السلام عليكم اخواتي …….
اليوم جايبيتلكم طريقة كتير طيبة للصيادية اجمل واروع صيادية سمك والله انا عزمت اهلي عليها وما ضل ولا اشي بالسدور 
واخدو الباقي معهم 
المقادير 3كيلو سمك مقطوع الراس (عرموط)
لنقع للسمك:
كمون ناعم
كزبرةناعمة
راس تومة مدوقوق
ليمونتين كبار
للارز :
2كيلو رز ابو كاس منقوع بماء وملح لمدة ساعة
كيلو ونص بصل نقلي وكل ما كترتي بكون اطيب
3روس تومة مقشرة
2 ملعقة كبيرة قرفة ناعمة
2م ك كزبرة ناعمة لكن مش معرمة
2 م ك كمون ناعم
م ك هيل ناعم او 10 حبات كاملين
اصبع زبدة صغير
مرق دجاج او ماء
لوز للتزيين
الطريقة :
ينظف السمك وينقع بالبهارات ويترك طول الليل او لعدة ساعات .يقلى البصل والتوم مع الحفاظ على اللون الذهبي قط دون تحمير ؛يتبل الرز ويضاف له البصل والتومة البهارات والملح لانو البسمتي ما بمسك الملح كتير 
.
حطيها بالطنجرة بدون السمك وحطي عليها المرقة او المي واطبخيها على نار عالية لحد ما تغلي بعدين هدي النار عليها لحد ما تستوي .
اقلي السمك بعد لتو بالطحين وحطيه على وجه الرز وقدميه ساخنننننن جدا لانو لذيذ كتير وهو ساخن 
.
وصحتين وعافية .
يسلمـووو غاليتي