الدائم بعد الله .. وكلما حسنتي علاقتك فيه كلما لقيتي سعاده اكثر وعوض .
ربي يسعدك ويهنيك ويعطيك الى ان يرضيك
امين يارب
تحياتيييييييييييييي