جلست بحجرتي
وجليستي دمعتي
اللي تحاتي حبيبي
منتظر خبر .. اي خبر عن حبيبي
ش فيه؟؟؟ ش اللي جراله؟؟
يمكن نسى ؟
معقولة قسى؟
لالا ماأظن .. وش اللي غير حاله؟؟
جفاني قليل النوم
وزاد من اهلى اللوم
بس مو مهم
المهم اسئله بالعشرات
مالقيت لها شافي الاجابات
ورن جرس التلفون
سمعته وصابني جنون
وسبق قلبي خطواتي
وتبعثرت في طريقي استفساراتي
ورديت
وليتني ما رديت
ليتني الى ذيك اللحظة ماحييت
رديت .. وسمعت مصيبتي .. قالت لي حبيبك مات
نعم؟؟ .. لاتمزحين .. وش اللي صار؟
وسمعت منها عن حبيبي اسوء اخبار
نزلت على قلبي العن من نار
وتسيد الصمت المكان
الو تسمعيني؟؟
عظم الله اجرك
وعلى فراقه يقوي صبرك
بس لاتنسيه بدعوتك
حبيته وحباني
وكان بالدنيا جنتي
كل اصديقاءه دمعهم عليه انهمر
هذا قدر
مالك الا الصبر
ثم الصبر
حسيت دنيتي تدور
ودموعي جرحت خدي
والزمن انقلب ضدي
صارت الدنيا كلها عني غريبة
بعد ما مات الحبيب
الحزن .. صاحبني وصرت حبيبه
والكدر .. مايوم اخطيت طريقه
والفرح .. ماعرف بلحظة اجيبه
دخلت لغرفتي .. واسترجعت الماضي
مع كل صورة اهات
مع كل وردة ونات
لنا بكل مكان ذكريات
جلست اقلب بالاوراق عن شي يكذب المواجع
عن شي يغير الواقع
ولا اختلفت الاوجاع من خمس سنين
ذكرياتي وألامي وهمي بقلبي دفين
سالت على الخد دموعي
وانطفت بدنيتي اخر واحلى شموعي
ونزف قلبي داخل ضلوعي
لي خمس سنين
يذوبني له الحنين
اسمع صوته باذني
وصورته بعيني
احس على صدري راسه
احس بدفا احضانه
احس بيده تمسح دموعي
انفاسه تدفي ضلوعي
بسمته تضوي شموعي
اشم ريحته .. اتخيله
يمكن تخفف لوعتي لاحسيته حي
لكن مع الاسف .. ذاكرتي دايم قويه
وتنبهني انه مو حي
لكنه والله بقلبي وخيالي حي
ذكراه الى الحين حي
الى الحين اسمعه يقول حبيبي
الى الحين اقول لصورته حبيبي
بقايا حبنا مثل ماهي
الناس والاشياء والجوامد والحقايق
لكن ناقصها الروح
الروح .. اللي راحت فوق
الروح .. اللي علمني الشوق
الروح اللي فهمني
ووقت الخوف ضمني
ولعز همي نساني
وبوقت الكدر اسمعني
الروح اللي دايم سامحني
وبحلاه جنني
وبوقت المزح مازحني ودلعني
الروح اللي على الحب عاهدني
وبالوفا والاخلاص واعدني
بعد عناق حبيبي
عانقتني مصيبتي
صرت ابات بحزن الى وقت الصباح
ومسحت من قاموسي معنى كلمة افراح
ما ادري هي ذكراه تخفف لوعتي؟ا
اونسيانه ينسيني بلوتي؟
في كل الحالات
رغم ما مر من اوقات
مانسيته .. ولا ابي انساه
ليه الملامة والعتاب
ليه اوصدت كل الابواب؟
مو ذنبي لو لحبه وفيت
ولاجله بدموعي دعيت
قالوا لي انت ضعيف .. لكنني قوي
حبيته وللحين لحبه وفي
انتم اللي تهربون من الواقع
ماتتحملون تشيلوا نص المواجع
لكنني بقيت مع ذكرياتى للحين اذكره
بالغصب وحتى بكيفي
ومن يتعرضه منكم
بمد له سيفي
حبه علمني احلى معاني الوفا
حول لي كدر ايامي معاه صفا
بعد كل هذا؟؟؟
تستغربون مني له الوفا؟؟
تستغربون ذكراه اللي ماغاب؟
رغم انه تحت الرمال توارى
لكن هذا انا .. وهاذى قصتي
وهاذى اهاتي ووجعتي
بكيفي .. اتركوني .. تعبت من كلامكم
معاد يهمني ملامكم
اتركوني لذكرياتي
ارحلوا .. وخلوني معاه
مع روحه .. طيبه.. وذكراه
اتركوني لحبه ظميانة
وبحضنه دفيانة
اتركوني لذكرياتي معاه
خآآآآآآآآآطرة قريبة جدآآآآآ مني
وانا اقول تعدت الأسباب والفراق واحد
روح مغليها حروفك تقطر ألما "تسطرت على قلبي
يعطيك ملبون عافية
بقاااايا روح
حروفك كنجوم تتلألأ في سماء خاطرتي
فبريق حروفك اليوم بات نور يضيء قلبي
على رغم الحزن والألم واليأس الذي يعتري خاطرتي
شكرا بقايا تعطيرك صفحتي
بس جد جد تحززن وربي
تقبلي مروؤوؤوؤوؤري
وصورته بعيني
احس على صدري راسه
احس بدفا احضانه
_________
راقت لي كلماتك وبوحك …
سلامتك من الآه
___
دمتى بود مع ارق تحياتي
تتوقف الكلمات عن التعليق