سلام
معليش نسقسيكم في موضوع شائع بزاااف في المجتمع تاعنا ..
علاش كاين بنات (يسميو رواحهم حباباتك و صحاباتك) مهما تكوني مليحة معاهم و نيتك صافية ما يقدروا هاذ الشي
بنات في وجهك حبابات و في ظهرك سكين و المشكل أنهم ما يملوا من النفاق
بنات يحكيوا عليك كلااام عدوك ما يقولو malgré في حياتك ما خممتي تأذيهم ولا تقيسيهم و لو بكلمة
و مبعد كي تفيقي بيهم و يظهروا على حقيقتهم قدامك؛ تواجهيهم و توكلي ربي و تحاولي قدر الإمكان تفوتيهم و تخرجيهم من حياتك ..
و أكبر مشكل أنهم يرجعوا و #يدخلو حياتك من جهة أخرى ..!!
يبداو يألفوا في قصص و روايات عليك و يقولوك كلام ما قلتيه و يحاولوا يفسدوا علاقاتك مع الناس لي تعرفيهم
واااش الحل مع #أشباه_العباد هاذو
صح الإنسان يصبر و يحتسبها لوجه الله بصح حنا #بشر و الصبر عندو حدود
surtout كي يبقاو يتبلاو فيك و يديرولك المشاكل
وعليكم السلآم ورحمة الله وبركآتُــــة
– يسلمو علـى الموضوع , والله يبعد عنا الغيبـــــــة والنميمــــــة
المهم لاتكوني انت الظالمة والله يهدي الجميع