اللي عندها ولد إسمه عبد الرحمن أوعبدالمجيد أوعبدالملك وعبدالمحسن وعبدالعزيز ضرووووري
——————————————————————————–
الحمد لله رب العالمين
والصلاة والسلام على خاتم المرسلين
محمد وعلى آله وصحبه أجمعين
من فتره ودي أكتب لكم عن هذا الموضوع
بس مدري مره ينسيني الشيطان ومره يشغلني
ومره يثقلني
المهم الحمد لله جا الوقت
وهذا انا أخياتي أكتبه وأرجوا من الله إن ينفعني وينفعكن به
صدق يا أخوات لاحظت بالفتره الأخيره تساهل كثير من الأخوات
في موضوع( تقدير الله) سبحانه وتعالى
وإستهانه بذكر أسماؤه بطريقه مافيها تقدير أو إحترام له سبحآنه
نشوف الوحده بتنفطر كبدها على ولد وتقعد تدعي ليلها ونهارها
ويوم الله يمن عليها (((تكفر بالنعمه)))
تسمي ولدها عبدالملك وتنادينه ملوكي و عبدالعزيز وتنادينه
عزوز و عبد المجيد وتنادينه جودي وعبد الرحمن و عبد المحسن
وكل إسم عبد لله يشتق دلعه من إسم الله ؟ !!!
وين توقير الله يا أختي وين؟!
وين شكر النعمه ؟!
الله سبحانه بعزته وجلاله ينادى على غيره بإسمه؟
وبألفاظ خارجه عن الأدب معه؟!!
إنا لله وإنا إليه راجعون
يوم بغيتي تدلعين ولدك ليش مادللتيه بإسمه الحقيقي
ألا وهو ((عبد)) >>>وهو من خير الأسماء
ليش تعديتي على إسم الله عز وجل ونسبتيه لولدك
إنتي عبدتي ولدك لله يوم سميتيه بهذي الإسم وهذا المطلوب ومن شكر النعمه
طيب ليش يوم صارت النعمه بين إيدينك تنكرتي لمنعمها
وأسأتي الأدب معه
أسمع بعض الحريم لا جاها ولد تقول أبغاله إسم فخم
يعني مثل عبد الملك عبد المحسن عبد المجيد
وترفض أي إسم آخر من أسماء الله الحسنى
لإنه مو بفخامة هذي الأسماء
شوفن يا أخوات كيف النيه تحولت من تعبد إلى هوى نفس
مو مهم المعنى والقصد المهم اللفظ والشكل؟ !!!
الله المستعان
صدق رب العالمين { ولكن أكثر الناس لايشكرون }
تعقيب
ذكرت وحده من الأخوات جزاها الله خير
إنه في أماكن ماينبغي ذكر إسم الله فيها
نعم أختي ممكن تنادين عَبْدُه
☆★
☆★ تحياتي لك
اتوقع انك صح يااخت غوفي لانك تدلعين الولد مو تحتقرين اسم الرحمن