بسم الله الرحمن الرحيم
كيفكم يابنات وياحريم عساااااااكم بخيرر,,
محتاجه مساعدتكم ياحلوات.. انا ولدت قبل أسبوع بأول مولود لي
وجبت ولله الحمد بنتي الأموره ((راما))
ماتتصورون فرحتي فيها بس عندي مشكله
انو صار معي أكتئاب بعد ماولدت..احس اني كارهه كل شي حولي
ومالي نفس لا اكل ولا اشرب وصرت مااعرف اناااااام وطول الوقت
أحس برغبة شديده بالبكاااااااااء
واللي قاهرني اكثر واكثر صار معي موقف مع زوجي خلاني
أكره نفسي,,
وهو انه جا البارح عشان يوديني للمستشفى عشان المراجعه وكذا..
وكنت جالسه البس عباتي قدامه وكان جالس يناظرني
وانا ماادري شوي كذا قام وناظرني نظرات غريبه وقال ليه كذا
وجهك,, قلت وشفيه؟؟
سكت شوي وجلس بس يناظرني وبعدين قال لي كلمه تمنيت وقتها
اني مت ولا قالها لي,,
قال انا مدري وين كان عقلي يوم شفتك اول مره ((يقصد بالشوفه))
قلت له طيب انا نفاس وطالعه بعد ولاده وتعبت فيها مره يعني
وش تتوقع بيكون شكلي؟؟ سكت وماقال شي
وجلس طول الوقت سرحان ولا عطاني وجه..
والله اني وقتها انقهرت قهر مو طبيعي حسسني أني شاف قرد
حسيت أني أقبح بنت بالعالم جلست بس ابكي بكاء مو طبيعي..
وعلى فكره هو معاملته لي الحمدلله زينه ولا يحب يجرحني
وانا يابنات بالنسبه لشكلي الحمدلله مملوحه كثييييرررر بشهادة الكل
ومهتمه بنفسي وبلبسي وبشكلي عند زوجي
بس والله لمن قال لي كذا انقهرررررررررت ومن امس وانا بس ابكي
لاني أحبه حب مو طبيعي وماتوقعت بيوم يقول لي كذا ,,
وبعدين جلست أهدي نفسي او بالاصح((العب على نفسي))
واقول يمكن اني مكبره السالفه شوي ويمكن عشان الاكتئاب اللي
جاني بعد الولاده ماثر ع نفسيتي وخلاني حساسه شوي
ويمكن ويمكن ويمكن….الخ
عشان كذا ابي وحده تفيدني بحالتي او عاشت تجربة اكتئاب
بعد الولاده,, والله اني بهم غم مايعلمه فيني الا ربي ,, ماأبي اخسر
زوجي عشان شكلي بعد الولاده
ساعدوني ولكم جزيل الشكر.. 
والله حبيبتي انا حاسة فيكي لاني عانيت من اكتئاب بعد الولادة بنفس طريقتك
طول الوقت كنت اشعر برغبة بالبكاء ولمن رحت للدكتورة بعد اسبوع من الولادة وحكيتلها قالت ميصير تظلي على هذا الحال لان اذا عبرتي الاربعين وظلت عندج الكابة راح تمسك فيكي على طول
المهم حاولت اشغل نفسي بمجلات جديدة كان زوجي كل يوم يجيبلياها
او انتي حاولي تشغلي نفسك بالنت تصفحي مواقع تعلمك شلون تعتني ببنتك وما هو الصح وما هو الخطأ ومن هلسوالف
بعدين اياكي ثم اياكي ان تهملي نفسك
انا لما رحت المستشفى اولد اخذت معي شنطة المكياج
ويومية الصبح اكعد اغسل وجهي وابدل ملابسي واخلي مكياج خفيف واسوي شعري حتى ما ابين لزوجي اني تعبانة
وايضا جتني لحظات حسيت انه زوجي يقهرني بس صدقيني هذا كله بسبب الكابة
سوي الي كتلج عليه وانشالله تصيرين احسن
امنياتي بالشفاء العاجل واسفة طولت عليكي
زوجي معي.. الله يعين بس
وان شاءالله خير