السلام عليكم ورحمة الله وبركاته ..
مشكلتي
قدرالله أن أختي بتكمل دراسه بالخارج وأخوي أن شالله بيكون مرافق لها ..
أن شالله أمي مو راضيه عن سفتها ولاتبي تسافر وكل ماقالت لها لو تهونين أحسن قالت لا انتي شجعتيني بالبدايه وانا تحمست وماابي اتراجع وهذا صحيح بس لأن وقتها كانت تختبر بالجامعه اخر سنه لها وكانت امي تشجعها علشان تجتاز فقط الاختبار وتجيب معدل حلو قدر الله وجابت معدل حلو وسجلت وكل شي ماشي تمام لين جاء موعد السفر !!
المشكله الأكبر ضاااق صدر آمي بالحيل ياعمري عليها كل شوي تقول لها اغديك تهونين بس ماااش اختي مصممه وامي متضايقه من هالروحه كلها ثلاث سنين برى وزياده على كذا اخوي معها مرافق واربع سنين بيكمل ..
سؤالي وش نسوي كيف نمنعهم علما ان ظروفنا ماتسمحح لهم بالسفر أبوي عنده قلب مشكله وأمي حالتها مو ذاك الزود ونفسيتها تعبانه المفروض كلنا نوقف جنبها ومانبعد عنها خاصه بعد وفاة اخوي الاوسط الله يرحمه وهي محتاسه وساويس وشي مالله به عليم ..انا وخواتي الباقيات ضاق صدوورنا بالحيل بالحيل نفترق من غير شر وكل جزء من بيتنا وكل شي معهم لنا ذكرى فيها ..اختي صغيره دائما مااقنعها تتنازل وتتراجع بس ماش عنيده قلت كملي دراستك هنا طلعت الف عذر وسبب ..ذكرتها باامي وبنا كلنا بس للأسف لاحياة لمن تنادي تقول هذا علم وطلب العلم ماجوره عليه و و قلتلها طيب أمي وحنا !
لاقدر الله صار لنا شي وش بيكون ردك ..قالت قدر ..وانا راضيه فيه ..
قلت أصبري لين يجيك أبن الحلال الي ياخذك وتروحون كلكم برى على الاقل أمي تتبرى ذمته كونك خلاص بذمة رجل ..
أيضا لاحياة لمن تنادي ..والله أننا في ضيقه وهم مالله به عليم ..وش نسوي ..ماأقول ألا الله يعين أميمتي على التفكير والهم الي هي فيه ..
دلوني الله يرضى عليكم
المهم اذا مصره خلاص الشكو لله تركوها تسافر لاجل العلم وانتي وامك منتو ظايعين لكم الله حاولي تعودي نفسك ان تنسيها وتعيشي حياتك روحي للمول ولا تنسين امك معك عشان ماتحس بالوحده كلمي صديقاتك كملي دراستك زاوري اهلك واقاربك ولا تنسين امك حبيبتي طلعيها معك اذا رحتي تتمشين لا تتركيها لحالها غيري جوها طيب اعزمي خالاتك خلها تتونس مع خواتها وبس….
|
المشاركة الأصلية كتبت بواسطة الواثقه بعطاء الله
 مافيدك شيء انتي حاولتي وماقصرتي طيب اختك صلت الاستخاره
المهم اذا مصره خلاص الشكو لله تركوها تسافر لاجل العلم وانتي وامك منتو ظايعين لكم الله حاولي تعودي نفسك ان تنسيها وتعيشي حياتك روحي للمول ولا تنسين امك معك عشان ماتحس بالوحده كلمي صديقاتك كملي دراستك زاوري اهلك واقاربك ولا تنسين امك حبيبتي طلعيها معك اذا رحتي تتمشين لا تتركيها لحالها غيري جوها طيب اعزمي خالاتك خلها تتونس مع خواتها وبس…. |
حبيبتي ماصلت آستخاره من نفسها راضيه ومرتاحه للموضوع بس آخوي هو الي شوي متعقده معه المسأله وأمي تعبانه نفسيتها ماتقدر تطلع ولاتدخل قلييييل وخالتي مو من كثرهن ..وأذا علي مقرر بكمل ان شالله بس مهمااا كان سبحان الله ماارتحنا للروحه هذي ابدا ..الخبر يوم جاء الجد مثل الصاعقه ..بحاول بقدر المستطاع آن شالله وربي يسهل الله يجزاك خير يالغاليه 
ياعزيزتي
تفاءلوا بالخير تجدوه
تتكلمين عن الموضوع وكأنه كارثه حصلت لا سمح الله
ياحبيبتي ان حصل مكروه فاعلمي انه بسبب تشاؤمكم
البنت رايحه تدرس وتكمل تعليمها
والحمد لله اخوها وياها
واش علاقة الموت والحياة بالموضوع؟؟
ياعمري لو تدرين بحالي يوم سافر ابني الصغير وبوقتها كان عمره لسه 17 سنه
وهذا المدلل .. ما فيه ام دللت ابنها على قدر دلالي لابني الصغير
عمره 17 سنه وانا اعمل له الساندويش الصبح .. يعني مايعرف يخلي الجبن في الخبز .. ماعمره اكل نفس الاكل اللي اطبخه لباقي العائله .. اكله مخصوص وله اصناف معينه فقط ياكلها..يوم سافر الناس كلها تريد تشوفني وتعرف شعوري كيف
حصل عندي تحجر بالمشاعر وانا اودعه بالمطار
تخيلي هو مايقدر يطالع بوجهي وانا ايضا نفس الحاله
مرت لحظات علينا وكأننا اغراب عن بعض
يمكن هذه اللحظات اللي شعرنا بيها اننا اغراب عن بعض كانت رحمة من رب العالمين ساعدتنا على اول ايام الفراق .. والان والحمد لله صارله سنتين ونص ويجي كل صيف اجازه اشوفه واشبع منه
ويكفي انه رافع راسي وابوه رحمة الله على روحه راضي عنه
حبيبتي
ارجوك ارجوك كلمي والدتك واقنعيها وخليها ترضى عن اختك .. لان اذا سافرت اختك ووالدتك غير راضيه عنها ترى ماتتوفق بدراستها
وساعتها تكونون كلكم خسرانين
لاهي كملت الدراسه ولا انتو قدرتوا تمنعوها من السفر
ربي يوفقها ويوفق اولادي واولاد امة محمد وكل عباد الله الصالحين
امين امين امين